شعر حزين

شعر حب عراقي حزين ومؤلم عن البعد والألم

الحب هو من اجمل الاشياء التي يمكن أن تحدث لك على مر العصور والأوقات فتجد انك لا تعرف متى تبدأ ومتى تنتظر الحب غريب في كل صوره فالحب ليس كمثله شئ يختلف عن اي شئ فحين يدخل قلبك لايترك فيه مكانا سليما بل تجد انه اصبح مبتهجا من كثرة الفرحة ، ولكنه قد يقسم قلبك نصفين بسبب الحزن فالحب رغم كونه من افضل المشاعر يظل شئ سئ لا تفهم له ملامح ولا كلمات فعندما يتحول الحب على صاحبه تجد انه تغير تماما فاصبح شخص لايعرف كيف يحب او كيف يندمج مع المجتمع فتجد ان الشعراء عبرو عن ذلك الحزن في كلماتهم وسنسرد لكم بضع من تلك الأبيات.

شعر حب جميل ومؤثر للعشاق والمتزوجين.

 

  • محتاجة كلش إلك – شهد الشمري

    محتاجة كلش إلك يلي شاغل انت الفكر

    محتاجة إلك مو حجي وارتاح من ينذكر

    هنيّاله من كابلك يا أحلى صورة شعر

    محتاجة إلك ما تجي ما باقي شي بالعمر

    زعلان؟ ليش الزّعل زعلان آنه اعتذر

    بس ارجع لخاطري صير على نحري
  • عطر

    صير على جفني كحل

    حليني بين السمر تعبني ذرف الدّمع

    بس ما طفالي الجمر بركان في داخلي

    ويا خوفي لا ينفجر شو مأخرك ما تجي

    ما ظل إلك كل عذر

    أهلال جرحك كمل أي كمل وأصبح بدر

    صدكني حيل اتعبت حبّك عسر مو يسر

    اترجيت وتوسّلت بيك شكثر وشكثر

    ما فاد بيك الرجه وجبرتني لهل أمر

    ما بعد أضلن شهد خلّيك منّي حذر

    واحجيها لا تستحي كول أنت طبعك
  • غدر

    حبّك تحيّة صبح ما تلفض بالعصر

    روح وبعد لا ترد شي عادي صار الهجر

    اللي ما عرف معنى العشك ما بعد أحطله كدر

    جانت درجتك ألف بس هسّه صارت صفر
  • أحبّك

    أنا بس بالكلام وذايب بحبّك

    وأفكر بيك أنا في ليلي ونهاري

    إذا شفتك صدّك شو يصير أنا بحالي

    أظن يغمى عليّ وافقد إبصاري

    تعال وصير إلي بالحب غطا وفراش

    ودفّيني بحنانك واعرف أسراري

    أحبّك كالطفل من يهوى صدر أمّه

    يموت من القهر لو فطمته إجباري

    زرعتك بالعشق وردة وصرتلك ماي

    غصن حبّك شرب من أعذب أنهاري

 

  • أحبّك مو لأن انت حلو- عبد الحسين الحلفي

    أحبك مو لأن انت حلو لا

    لأن روحي التقت كبلي ولك بيك

    اذا إنت تمُّر ع الأعمى يصيح الله

    والأخرس لَّون حاچيته يحاچيك

    أذب كلبي على سهمك وآنه مجروح

    واكلك دير بالك أخاف أأذيك

    إجرَّحني ولك بس كون عالكيف

    لأن إنت ويَّه دمي وخاف أبديِّك

    إجرحني ولك بس كون ما موت

    حتى مِن يتهموَنك أبريّك

    على المراية وكفت ما شفت وجهي

    وشفت وجهك طلعلي وكمت أحاچيك

    وثبت بمرايتي وجهك مرايات

    وأباوع وجهها مرايتي بيك

    بكذلتك شِّد ركبتي وطلع الروح

    أريدنها بعد تتكرب عليك

    أنت بحضني واكول بعيد

    اريدن هيچ كون آنه انخبط بيك

    بيا شارع مشيت كبالي ألاكيك

    أفوت بغير شارع هم ألاكيك

    أرد للبيت كبلي الكاك بالباب

    اطب كبلي تطب وتكلي أتانيك

    بغيرك فكّرت كلت آنه أنساك

    طلع غيرك يشبهك وفكرِّت بيك

    طلع غيرك يشبهك وفكرِّت بيك

شعر حب عراقي حزين ومؤثر للمتزوجين.

 

  • كون أتشوّف

    كون أتشوّف

    عفت كلشي، وجبت كلشي

    ومدري شلون إجيت أمشي

    إجيتك ردت أكلّك شوف

    ردنا نعوف كلشي وماكدرنا نعوف

    كون إتشوف حالي إشكد إلك ملهوف؟
  • جبت كلشي إليسولف بيك

    خيالي وصحوتي وطيوف

    جبت دكّات كلبي الكطعن كلبي بجفاك إسيوف

    جبت صفنات روحي

    إلسودنت روحي

    مثل جنّ بمسّيه وعل يتيمة يحوف

    كون إتشوف

    بشفافي الحزن ما خلّه بسمه تعيش

    وكلمن كُمت أبوسه بخدّه أطبع أوف

    كون إتشوف

    دموع الجدم ما يدري وين يروح والخطوات عميا

    وتايه بلا شوف

    كون إتشوف

    خلصت الوجوه وشفت كلّ النّاس

    كلّها وجوه غربة ولا وجه معروف

    وين ألكاك يالموصوف

    إليه أنّه وإلك موصوف؟

    يالفركاك غربة وكلشي ما مألوف

    إنّه بلياك مدري شبيه ما بيه

    زلف وبلايا ترجيه

    درب ما بيه كل جيه

    نهر فاض وتبع ميّة

    رجع بس مالكاله إجروف

    كون إتشوف

    روحي شخلة بيها الخوف

    مطلوبة نذر وتخاف

    ما توصل حضرتك

    من بعيد طوف
  • كون إتشوف

    روحي شخلة بيها الخوف

    مثل دم العروس الجايّة أعلى إجناب

    ويصبر عليها

    وجابها الزّافوف
  • وشوف إشخله بي الخوف

    مثل حلّت مدارس

    روحي أحسّها أطفال

    حلّت وتركتني

    وباقي بس صفوف
  • ويا وحشة صفوفي ومن يجيني اللّيل

    ويالون الوجه

    بعدك الظّل مخطوف

    ويا قسوة ضنوني إلما تريد أرتاح

    وأنّه الصّاير أسير

    وبيدهن مجتوف

شعر موجع من القلب وحزين عراقي.

 

  • كون ألكاك وأشكيلك

    على جروحي ألكيت

    الغشمة بيها تروف

    وكون ألكاك وأبجيلك وأسوّي خدودي سبّورة

    ودمعتي حروف

    وكون ألكاك وأحجيلك

    بكتاب السّنين إنحذف كلشي الجان

    بس اسمك لكيته الباقي ما محذوف

    وأذكرك من مسحت دموعي

    بآخر يوم على خدودي

    أحسّ لهسّه طبع إجفوف
  • وكون إتشوف

    إعيوني مضيف تصير وكت النّوم

    وهلبت بلحلم لنّك

    تجينه ضيوف

    كون أتشوف حالي

    شكد إلك ملهوف
  • شلون أصبر
  • غيابك حبيبي إشلون أصبّر الرّوح

    يا حال إليظل على حالي من تروح

    جرحك بالكلب داويته بس ما طاب

    وبطاري السّفر زيدت قلبي إجروح

    ما أنساك لو سافرت عشر إسنين

    وشوكت ما تردّ باب القلب مفتوح

    يمّي أنت وأحسّ بيك إبعيد

    وأبد ما فكّرت يجي يوم منّي إتروح

    صحيح أنّي كلتلّك سوّي كلشي إتريد

    بس على البعد كلتلّك هذا ما مسموح

    النّفس أنت الأشمّه ولو تروح شلون

    شلون تريد أعيش إنّي بلياك

    وإنّي أشتاقلك من إنت موجود

    من تبتع أظلّ للصّبح ما أنام

    وإذا ما تصدّك نجوم السّما شهود

    أموت أني بغيابك لمّن تروح

    لن حبّك بكلبي ماله حدود

    يوم التّسافر أحجز لشخصين

    لأن ميم بالميّة ويّاك قلبي إيروح

    وشما تبتعد خلّيه دوم ويّاك

    أحسّ ما يظلّ بروحي بس مذبوح

    شي يبقالي بحياتي وأنت ما موجود

    بس همّ وأذيّه وألم وجروح

    رسمك كمت أشوفه من أغمض العيون

    ولو يعمن عيوني ما أظنّه يروح

    ما أريد أحظنك لو صار الوداع

    لأن من أهدّك تطلع الرّوح

    عشكتك وأدري أتعب إبحبّك

    رضيت بقسمتي وملهوفه تدريني

    أريد أكضي العمر ويّاك

    تدري أنت بغيابك حيل تأذيني

    عيني إلما تشوفك تنعمي وللدّوم

    لأن أنت حبيبي فرحة إسنيني

    تعال وخلّ أضمّك حيل يهواي

    وأريد إبكلّ حنانك أنت تحويني

    تعال وخلّ نطفي الفُركة والنّار

    وعلى صدرك أنام اللّيل خليني

    طويناها صفحتك وانتهى الموضوع

    فعل ماضي صفّيت وخلصت المدّة

    إش تتوقّع أبوس أجدامك من تروح

    وأسحك كبريائي وأطلب النّجدة

    صحّ جدمي عثر من شفت طولك لاح

    لكن ما نخيتك من طحت عمده

    توجيت على جرحي وما طلبت العون

    لأن أدري إليطيح إجفوفه لتسنده

    صحّ الكمر أكبر والنّجوم إزغار

    بس تحلّه السّمة مو بالكمر وحده

    وإذا ساكت ترى مو لأن ماكو لسان

    مرّات الصّمت من الحجي أبده

    وجفّ الماي صافح جفّك بالحسّاس

    لا تعتب عليه وتنتخي بزنده

    من أكتب شعر لا تعتقد بطران

    البلابل بالقفص من ظيمه مغرّدة

    ما صدّك بعد دمعاتك من أطيح

    همّ يهمل دمعة العين لورمده

    روح بلا وداع وكل أثر ما ريد

    إللّي كتب عالرّمل يعرف قدر كتبه

    حرامات التّعب للمايجازيك

    وحرمات الوفى للطّبعة خوّان

    جرحك بالملح تكدّر تداويه

    ويزيدك عطش لو جنت عطشان

    شما تتعب على العكرب تربية

    يلدغك لو جنت لحظه غفلان

    تترجى الوفا أي وين تلكيه؟

    وتتأمّل تمر من جذع ذبلان

 

وفي نهاية المقال يجب ان تعلم ان الحزن هو شئ اعتيادي يدخل حياتنا يجعلنا لانعلم كيف نتحرك فالحزن هو شئ صعب يجعل الحياة مقيتة غير قادرين على الحياة مع هذا الألم داخلنا هذا هو الحزن الذي يعنري قلبك ويجعلك لاتعلم كيف تتحرك او حتى كيف تبذل جهد من اجل ان تنجح ، الحزن هو شعور غريب يجعلك لا تفهم كيف تسير في الحياة فهو يعصف أولوياتك واهتماماتك هو فقط يأتي في كبلك وستجد مدى صعوبة ذلك الشعور الذي لا يستطيع تخطيه بسهولة فالحب هو شئ صعب إذا فشل ونتمنى ان تكون فهمت مدى صعوبة الحب ونتمنى ان تعجبكم المقالة.

ويمكنكم الاطلاع على مجموعه مشابه من المقالات مثل :

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى