نكت

برودكاست نكت تموت من الضحك

برودكاست نكت

الابتسامة هي أجمل لغة في الدنيا، الابتسامة إضاءة الطبيعة لوجه الإنسان، الابتسامة هي إشراقة تنير طريق سعادتنا وصحتنا، الابتسامة هي شعور عميق نابع من القلب يملأه الطمأنينة والبهجة والسرور، فليس هناك أجمل من ابتسامة تلاعب وتداعب شفاهنا، وتلمس قلوبنا وتفطر أرواحنا سروراً لها، الابتسامة التي تمحي وتزيل همومنا وأحزاننا، الابتسامة التي تنير دروباً كنا نظن أنها لن تنار، وتفتح لنا أفاقاً جديدة، ومن أجل هذه الابتسامة تفنن بعضها وأبدع في وسيلة من خلالها نستطيع أن نبتسم فمن هنا جاءت فكرة المسلسلات الكوميدية والمسرحيات والمقالب والأفلام والنكات، وهذا هو ما سيدور حوله موضوعنا اليوم.

فيسعدنا في هذا الموضوع أن نقدم لكل متابعينا الكرام برودكاست نكت تموت من الضحك، سنقدم في هذه المقالة مجموعة كبيرة من النكت الكوميدية التي نتمنى أن ترسم البسمة على وجوهكم.

برودكاست نكت:

مذيعة في التليفزيون قابلت شاب فى الشارع سألته سؤال جاوب إجابة صحيحة ، قالتله تحب تشوف أيه ؟؟رد الشاب بسرعة : أمى الله يرحمها، ردت المذيعة ده مستحيل!! وقالتله انه يطلب طلب تاني، فكر الشاب وقالها : أحب أشوف الزمالك وهو بياخد الدورى، ردت المذيعة: لأ أجيبلك مامتك أسهل.

مرة دكتور دخل عنبر في سراية المجانين لقي واحد بيخبط دماغة في الحيطة سأل الممرضة ماله ده ؟ قالت: أصله كان بيحب واحدة ومتجوزهاش ، دخل العنبر الى بعده لقى واحد بيضرب نفسة بالشبشب قالها : وده ماله قالتله: أصل دي اللي كان متجوزها.

واحد راح يشتري عربية، لقى كل العربيات غالية عليه، بعدين لقى عربية قديمة وعليها تراب كتير بس سعرها مناسب، صاحب المحل قال له العربية دي فيها ميزة هايلة، بص كدة وقام مسح بإيده التراب اللي عليها قام طلع منها عفريت، قال له: شبيك لبيك تطلب إيه؟ قال له هات شاي للبيه حالاً، في لحظة كانت كباية الشاي قدام الراجل، قام اشترى العربية فوراً وساقها وطلع بيها على حتة أرض فاضية و قام نزل و مسح التراب اللي علي العربية. قام طلع له العفريت. قاله عايزك تبني لي هنا قصر كبير فيه جنينة و حمام سباحة و ملعب تنس و….. قام العفريت قال :حيلك حيلك إنت فهمت غلط ، أنا شاي و قهوة بس.

نكت طويلة:

نساء العالم اتحدن وقررن انهم مش هيعملوا أي حاجة من واجبات البيت…. وبعد اسبوع اتقابلوا
عشان يعرفوا النتايج
الزوجة الفرنسية: انا قلت لجوزي ميشيل انا مش هعمل حاجة في البيت الاسبوع ده كله
وقالت أول يوم ما شفتش حاجة وتاني يوم ما شفتش حاجة وتالت يوم بدأ يغسل ويمسح وقالي انتي بتتعبي خالص يا مراتي يا حبيبتي
الزوجة الانجليزية: انا قلت لجوزي انا مش هعمل حاجة خالص في البيت الاسبوع ده اول يوم ما شفتش حاجة… تاني يوم بدأ يعمل الاكل تالت يوم غدانى وعشانى بره
الزوجة المصرية: انا قلت لابو العيال انا مش هعمل حاجة في البيت الاسبوع ده اول يوم ما شفتش حاجة تاني يوم ما شفتش حاجة… ثالت يوم ابتديت أشوف شوية بعيني الشمال

واحد راكب عربية هو مراته وسايق على 180، عربية البوليس وقفته ونزل الظابط يكلمه، الراجل: ايه المشكلة؟ الظابط: انت كنت سايق على 180 والسرعة المسموحة هنا 60 بس ، الراجل: لا معلش أنا كنت معدي الـ 60 بشوية، مراته: لا انت كنت ماشي على الاقل على 200، الرجل بص لمراته بحقد ، الظابط: كمان الفانوس اللى ورا مكسور، الراجل: مكسور! والله ما شفته.! مراته: حرام عليك .. ده انت كنت عارف انه مكسور من كام اسبوع، الراجل بص لمراته بحقد ، الظابط: كمان مكنتش رابط حزام الأمان؟ الراجل: لأ كنت رابطه بس فكيته لما وقفت ، مراته: لالااا اانت عمرك ما ربطت حزام الامان ، الرجل التفت لمراته وزعق فيها😡: انتي ماتعرفيش تسكتي ابدا؟ الظابط سأل مراته: لو سمحتي يا مدام هو دايما يصرخ كدا؟ مراته: لأ لما بيكون سكران بس

نكت قصيرة:

  • وحده وحشة بتقول لجوزها بكره عيد ميلادى، قالها: نقف دقيقتين حداد!!
  • استاذ فى الهندسة خلف ولدين واستنتنج الثالث.
  • واحد قال لأبوه بابا عاوز أكمل دراستي بره قال وايه المشكلة، قول لأمك تفرشلك في الحوش بس خد بالك لتبرد
  • مره واحده بتقول لجوزها: تصدق إن أنا كل يوم بحلم بيوم جوازنا، قالها: هى لسه الكوابيس دي بتجيلك!!
  • واحد ندل بيعلم أولادة الندالة وهو بيموت قالهم الندالة ثم الندالة ثم الندالة .. لما مات رموه من الشباك.

لهنا نكون قد وصلنا إلى ختام هذا الموضوع وقد دار كلامنا وحديثنا حول برودكاست نكت تموت من الضحك، وقد وضعنا بين أيديكم مجموعة مختارة من أحلى وأجمل النكت المضحكة كما أرفقنا فقرة لنكت قصيرة جمعنا فيها مجموعة من النكت القصيرة والمضحكة حتى تسهل عليكم إرسالها لمن تحبون، وفي الختام نتمنى أن تكون هذه النكت قد أعجبتكم وانتظرونا قريباً جداً في موضوع آخر حول أجمل وأحلى النكت المضحكة.

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق