شعر حزين

شعر عتاب عراقي حزين للعشاق والاحبه

العتاب هو نوع من انواع الخصام بين الأحبة وهو زعل ولكنه خفيف عن انواع الزعل فإذا عاتبك أحد اعلم أنه يحبك فالعتب ليس بشئ سيئ بل هو منبه جيد لاي علاقه لكل تسمو وتزدهر ويجب أن ينتبه كلا الطرفين الرسائل التي يرسلها العاتب للشخص الاخر لان كثرة العتاب يؤدى بشكل او باخر الى إنهاء العلاقة مهما كانت قوية وفي بعض الانواع يكون المعاتب من النوع الحساس فلا يحتمل أي خطأ لأخيه ، ودائما ما يسيء الظن بصاحبه وكل هذه الاعتقادات الراسخة تؤدي إلى انتهاء العلاقات الاجتماعية وسنعرض لكم بضع من الابيات الشعريه العراقيه عن العتاب .

شعر عراقي عن الحب

شعر عراقي رائع عن العتاب.

  • احس متغير اني ومـــــــالي خلك الناس

    وأحس تعبان كَلبي. من الوكت مــــــقهور

    مثل غيمة حزن تمـــــطر علي كبـــــريت

    وانه بنار عايش والدمـــــوع. تــفــــــــــــور

    كل يوم الامس مثل الفلــــــم ينعــــــــاد

    وباجر والامس والجاي نفـــــــس الطــــور

    ناعور الوكت يســـــــگيني جان. اشـــعار

    وافتر الوكت وانه الــــــصرت ناعـــــــــــــور

    جنت اضحك واسولـــــــــف ويا هذا وذاك

    على غفلة ولگيت الناس. كلها جــــــــور

    طرت بجـــــــــناح واحد للفرح فد يـــــــوم

    شو حتـــــــى الفرح ردني بجنح مكسور

    ضيعت البـــــــــخت . وانه الجنت محـــظوظ

    حتى ويا العــشك ما عشت لحضة بنور

    يا كَلبي شكثر عذبـتك انت ويـاي

    احس كَلبي على كَلبي من الحزن مفطور
  • يايل ماخذ صفنتي شلون بله وياك فهمني بمرامك شرد اسويلك تجر اعصاب كلبي صير جنه وتار. وبدمعت عيوني راح انه اغنيلك سويتك ضريح ومنبر العشاق بعد شتريد مني وشرد اسويلك انه. طيتك عمر وطيتك الدلال ولو زحمه الفضل لو رايد احجيلك من طكك برد صرت انه الك تموز . ويجيك اليل انه ونت اكض ليلك تنكر عشرتي وانته بيه تخون وكت الصلاه وكلبي ضل يدعيلك ما ريدك بعد كلشي . انتهه وياك ولا تحلم بعد عود انه ابجيلك
  • انا بلياك مثل الكَاع…. اذا ما احضنك اتفطر

    غده ميل انتظارك سيف … وانه بكل كتر منحر

    طفت روحي وظلامي ازداد..

    غطيت الشمس بالليل … صعبه بغيرك اتقشمر

    الامل كَد ماكبر شيب .. وكَام بكلشي يتعثر

    تناقض بيه ماينكَال …. اكرهك والتفت واشتاكَ ..

    اشكن صورتك واندم … وارد لطيفك اتعذر …

    ضميت ومالكَيتك ماي … شربت اخر عتب مافاد

    نويت امشي واذبك غاد …. يم اخر جرح واصبر ..

    واكَل لرويحتي تحملي …. كَضه موسم حنيني الجايج نسيان…

    بس المشكله بطاريك …. كلما يرجع اتذكر

    يل بعمر الورد ضليت … انه عمري انربط بالليل

    يكبر والصبح يزغر

    خذاني الموت مالك جيه يم كَبري؟

    بس فكر تجي ولتخاف

    اشكَ جفني واجي ابالك. .

    انوي ومو شرط تحضر ..

    واذا نيتك صدك ياريت

    تجيني ووعد تلكَاني . عله باب المكَبره موزر

    اعزبلك نخل بالصيف . اجيب فياي مدري منين

    اخاف عليك لا تحتر

    عرضوني بغيابك ضلمه عد عميان . وصاحو بيش يتقدر؟؟ ..

    واجه الشراي قيمني ..وتلمس جروحي وكَال …

    بالميت اذا يسوه… اذان بديره الكفار . سعره ومايجيب اكثر..

    كَضه عمري وانه وطاري الفرح صحبان …

    اموت بلا هوه المعشر . …

    اناشغ بس اضحك البلكَبر مدفون..

    واسوي الماتشيله عقول…

    ادكَ جدمي عله باب جفاك

    وارسم وجهك بمكَفاك . واحلف كَلبي ماينساك

    ويمر طيفك يشضيني..

    عله حايط عشرتك تذكار .

    وانه شحصلت غير الطيف

    اهي مره تفز عيني. وعشر مرات تتبسمر

    اعتب ع الدرب من خذك مارد بيك

    ماترهم واتبعك وين. اجي ولا ترهم اتكتر

    لمتحف دربك اتعنيت … شعر عتاب عراقي

    بلجن محتفظ سهوأ . لاثر من جدمك الهيهات

    اشوفه بدربي يتكرر…

    اروحن وين من طاريك

    حقل الغام اليكَصده …. غصبا ماعليه يحذر

    من انكَل جدم سالفتي.. عله غيرك عمري يتوذر

    ما اطمع واريد انساك

    انه شفايتلي واتناساك

    نعمه وكَلبي يتمنه . وحرام ان جان يتبطر

    يل مغيم عتب لاوين. حدك خاطر اتنطر

    عله بالي شما يمر نسيان

    اذكرك والعن الشيطان

    متى تفك قيد ذاكرتي . وخيالي الماختم قصتي …

    ذنبي وماعرفت انسه .. وكمت كلما يلومونك . اكلهم والله ماقصر

    شبيدك خاطر تسويه ..

    حابسني بسجن مفتوح . انه الما اعرف اتحرر

    عشت مثل اليتاني اعدام

    لابس مغربيتي ثياب…بقلق من خطوه السجان

    تخطف لون البوجهي .
شعر جميل عن الحب
شعر حزين

شعر عتاب عراقي حزين .

  • موكافي حزن ياكلبي مامليت؟

    مثل دمعة يتيم اليوم حالك

    بجيت هوايه حتى الدمع ملاّك

    وطلب دمعك كلب ثاني إبدالك

    وحقه الدمع لوملّك ومعذور

    لأن ماكو كلب وفه بمثالك

    شمالك ياكلب صدكت بالناس

    وثقت بيهم عليمن شنهو اجالك

    عافوك التحبهم وبرخص باعوك

    ووفيت بحبك ومحد وفالك

    اريدك ياكلب تنسالي الهموم

    ولاتعتب بعد اكطع وصالك

    شما اقرب عليك

    .. اتزيد حسراتك

    … اذا خايف احرجك .. گلي ليش اتخاف … ؟

    ماريد آنه اصبح .. سبب مأساتك

    .. احسب للطريق ، وشوف دربك زين

    .. بس آنه اعتقد .. حاسب حساباتك ..

    مرات اني اشوفك .. قمه بالاشواگ

    .. ومرات احس گلبك .. عكس نظراتك ..!!

    اشوفك ترف ، واطمع ع الترافه البيك اجيك

    .. وتنگلب قاسي بعلاقاتك

    يـ ( حبيبي) بالكرم

    .. واكثر بعد للناس

    .. بس وياي .. تبخل ليش ساعاتك

    تلعب على اجروحي .. وتضحك ومرتاح

    .. وأنا ابطيبة گلب .. احمل جراحاتك .

    . واضح ويه غيري .. وغامض انت وياي

    .. اتمنى اني غيري .. واحوي ضحكاتك

    بس راح اني اعوفك .. وانشغل بالروح

    .. وما تلگي من يمسح غيري دمعاتك
  • وغصب تطيني لون اصفر

    اليلوم بلا سبب معذور .. اهو الساكن ابيت الشوك ..

    يدري بحال التهجر؟؟

    بامل نيتك بقيت اتناك

    واقنع عيوني اكَلهن جاي …. وكَلبي يكول يتاخر

    ولو شيفيد لو رديت…

    علكَوني بحبل طاريك. وكبرو صورتك بالطيف

    واخذو حلمي من عيني

    ومتت من سدو المحضر
  • تركني وعني كال تروح ولاه

    عليه وميت الف شيطان ولاه

    كلتله بحبي احلفك كال والله

    وظحك ظحكه خنكلي الروح ب
  • نشغ كلبي نشيغ الطفل لماه

    عليك شكد حزن بالروح لماه

    تعال بصوت صاح اعليك لما

    تفطر واحس نار تشي
  • مو ذاك الاعرفك انت من سنين

    اطباعك علية هواي مختلفة

    مدغيرة الملامح بيك والاشواك

    وجياتك احس مابيها اي لهفة

    جنت تجرح كبل يومين عندي يطيب

    هسة الجرح منك ابد مايشفة

    وجنت توكف كبل والعين تحجي العين

    هسة شبيها عينك شو صفت صلفة

    كبل حجيك ذهب والناس تمدح بيك

    ومن تحجي عسل تتناثر الشفة

    هسة اختلف حجيك كلة ذم واعتاب

    وبكلمن يودك كمت تتشفة

    على جتافي حملتك سرت بيك دروب

    وبنار العشك جمدوب اتحفة

    مو تدري انة احبك وانت بية الروح

    اسهرلك ليالي وعيني ماتغفة

    شسولف من ****ك بية صار سنين

    ونار البية منك ابد ما تطفة

    شمسح من ذنوبك وانت شو كل يوم

    تجرح بالكلب وادكلي ما اشفة

    طك صبري وخلص والدمع شح العين

    وهم البلكلب ماضن بعد يخفة

    من عندك نهوني صحبتي واخوان

    كالولي صحبتك بالهوى سعفة

    وكالولي اتركة ماية خابط طين

    لتضن بمحبتك يركد ويصفة

    كدامك بحر مكشوف بس من فوك

    لو تنذر عمر ماتكدر اتعرفة

    كدامك بحر مكشوف بس من فوك

    والجوة البحر ماتكدر اتعرفة

    عاندت ومشيت وكلت رحلة شوك

    حطيت البلم وامواجك تحرفة

    حطيت البلم وامواجك تحرفة

نتمنى ان نكون لخصنا معني العتاب من كل زواياه وهو شئ من الأشياء السيئة التي تمر بها اي علاقه وفي بعض الحالات تؤدي لانتهائها نتيجة عدم مبالاة الطرف بمشاعر الطرف الآخر ونتمنى ان يأخذ الناس العتاب من الجهة الإيجابية حيث انه يبعث برسائل هامة قبل انهاء اي علاقه ورغم كونه امر شديد الصعوبة إلا انه يساعد في معرفة مايجعل الطرف الاخر حزين والاهتمام به ومعرفة مايجرحه والابتعاد عنه وهكذا من الامور الهامه التي يجب أخذها في الاعتبار دائما وتساعد في تقوية العلاقات الإنسانيه وها نحن نكون انهينا كل شئ عن العتاب.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى