شعر حب

شعر عراقي عن الحب قصير رائع للعشاق والاحبه

الحب هو شعور مبهم ويمكن أن نعتبر الحب هو لب الحضارة الإنسانية كلها حيث أن الإنسان يتحرك دائما بدافع الحب والشغف لشئ ما بدافع حبه لعمله لوطنه لاحلامه كل هذه الاشياء هي عباره عن مجموعه من الاشياء التي يسعى لها الانسان بدافع الحب بل أكثر من ذلك فمن الممكن ان يضحي الإنسان بحياته دفاعا عن من يحب او دفاعا عن وطنه والعديد من الفلاسفة والشعراء على مر العصور حاولوا أن يحصروا الحب في كلمات معدودة ولكنهم لن يقدرو وذلك لان الحب هو شجرة يتفرع منها مشاعر اخرى من غزل واهتمام وغيره وعطف وحنان وكل هذه المشاعر هي ثمار شجرة الحب هو أضخم شعور إنساني حقا، وسنعرض لكم مقتطفات من شعر عراقي عن الحب في هذا المقال.

عاهدتني الا تميل عن الهوي
عاهدتني الا تميل عن الهوي

شعر عراقي عن الحب حزين وروعه.

  • أحبّك

    أنا بس بالكلام وذايب بحبّك

    وأفكر بيك أنا في ليلي ونهاري

    إذا شفتك صدّك شو يصير أنا بحالي

    أظن يغمى عليّ وافقد إبصاري

    تعال وصير إلي بالحب غطا وفراش

    ودفّيني بحنانك واعرف أسراري

    أحبّك كالطفل من يهوى صدر أمّه

    يموت من القهر لو فطمته إجباري

    زرعتك بالعشق وردة و صرتلك ماي

    غصن حبّك شرب من أعذب أنهاري

    أنا بدونك مثل بيت أنهدم ساسه

    تعال ابني أساسي وابدأ أعماري

    حبيبي ارحم بحالي حن على قلبي

    أنا بهجرك دمع بعيوني ضل جاري

    صرت أنت بقلبي كالنّبض والدم

    وسمّيتك حبيبي ملهم أفكاري

    تعال وخلي أيدك تشبك أيديّ

    واحضنّي وطفّي بالعشق ناري

    وخلّي شفتي تشرب مي شفافك

    أريد بشفتك ترتوي أزهاري

    أريدك كالحمامة تحط على بيتي

    وأريدك كالثريّا تنوّر بداري

    تعال وصير إلي أنت الهوا والماي

    وأريدك كالبلابل تسكن أشجاري

    تعب قلمي وأنا اكتبلك قصائد حب

    ولكن للأسف ما تفهم أشعاري
  • يا قمر

    بهيدة على بختك يا كمر، مساهر واريد اشكيلك

    انه غريب بدنيتي مضيّع وادور الليلك

    عن ربعة اهلي ، ودلّة الديوان ، مواويلك

    عن ضحكة البربين لعيون الدلو

    عن رقصة الصفصاف والماي الحلو

    عن صحبتي، وخلاني، وعيون النّهر

    بهيدة على بختك يا كمر

    يا غربتي

    غربة عصافير التوديع عشوشها برفّة جنح

    ويا دمعتي

    دمعة الكاع اللي تبكي موت اروشها بجيت الملح

    يا دار أهلنا الطاهرة مر العمر

    عيون الحب امساهرة وما مش خبر

    بهيدة على بختك يا كمر

    وك يا كمرنة مروتك حنّي الشواطي بدمعتي

    كلهم كبرت أعله الصبر والونّه صارت غنوتي

    مشتاق ابوسن دجلة واشرب مايها

    واعزف ترانيم المحبّة بنايها

    دجلة الهوى، والسّوق، والحب، والسّهر

  • انا اللّي عشت بالدّنيا اصارع غابة الأحزان

    حزن هموم عذابي يبتسم فيهــــا


    تعبت بدنيتي هايم وصرت بدنيتي حـــيران

    تعبت وهذي الدّنيا دايم الاقيه ــــا


    زانا في داخلي نغمة وجدها داخلي فنان

    وجدها نغمة حيّة وتبغى من يغنيها.
  • محبتنا جذب مو كالو تموت

    ولتصدّكهم الكالو لك نسيتك


    لأن أنت شراكة بالنّفس ويّاي

    وما أتنفّس أني بغير ريتــــك


    تدري أنت شكثر بيك أنّي محظوظ

    وأحسّ بختي كعد لمن لكيتك


    وإذا فكّرت أعوفك وأنسى ذكراك

    ياخذني الكلب كوّة على بيتك


    حجولي شكد عليك وكلت عذال

    عاندت الحجم عنّك جيتــــــك


    كالو صعب دربه يتعبك هواي

    ورغم هذا التّعب كله اعتنيتك


    كالو بس اذيه وعوفه وأرتاح

    عفت الرّاحة أنا وميّت آب ذيتك
  • يسقط سجن شوكك ولك مو ملّيت

    ما مرّة رحمت بحال مسجونك

    شفتني لوحدي وأنت جمالك جيش

    واحتلّيت كلبي الماكدر دونك

    راح ادخل حرب صبرك بدون سلاح

    واشمّت بيك كلّ المايكروتك

    واجبرك تنسحب متعذّب ومكسور

    واشلع ضحكتك من لمعة سنونك

    انا انطيتك عمر شمعة عذاب وليل

    بس كلّ الخذوك شراح ينطونك

    ثواني بلا سبب كدرو يغيرونك
  • يا دنيتي ليه أنا حالي غريب؟

    القلب يشكي جروح من دون أسباب

    أجلس وفي قلبي طعون وتغريب

    والعين كلّ الوقت تبكي‏ من الأحباب

    يا دنيتي تكفين

    لاصرت عايش طول عمري بتعذيب

    فالموت أرحم

    من زمن ما به أحباب
  • انّه بخير شكراً، من سألت الحال؟

    لتكرّر بعد ما بيه حيل ذنوب

    يمكن جذبت لمّن كلت انساك

    مو يمكن

    أكيد الشّوك بينه وما كدرنه نتوب

    كتبت اسمك ابورقه واشترتها أبير

    كلّي شبيك خايب ما تخاف الحوب؟

    خايف حوبتك؟! لاوالله مو بس خوف

    أنا بفكرة وداعك عقلي طب حروب

    وي كلبي تعارك وخسرت الثّنين

    هذا المايريد، وهذا بيك يذوب

    وك عليمن جاي تسأل عن الأحوال؟

    وتهيّج المواجع والأشواك تلوب

    خليني بمكاني من بعيد أهواك

    وإذا يهتزّ حنيني بوجهي سدّ البوب
  • راح اصبر بدونك وارهم بلياك

    وأذبح رمش عيني الجان يبجيلك

    واتحمل عذابك والبعد والشّوك

    وما حط صورتك كدّامي وأشكيلك

    ما أكلّك نسيتك بس جرح بالرّوح

    يكسر واهسي وما يقبل امشيلك

    عيني الشّالتك كلتلها أشيلج راح

    كالت شيلني وما قبلت تشيلك

    و جرحي الفاك صدره وما يريد خيّاط

    واكف جنُّه واحد جاي يدعيلك

    بس مجبور أدفنك يا عشك يا شوك

    وأقرأ الفاتحة و الوحشه أصلّيلك

    بعيوني الحزن يقرونها يواسون

    والفوك الحزن لو ادري شحجيلك

    شمّات الأجو واسوني ثالث يوم

    حيل ويّاك كالو مدري شدّ حيلك
شعر عراقي عن الحب

شعر عراقي عن الحب

  • ردلي حبيب ارجوك وارحم حوالي…. ما شـك على مخلوق لله سؤالي يا ما دريت اشصار
    وقـف واقـلك… حـال اليـتـيـم تهـون عـن حـال خـلك خـاف اللـه يالمريت ما كـلـمـتـنـي
    لـيـتـك حكيت اوياي لو شـتـمـتـنـي قـلـبـي عـلـيـك تـنـوح مانام لـيـلـه
    مسألتي انا وياك صارت طـويـلـه جيتك بقايا انسان ايدي على خدي
    قـلـبـك صخـر مالان يالعفت ودي ترجع تـرد الـروح يا كامل الـزيـن
    انا ارد امـوت اليوم وتقولي بعدين يوم انا اخـس من يوم لـو كان تدري
    هذي ثلاث اشهور منته عـلى خـبـري بعد وجفا وهموم يوم اردى من يوم
    وعـيني عـلى فـراقـك ماذاقـت النوم لا يا وليف الـروح لا تنســــى ودي
    مالي غرض بالناس بس انته عندي الما يـنـام اللـيـل عـلـه عـلى عـله
    العـيشـه عـقـب اهواي عيشة مذله اشكي سهير الليل من فراق خلي
    ارفــع يديني فــوق للــه و أصـلـي اسهـر واهـل ادمـوع و الـدرب أدلة
    والمايريده اهواه عـله عـلى عـله يـا خـلـي لا مـريـت سـلـم عـلـيـه
    كـل الـسـبـب ذولاك انا اش بـيـديه يـاخلي لـو صـديـت قـلـبي يريـدك
    مـوت وحـيات الـروح ياخلي بيدك ياسمر فراقك ليش روحي جرحها
    صابر ودمع العين غصبن فضحها يالفارقتني الروح بعــدك جريحه
    بعـــدك طريح افراش كني ذبيحة
  • كما قال الشاعر عبدالحسين الحلفي
    أحبك مو لأن انت حلو لا
    لأن روحي التقت كبلي ولك بيك
    اذا إنت تمُّر ع الأعمى يصيح الله
    والأخرس لَّون حاچيته يحاچيك
    اذب كلبي على سهمك و آنه مجروح
    واكلك دير بالك اخاف أأذيك
    إجرَّحني ولك بس كون عالكيف
    لأن إنت ويَّه دمي وخاف أبديِّك
    اجرحني ولك بس كون ماموت
    حتى مِن يتهموَنك أبريّك
    على المراية وكفت ما شفت وجهي
    وشفت وجهك طلعلي وكمت أحاچيك
    وثبت بمرايتي وجهك مرايات
    واباوع وجهها مرايتي بيك
    بكذلتك شِّد ركبتي وطلع الروح
    اريدنها بعد تتكرب عليك
    أنت بحضني واكول بعيد
    اريدن هيچ كون آنه انخبط بيك
    بيا شارع مشيت كبالي الاكيك
    افوت بغير شارع هم الاكيك
    أرد للبيت كبلي الكاك بالباب
    اطب كبلي تطب وتكلي أتانيك
    بغيرك فكّرت كلت آنه أنساك
    طلع غيرك يشبهك وفكرِّت بيك
    طلع غيرك يشبهك وفكرِّت بيك

ونتمنى في نهاية المقال أن نكون خلصنا الحب في بضعة أبيات رغم أنه لا يمكن ذلك ولو كتبنا عنه بحور من الشعر فالحب يفعل العجب العجاب بل ان يجعل من الأشخاص خالدين ومعروفين بقصص حبهم فمثلا قصة حب عنتر وعبلة التي استمرت لمئات القرون وعرفها كل العالم العربي من شدة حبهم لبعضهم وقصة حب قيس وليلى والعديد من القصص وبسبب الحب خرجت اكبر الملاحم الشعريه التي كان يعبر فيها الشاعر عن مكنونات صدره ومابه من ولع ويصف اطباء النفس ان اشد فرحة تعبر حياة إنسان ما هو عندما يطرق الحب قلبه ونتمنى ان نكون قدمنا لكم اجمل الابيات العراقيه التي تعبر عن الحب.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى