شعر حزين

10 اشعار عراقية حزينة قصيرة اروع الابيات الحزينة

الحزن هو من اشد الاشياء قسوه والتي يمكن أن يختبرها الانسان في اي يوم من حياته فالحزن ليس كمثله شئ بل هو شئ سام يخترق القلب ومن اروع انواع الشعر التي استطاعت وبكفاءه ان تبروز الحزن بكل معانيه واحزانه فالحزن هو شئ قذر وصامت يخترق القلب فجأه بدون اي مقدمات وفجأة ينهار كل شئ يسقط في قلبك يسقط فجأة ويتعرض  للمساوئ وفجأة يصبح قلبك لايعرف كيف اصبح بهذا الضعف لاي درجة أصبحت لا تحتمل الكلام ولا الافعال لا تحتمل ان يكون هناك اي مساوئ بالحياه او اي شئ كريهه وبكل هذه العبارات تجد الشعر العراقي قد نجح في وصف كل المشاعر الحزينة والموجعة للغاية في تلك الأبيات والعبارات التي سأسردها لكم في تلك المقالة.

شعر عراقي حزين للغاية وموجعه عن الحب .

 

  • الغربه هاجس يبتدي بجنطه وجكاره
    الغربه دويرة تتن والدنيه سنطه
    ولون ناس بلايه لونك
    ياغريب هناك سولفلي اعله لونك
    هم بعد بيه ريحه من ريحة شمسنه
    الجانت تغيب اعله وجهك
    سولفلي اعله حزنك
    هناك ماتلكه حزن يشبه حزنه
    هناك ما تلكه ضحك يشبه ضحكنه؟
    منين تلكه  …
    اوين تلكه…
    لافخاتي التنده الضحكه اعله شفتك
    ولا درابين العصاري ….
    ولمة حديثات تلكاهه بغربتك
    وجوه ماتلكه اعله نيتك
    موش منه …هذا صيتك
    االغريب …نعرف صيتك
    وادم بلاريحة اهلك
    دبجي شمسك
    وابجي ليلك
    حيل ابجي …..
    وارسم دموعك معاضد
    وكاسر الاه  اعله شوغه…..
    وطرز الغربه قصايد …..
    وكلشي راكد…
    التتن بالريه راكد
    الفرح بالغربه راكد
    العمر جدحة كواغد  
    وطن مامش ……
    عرف مامش يسمعك…..
    ماكو واحد……
    وانته لابد……
    بين ….شباج ودمعتك
    بين     ….. غربه او وادم تشيع ضحكتك
    يالمكابل ريح غربه …
    شنهي قصتك
    الريح مو ساعي لبريدك
    ياهوى الوده الدمع لهلك رساله
    ياوجع غيرك يعرفه….
    ياحزن غيرك يعرفه….
    عيش هناك…..
    موت هناك…..
    وحتى من تموت سنطه
    لاعبي تفز اعله نعشك
    ولا شمع يضوي اعله كبرك
    يا غريب …الغربه هندس
    والضوه اهناك ايتلثم …بالدرابين الحزينه

 

  • تعبانه روحي معذبتني تريدكم
    مشتاقه حيل بس تسمع حجيكم
    تعبانة روحي وين الي يجيكم !
    يوصل حنيني والله ميت عليكم
    تعبانه روحي عذبني الفراق
    كل الليل اون والصبح مشتاق
    تعبانه روحي كافي خلص صبري
    يمته أجيكم ؟ وين الدرب ؟ ماا أدري
    تعبانه روحي ومعذبتني تريدكم

 

  • شفتك بالحلم فزيت ادور عليك
    نسيت انة صحيت وبالحلم عفتك
    اعاين بالوجوه وانت ما موجود
    ما معقولة يمي وإني ما شفتك
    شلتك بالكلب يوم الجنت موجود
    ودمعة بالجفن يوم الرحت شلتك
    ما ردتك دمع وتساير الخدين
    انة عون وذخر بالدنيا الي ردتك
    وحشة البيت بعدك ارجع أترجاك
    وحشني بيك كولشي حتى سالفتك
    ولو ادري جيتك جيت مودعين
    جنت ع الأقل هميت جنت ودعتك
    ما ادري غفل عن عيني راح تروح
    ويخلص بالعجل ما جنت اضن وكتك

شعر عراقي حزين موجع للعشاق والمتزوجين.

 

  • بعد حضن السواتر ماشبع منك
    وردت منك..
    صوره لابس قاط بيهه وبيدي ازفنك
    واصفكَلك واهوس
    هوسه ماسامعهه بس من شفة أمك
    #ياصديقي
    الماكَعد ويانه غير الساتر
    شكَد بجينه احلامنه
    صح تلاكَينه بحرب .. وبالدرب
    #للموت نمشي بس جميله ايامنه
    تضل يتيمه البندقيه اخلافنه
    #يعريس عله حور العين
    وين تريد
    خليني اشم عطرك واودعنك
    يماي اتبده من ايدي شلم منك
    وبقه اخر طلب عندي
    بقت بس #الصور عندي
    مروتك منهه اطلع خل اشبكَنك
    مروتك منهه اطلع خل اشبكَنك
  • كُـبـر جــرح الـيـحبك مـا بـعد يــنـشـد
    أعـيـش شـلون؟ إذا كـل الـصبر يـنفد
    أعـيـش المن؟ اذا باب الوصال انـسد
    صحـت ويـنك ردت بـعيـونك اتـعـبّـد

    صحت وينك انه بحاجه لنظر وجـهك
    أدور بالـبـشـر مـــا واحـــد يــشـبـهـك

    سـنـيـنـي بـفـرگـتـك لا مـو عُـمر تـنعد
    صـلـب عــــودي لان بــسـدك اتــلــبـد
    وأحــس هـسا أريـد الـگومتـي مسند
    أريـد أحـچـيـلك ومـن كـلـشي أتـجرد

    وأخـبـرنـك تـغـير كـلـشـي مـن بعدك
    بـشـرنه مـو نـفـسـهـا الچانت بعهدك

    تـغير كلشي حتى جروحي ما تضمد
    خِــرس حـتـى الـلـسـان الـگـبـل غرد
    وأخـبـرنـك غـــيـابـك للـحـزن جـسّـد
    صـرت بـعـدك ذلـيل ومـا الــي أحــد

    أحس وحدي أحس كل البشر ضدي
    صـبـر شـهدي أريدك تـوگـف بسـدي

    نظر عيني لمثل شخصك أبد ما صـد
    عـيـون الـفـگدتك من حگـها لو ترمد
    أريـد انـفـاسـك اشـتـمـهـا مـن اتنهد
    واذا مو عطرك اشتمه النفس يخمد

    عـفت بعدك گلب ما بـي نبض لا دم
    رحـت عـني وعفتـني شـلون أتأقلم

    أشـوف بغـيبـتك لون الـفرح أسـود
    على احـوالي اذا تـسألني هاك الرد
    تحت جـفـني الـحزن بعـيوني يتأبد
    جـمر بُـعدك أريــد بـشـوفـتك يـبرد

    جـروحي بـشـوفـتـك تـتلايم وتبره
    اعـذره الـي يعاتـب لو خلص صبره

    أمس چنت بدلالك ما يحدني الحد
    صـرت بـعـدك يـتيم وضـايع مـشرد
    گـبل مـا چـانت دمـوعي تزور الخد
    صـبح خــد الـتـبـوسه للـدمـع معبد

    نـظر عـيـني حلم من صورتك شيد
    وأحـافـظ عالحلم واتـمـنـه يتجدد

ابيات شعر عراقية مؤثرة وحزينه عن الفراق والبعد.

 

  • ميّت أنه
    ولا خط يجي عن موتك
    سوده وحشتك يَولِدي حرموك من تابوتك
    مشجوله ذمته المرمرك
    لا تبري ذمته مروتك
    ما ناح طير على الشجر
    إلّا اعله نغمة صوتك
    حيل ادلهمت يا نبع ﮔلبي وﮔمرنه امدمّه
    إبموس الخناجر تاكل بلحمه وتفطر النجمه
    عميه وتدور رويحتي إبيابير أدوّر يمّه
    وما ظِن بعد تطلع شمس وتزول هاي الغمّه
    وفرﮔاك فتّ إمرارتي وضاﮔت عليّه الـﭽلمه
    لا ﮔبر وتهدّل إله
    وألهم ترابه وأسأله
    الـﮔلب صاير كربله
    ولا خط يجي عن موتك
    يتنفس بشفته الورد والنجم غافي برمشه
    هد حيلي موتك يا حلم يبّس الطير إبعشّه
    إنـﭽان متّ بلا ﮔبر آني ﮔبر يتمشّه
    بلـﭼن تفِز إرويحتك يوم وتطير الوحشه
    وألـﮕاك أقفلك بالرحم وأنطيهم إذن الطرشه
    ما رد حلم عايف هله
    وصدره تراب ومنقله
    الـﮔلب صاير كربله
    ولا خط يجي عن موتك
    وما تخلص إﮔبور البلد دفّان ينخه إبدفّان
    ومشلّه اشليله الشفل ويطمها عدله الشبّان
    يا ريت ما شفتك ولا هلهلت يمّه النسوان
    يصل عظمك إبسنّ الشفل وتاكل إبعيني الغربان
    وأوﮔع وتلّ إرويحتي وأﭽبّح إعله البيبان
    ما رد حلم عايف هله
    ولا طير يعرف واسأله
    الـﮕلب صاير كربله
    ولا خط يجي عن موتك

 

  • أهجر لاتخون ولاتصدم گلوب
    تره أحنة بشر صدگني مو لعبة
    إذا نيتك دغش لاتخدع الناس
    وإذا عادي تخون تره عالغير صعبة
    إذا متحب تستقر أدمر الحبك ليش
    وتتلون لمصلحة سوء وتمثل أتحبة
    ترى الصورلك حلم صدگني چذاب
    مثل طبعك ترى يغدرك بس تغفه
    على نيتي وكشفتك ومتورطت بيك
    واشكرالله النقذني من عينك الصلفه
    ظل هيچي ذليل وحيل الجرة وياك
    تدمرك حوبتي حيل وبيك تتشفة

 

  • ذكرياتك باقيــــــــــــه ولا ماتــــغيب
    لأن دوم اگبالــــــي ماأنساهـــــــــــه
    ولسه كلماتك ابـــــــــالي ومـــاتروح
    روحـــــــــك الطيبة وعلي شمحلاهه
    عـــــــــندك المرحبه والاهلاً صفات
    الــــــــــــوادم بشبگات تتلگاهـــــــــه
    يبو ضحكه الحلوه في وكت الصعاب
    اشگــــــــــــد صبر عندك وتتلافاهـه
    انته كـــــــل موقف چنت تگصد عليه
    وبختك الياصعبه مــــــــــــــــاحلاهه
    شلون ننساك واخــــــــو انته وحبيب
    وانتــــــــــــــــــــــه للعفرين تتعناهه
    اشتاگت المهجه الك وانــــي اعتنيت
    وروحي ملهوفـــــــــه اشكثر تلگاهه
    گبرك يناديني لاتذرف دمــــــــــوع
    يگلي افــــــــــــرح روحي لاتنعاهه
    يمي جـــــــون وعابس ولمة شباب
    والشهادة اهواي انــــــــــــه اتمناهه
    نــــم قرير العين بس صعب الفراق
    ايام صعبـــــــــــه اخلافك العشناهه
    ماغبت عنه ابـــــــــــــد لا مستحيل
    وعشرة الغالـــــــــــي تظل ذكراهه
    اتمنه نسكن بالنجف يـــــمك نصير
    وكـــــــــــل صباح الدارك اتعناهه
    تبقه نبراس وشرف يارعد
    ورايتك ربك تــــــــــــــره العلاهه
    لأن لجـــــــل الدين ضحيت الحياة
    وشي اكـــــــــــــيد المكرمه تلگاهه
    تبقه حي انته ابــــــــــد لا ماتموت
    وروحك الجنه وعــــــــلي مثواهه

 

وفي تلك المقاله يجب ان تعلم ان الحزن والفراق والبعاد وكل هذه الاشياء المقيته التي ليس لها اي نهايه ونهايتها تكون اسوء منهم ونهايته تكون عند إصابتك بالاكتئاب واذا حدث هذا في النهاية تأتي شيئا فشيئا تجد انك قد دخلت دوامة لا تنتهي كن الحزن والاوجاع والألم الشديد الذي يعرضك التعب والضغط النفسي والعصبي حيث تصبح غير قادر على التعبير عن نفسك فتتجه الى ان تستمع الشعر والأغاني التي تعبر عن ما بداخلك بشكل او باخر وتنفس طاقتك المكبوته وتحاول بقدر الإمكان الخروج من كل تلك المآسي وفي النهايه اتمنى ان تعجيكم المقالة.

ويمكنكم الاطلاع على مقالات مشابهه مثل:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى