محتوي الموضوع
العتاب والزعل هو من اكثر المشاعر الانسانيه المؤلمه والمؤذيه والتي قد تسبب ألم وجرح في قلب الانسان ان الانسان الطبيعي لايتعمد جرح اخاه او حتى اصابته باي نوع من انواع الحزن فالزعل ليس شي سهل بل هو واحد من اخطر علامات تدمير العلاقات وكل تلك الاشياء هي اشياء ليست سهله وعموما ان الحزن والجرح واالزعل كل تلك الاشياء لايمكن ان تكون هينه باي شكل من الاشكال فهل تتخيل ان بصفح عنك احد بعدما جرحت له قلبه شعور صعب ومتعب ان تشعر بالزعل او الجرح من شخص معين وتجد ان الشعر العراقي قد عبر بنجاح عن تلك المشاعر التي تعبر عن كل شئ حزين بل ان الحزن يتجسد في كل تلك الكلمات الصعبه التي سنعرضها عليكم.
شعر شعبي عراقي عن العتاب جميل ومعبر.
- اريد
اعلن حداد وللعشك ماعود
واريد انساك ونسة البينك وبيني
وشك دفتر غرامك خاطر انة انساك
ودير الوجه عنك من تلاكيني
ماريدك بعد لو انت روحي اتصير
و ماريدك لون من موت تحييني
ملح بعيوني احطن ونسة حتى النوم
اخافن بالمنام طيوفك تجييني
اذا شافتك عيني وفرحت بملكاك
والله اتبره منهه وهاي موعيني
واذا صافحك جفي بحجة الخملان
اكص اثنين اديه يساري ويميني
واذا كالولي حبك يسري بالشريان
ثق بالله اكطع كل شراييني
واذا صاير شمس انه ابقه دوم بليل
وماريد الضوة وبلظلمه خليني
تذكرمن لكيتك والعطش واليك
وكلتلي امعود اترجاك روييني
عصرت اجفون عيني و وشلييت دموع
وشربتك بديه وانت تدرييني
ومن مرني العطش صرت انت جربة ماي
كصدتك معتني ومديت جفيني
وانتة بكل وكاحة وكل صلافة عين
درت بجفوفي سم وردت تنهيني
تذب نفطك عليه وانه بيه النار
وتتحمه اعله ناري و ماتطفيني
وصرت محبس بديك وكمت بيه تسوم
ساعة تبيع بيه وساعة تشريني
اظل خصمك وفضحك حتى من اتموت - على كبرك أخطـــــــــــن بايك اسنيني
شعر اخر عراقي عتاب :
من ياهي اعذرك ….وانت ما معذور
سيفك هد علي…….. بساعه الشده
حسبتك تحبني …وجبت بيدي الروح
بعدها ابنص ……اديه وكمت تتعده
ردت مره اجربك…. وانتخيك بيوم
على كلبي انتخيتك ……بلكن اترده
وكح كتلك وكح ….ويريد احب بذات
شجعته ع الي…….. وتوكف بسده
مرات التحبه تشوف….. منه اشكال
وتخلقله الاعذار ….دكول مو قصده
وتصد كل الحجي… والنصح من الناس
وتتحمل ذنوبه……… وكل خطأ عنده
لبس يفاجئك يلبس……. جلد ثعبان
ومفصل عليه……… وجايبه بكده
مانادم عليك ……الراح خلي يروح
ولك صارت قديمه …..الماي وتبده
بس نادم علي… شلونه اصدك بيك
ونادم ما اخذت…. العبره من وحده
وهن اهواي صارن.. ماتبت عالصار
يا كلبي شيتوبك…… كافي وتهده
غيمه من الدمع يزرعها ….وسط العين
وانت ورود……. حمره وتزرع بخده - يمعود تره الكلك بعدني ارتاحلك جذاب يمعود
وجهات النظر تختلف باللحظات
مو لان رمده العين ..لان شوف الكلب ارمد
وعزيز الشمع بس بالليل ومن ينطفي كلهه اضوج
مو حبا ..لأن كلشي يصير اسود
… يمعود طبع سجين انه طبعي
شما اضعف عليك اشتد
يمعود ..أنه ما ناجرك ياباب
الله يساعد النجار بوجه الباب من ينرد
كبل جنت انه دايخ بيك اموت عليك
وتردد عليك وعلي تتردد
هسه ما اجي ..ومن تجي بشارعنه
اذا مفتوح بابي لوحده ينسد
يا بلبل ربه وما غردت فد يوم
وبلبل مشتره وللمشتري غرد
يمعود صحيح انته حلو كلش ..حلو تخبل حلو بلاعد
وحلو طبعك ..طبع رطبه تصير احله شما حر الوكت يشتد
بس آنه ضجت منك …لان حبوك مدرى شكد
شعر عتاب موجع ومؤثر للغايه عن العشاق.
- شما اقرب عليك ..
اتزيد حسراتك …
اذا خايف احرجك ..
گلي ليش اتخاف … ؟
ماريد آنه اصبح ..
سبب مأساتك ..
احسب للطريق ، وشوف دربك زين ..
بس آنه اعتقد ..
حاسب حساباتك ..
مرات اني اشوفك ..
قمه بالاشواگ ..
ومرات احس گلبك ..
عكس نظراتك ..!!
اشوفك ترف ، واطمع ع الترافه البيك
اجيك .. وتنگلب قاسي بعلاقاتك
يـ ( حبيبي) بالكرم ..
واكثر بعد للناس ..
بس وياي .. تبخل
ليش ساعاتك
تلعب على اجروحي ..
وتضحك ومرتاح ..
وأنا ابطيبة گلب ..
احمل جراحاتك ..
واضح ويه غيري ..
وغامض انت وياي ..
اتمنى اني غيري .. واحوي ضحكاتك
بس راح اني اعوفك ..
وانشغل بالروح ..
وما تلگي من يمسح غيري دمعاتك - اصبر الروح بيش و انت بيه الروح
و اذا تطلعاظلن بس جسد خالي
لكيتك من جنت ما لاكي كل الناس
انت اول محب و انت صرت تالي
يلكلك محبه و انت احن مخلوق
معقوله الحمامه اتصير كتالي
صح ماكو بجمالكاني ادري بهاي
و روجه رقتك ما كظها اي جالي
حرام اعليك تزعل ونته الصوج
اجيك انه اعتذر و بلا ذنب خالي
تزعل ليش
غالي و كلشي عندي و ما اهدكدووم غالي
و هسه حبك جيف صرت غالي
احسك تختلف عن كل الناس بعيوني اشوفكعلنجم عالي
و اشوفن دمعتك ما جنها تنزل ماي
ذهب تنزل دمعتك تجدحاتلالي
الك بستان عمري بكل ثمن مزروع
راضي بكلشي منك كلشي يحلالي
اجيك ومن ارد فارغ ارد للغير
و عنب بس اعله مودك تارس اسلالي
يمك انسه روحي و مناكون وياك
و على فنجان شفتك تركع ادلالي
الواشي بلا بخت مرني و زعلك
اموت انه ولا يوم اجرحنك و زعلك
حلو كلك على بعضك و زعلك
بحلاتك فدوة بسارضىعليه
اروع ابيات العتاب المؤثره جدا عراقيه جميله.
- يرادلي شوي صبر
وشوي أراده وعزم
واستوعب اللي جره
وهم عندي منهن هذن
ضميتهن للزمن
ماعندي ميت صدك
بس حافظ المكبره
وممكن أعيد النظر
فدوه الجنح النكسر
كل ريشة من الجنح
ناذرها للمحبره
وصلوله هذا الحجي
الماضي جدا مهم
من يمشي صح القلم
لا ينكر المسطرة
ذاك السحك خاطري
وفززني من الوهم
من كلبي أريد اشكره
مستانس ويه الألم
يحييني دوس الجدم
شايل طبع كنطره
مو عيب حال الفقر
العوز رب الشعر
سولفها للمادره
المحار ابن عائلة
عاش اعله كد حالته
بس خلف الجوهره
كلمن جرحني ومشه
طيبة هلي تفلشه
صح مايعثره الحجر
بس حوبتي تعثره
يحفرولي طول السنه
وادعيلهم بالهنه
البير شايل كلب
من تحفر تكبره
ومن راسي حد الجدم
يمشي اعله طوله الجرح
لتكول ديرة هله
وما أكبر المشكله
متهمني قصه انتهت
على يا أساس انعزل
بعده العمر بأوله
واتعلمت عالصبر
مرات افوت بدرب
بي وحدي والزم سره
لازم اذل الدمع
والبس وجه مو رطب
بي ضحكه متخوصره
والمشكله ادري الفرح
بي ميزه مثل الشرف
ينباع ما ينشره
لاكن مشيت بدرب
والرجعه زحمه عليه
أمن الميل انه تعلمت
ماارجع اللي وره
امسير متاعي جرح
وشثكله وجه الدوه
وادري الدرب منسحك
بس يمي صاير قوه
مازاحمت أي بشر
انه اعله جرت النفس
مترخص أمن الهوه
لميت دمعي البقه
بعيوني مطرة ثقه
راح انسه كل الجره
وفي نهاية المقال يجب عليك ان تفهم ان الدنيا والحزن من الاشياء الطبيعيه التي يمكن ان تصيبك فيجب ان تفهم ان كل تلك الاشاء طبيعيه ولا تقتلك بل نوعا ما انها تقويك وتجعل منك شخص افضل مما كنت عليه انه تمدك بالطاقه فكل تلك المساؤي تمر عليك لتعطيك نوعا من فهم الدنيا وتقدير الامور تعطيك شئ من الخبره والقدره على التأقلم على الظروف بل ان كل شخص من كثرة المصاعب والاحزان يصبح اكثر خبره وفهما لما يدور حوله ومن هنا تفهم ان الحزن ليس سئ في كل شئ بل يحتوى على اشياء جميله من كل النواحي وفي النهايه نتمنى ان تكون اعجبتكم المقاله.
ويمكنكم الاطلاع على مقالات مشابهه مثل:
- شعر عتاب عراقي للحبيب اروع الابيات المعبره عن الحب والعتاب.
- رسالة عتاب للزوج قويه تعبر عن المحبة والاحتياج.
- شعر عتاب عراقي للحبيب اجمل واقوي اشعار العتاب والزعل 2018.
