نكت جزائرية

نكت جزائرية جد مضحكة اتحداك تمسك نفسك

نكت جزائرية جد مضحكة

من المعروف ان اكثر ما يسبب لنا الضحك و الفرح هي النكت ، فالنكت و بصفة خاصة النكت الجديدة و الحديثة كفيلة باخراجنا عن الشعور الممل الذي تكون داخلنا بفعل الحياة والطابع اليومي الروتيني ، فسبب الروتين الحياتي اصبحنا نشعر بأن الايام قصيرة و تمضي سريعا ، ولذلك نحن دائما في حاجة الى ان نقضي اوقات في فعل كل الامور التي تُشعرنا بالسعادة ، ولا يمكننا ان نذكر السعادة بدون ان نذكر الضحك ، فالضحك اشبه بمثابة علاج روحي لكل حالات الاكتئاب و الحزن التي قد تصيب اي منا بسبب موقف مؤلم تعرض له ، كما ان الضحك يُخرج ما فينا من طاقة سلبية و يمنحنا طاقة ايجابية تُجدد فينا النشاط وتجعلنا نشعر بالأمل و التفائل تجاه المستقبل ، وعلينا ان نعلم ان النكت لا ترتبط بلغة او لهجة معينة ، فالنكت هي النكت في اي مكان في العالم ، ولذلك يسعدنا ان نقدم لكم اليوم من خلال موقع احلم باقة من اجمل واروع النكت المسلية جدا و المضحكة باللهجة الجزائرية فنتمنى ان تنال هذه النكت اعجابكم.

 

نكت جزائرية تموت من الضحك
نكت جزائرية تموت من الضحك

 

نكت جزائرية تجعلك تضحك بجنون

 

  • قالك واحد النهار، واحد السّيد هادا يُشرب بزَاف الشَراب كل ما يدخل للدار يمشي عند لمرايا يبقى يشوف فيها ويقول : ااااااه كبرت وناضلي الشيب ، جا عندو باباه قالو : يا ولدْ قتلك ذاك العام ما توقفش عند التصويرة تاع جدك وتبقى تهدر معاه .
  • قالك واحد النهار واحد البَزْ سقسا باباه قالو : بابا علاه ماعندكش الشعر في راسك؟ قالو: لا خاطر يا ولدي أنا نخدم بُمخي بزاف (براسي) قالوا: اااااه على بيها ماما ما عندهاش المُسطاش لا خاطر تخدم بفمها بزاف
  • قالك واحد النهار واحد البنت فسخت الخطوبة مع خطيبها جات امها قالتلها: علاش واش صرا ؟
    قالتلها: لاخاطر هاد الراجل كافر و ماي أمَنش بجهنم قالتلها: يا بنتي علاش تقلقْتي كُنتِ تخلّيه حتى يتزوج معاك درك يأمَن بجهنم
  • قالك واحد النهار واد الجابوني هو ماصو و المالوفري تاعه جزايري، قالك الجابوني بدا يخدم والمالوفري
    الجزايري يجيبلو فالصوالح.. ، قالك الماسو الجابوني طاح من السلوم قالك وعاود ولّى يخدم، ايا المالوفري تاعنا راح عند الطبيب وقالو : جيت عندك باش تعطيني مالادي تاع الخُلعة
  • قالك واحد النهار احد السيد سقسا صاحبو على الزواج ، قالو : آ حمييدة راح نسقسيك؟ واشهيا سبَة الطلاق قالو وهادي غابتلك، سبَة الطلاق هي الزواج
  • قالك واحد النهار واحد البزَ صغير مشا عند امه قالها : يا ما الملاك يطير؟ قاتلو سي نورمال المَلاكْ خلقو ربي يطير، أيا أمه قاتلو : وليدي علاه راك تسقسني ؟؟ قالها لبارح بابا قال للخدّامة : أنت مَلاك، قاتلو أمو : سي نورمال غدوة الطّير
  • قالك واحد النهار واحد السيد كان كاره حياتو ايا خرج عندو جن قالو: شوبيك لوبيك كل ما تطلب بين يديك ، الجن قالو: عندك زوج طلبات ، أطلب الطلب الاول : قالو لو كان دير مزيا ترجعلي جداتي اللي ماتت الله يرحمها ، الجن قالو: لا لا هذا الطلب صعيب بزاَف ، أطلب الطلب الثاني : قالو : مالا مادابيا الفريق التاعنا يربح البارصا زوج زيرو في بلادهم ، الجن قالو : أيا معايا تروح تشوف جداتك خير .
  • قالك واحد النهار واحد الشيباني راح عند الفارمسيان باش يعطيه الدواء ، الفارمسيان قالو : شوف الحاج اك تشوف في هاد الكاشي اشربو ُمور القهوة ، هاداك الشيباني خرج وعاود دخل قالو: معليش نشربو مُور البُوستا ( مكتب البريد ) .

 

نكت جزائرية تموت من الضحك
نكت جزائرية تموت من الضحك

 

اروع النكت الجزائرية المسلية

 

  • قالك واحد النهار واد السيد نوّض مرتو ديمارات
  • قالك واحد التلميذ دخل للقسم وقال للاستاذة: صباح الخير استاذة ، ايا قاتلو ، يا وحد الدهسة هدا وين تجي ، قالها : كنت عافس على خمس آلاف قالتلو : كنت تلْقطها وتجيبها للقسم ، قالها : لالا استاذة كنت نستنى حتي مُولاها يروح
  • قالك واحد النهار واحد السيد حنين بزاف تزوج بمرا حنينة ، قالك زاد عندهم ولد صدّقوه
  • قالك واحد السيد كريم بزاف تحرقت دارو ، مرتو تعيَط : ياراجل ارواح طفي النار القش قاع تحرق ، آلك جاو ليبومبي (الحماية المدنية) قالهم : استناو دقيقة والله ماتبدو طفو النار حتى تتْقهوو هههههه .
  • قالك أحد النهار في المحكمة ، القاضية قالت للسارق : انتايا وعلاش دخلت لدار السيد وسرقت؟ ، قالها : ماشي انا سيدتي ، قالك مول الدار نطق : لالا سيدتي هو اللي سرق وشفتو بعيني ، السراق قالو : أنت كذَاب ديجا انا كي كنت نسرق انت كنت راقد
  • قآلك أحد النهار واحد المشحاح تزوج دار فوياج دو نونس وحدو هههههه .
  • قآلك وأحد النهار واحد الميقري دخل هنا للبلاد وعلق بلاكامكتوب فيها : fff ، كيما نقولو حنا dz هو علَق fff ، ايا حبسو بوليسي قالو حبس راك في لالجيري هاد الـ f واش معنتها ، قالو لا فرنس ، والـ f الزّاوجة ؟ قالو : فاكانس ، و الـ f الثالثة ؟ ، قالو : جون سي با (ماعلاباليش) !! ، قالو البوليسي نقلك واش معناها ؟ فوريار .
  • خطرى واحد سكران يسوق اللوطو، ضرب زوج التاع الناس واحد مات و لاخر انقرض ، داك المقروض بدا يعيَط: ماكش تشوف ياحيوان وبقى يسب … ، قالو مالك يا الحاج علاه راك الطَيح لي مات ماقال والو وانت كرعك مقروضة بغيت تاكولنا .

 

نكت كوميدية باللهجة الجزائرية

 

  • خطرى شيخ سقسى تلميذ قالو: ماهو الشيء الذي يتمدد بالحرارة ويتقلص بالبرود ، قالو العطلة يا استاذ تاع الصيف طويلة وتاع الشتاء كانز جور (15) وقلّب .
  • خطرى واحد بوفقْرون قاتلو مرتو والله لبارح ياعمري نمت باللّي شريتلي لبسة شابة ، قالها : ها نومي اليوم لَابستها .
  • خطرى كان وحد السيد يطلب في ربي : ياربي تجيني انفلونزا الطيور للدار ، جاه صاحبو قالو واش بيك ياخو واش راك الدير؟ قالو راني نطلب في ربي انفلونزا الطيور تجيني للدار ، صاحبو قالو : علاه ؟
    قالو: لخاطر نسيبتي يسمَوها الطاوس .
  • خطرى واحد السيد كان داير دوموند تاع السُكنة وراح عندهم للبيرو ، قالهم: الملف تاعي راه واجد تاع السكنة ، قالولو: شوف يااخي الملف التاعك راح ناخذوه بعين الاعتبار ، قالهم لا لا ما تعطونيش في عين الإعتبار ، أعطوني في عين قزام
  • خطرى واحد الأنوش دخل يجري للدار فرحان: ماماماما راني سْبع قاتلو: علاه شتاكاين ، قالها: الكبش تاع جارنا توشيته على راسه وما دارلي والو .
  • خطرى مزطول عيّط باه يريكلامي على الكونيكسون ماكاش عنده ، رفدت عليه شيرة اللي تخدم في التيليكوم ، قاتلو وي خويا ، قالها الكونيكسيون هاذو ليام ماكاش الا بغيتي ربي شو كي ديرو قاتلو: المودام راه مشعول قدامك ؟، قالها واه راه مشعول ، قاتلو: خبّرني تشو: اللامبات وينهم اللي راهم مشعولين؟ ، قالها كاين زوج راهم مشعولين تاع الكوزينا، و تاع الدوش .
  • معلمة رافدة ورقة بو دوسون 200 سقست تلميذ قاتلو : كي يسموها هادي بالعربية قالها ميتين قاتلو ايا ديرهالي في جملة مفيدة تشو؟ قالها : البارح أنا و بُوي كنا ميتين بالضحك البارح .
  • خطرى وحدة مسكينة تموت على الزواج وماجاهاش مكتوبها رفدت راسها في السما وصابت الغيام وقالت : كوني غي في بلاصة النو يطيحو الرجال ، ايا مشت غير شويا شافت غوريان صغير طايح في الارض قالت: مزيا اي بدات تقَطّر .

 

نكت جزائرية تموت من الضحك
نكت جزائرية تموت من الضحك

 

و في ختام هذه النكت يجب ان نعلم ان الضحك و السعادة بينهما علاقة و رابطة قوية جدا ، فعندما نقرأ النكت فاننا نضحك كثيرا ، والضحك يجعلنا نشعر بالسعادة التي تملأ قلوبنا بالأمل وتلون حياتنا بأجمل الالوان ، فالضحك كما هو مفيد من الناحية المعنوية فهو مفيد ايضا من الناحية الجسدية ، لانه يعمل على تقوية عضلة القلب كما انه يحسن الدورة الدموية ، فتشعر بأن الوجه مشرق ومفعم بالنشاط …… نتمنى ان تكون هذه النكت قد اعجبتكم وحازت رضاكم وانتظروا المزيد من الموضوعات المرتبطة بالنكت المسلية و الكوميدية من خلال موقع احلم.

و يمكنكم ايضا قراءة: نكت جزائرية مضحكة عن الدراسة فيس بوك اتحداك ما تضحك

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق