محتوي الموضوع
الحزن هو واحد من اسوء الاشياء التي يمكن ان تحدث في الحياه ولكنها شئ اساسي حيث ان الحزن يطرق بابنا في اي وقت عند فراق الاحبه وعند موت احد الاشخاص الاعزاء ع قلبك ، فالحزن سئ بكل معاني الكلملت هو سئ حيث انه يظهر دون مقدمات ودون اي سبيل وعندما يظهر يقسم ظهر الانسان وقلبه يجعله يشعر بانه تائه وخائر القوى لايستطيع الحراك يشعر بان الحزن مثل السلاسل التي تكبله والتي تجعل منه يعيش في ادنى مكانه ، والحزن الاسوء فيه انه ماهو الا خطوه كبيره لعالم اسوء من المشاعر النفسيه الحزينه والمؤلمه فهو قد يؤدي ولذلك سنسرد لكم مجموعه منوعه من الشعر الحزين العراقي.
شعر عراقي حزين ومؤثر عن الفراق والوداع.
- تسال عليه شلونك شلك غرض شلوني
انته أبعدت عن عيني هسه تريد عيوني
هسه تريد وياي
وين جنت يهواي
ردتك تجي تسكتلي شماتي من حاجوني
تسال عليه شلونك شلك غرض شلوني - وگلت دمعاتي احطهن وسط خده
هو / نمتي .. هنيالچ غفيتي ..
وآنة ليلي يمر على عيوني صبح الينيَّم وردة ويمسد عليها..
مو مثل ليلولي وينيم جرح .. !!
والغفه ابكلمة محنه ..
مو مثل الينام وبعينه ملح ..!!
هي / لا حبيبي ..
آنه هذا الليل من يمرني دمعة..
وحزن.. واشواگ .. وحنين آنه عيني عليك ما بطل دمعها ..
تبچي ما تسكت العين ..
هو / لا .. لا تبچين ..
امسحي دمعتچ وارجوچ لا تبچين ..
يل دمعچ جمر وخدودچ احلى أورود ..
خايف على اخدودچ من دموع العين ..
لا تبچين ..
وردة وتحترك ما تحمل النيران ..
يذبل كل ورگها وتستحي من الطين ..
هي / وانت تگلي لا تبچين ..
مو عمري انتهى .. وايامي كلها أتروح ..
لو راح العمر متگلي اجيبه أمنين ..؟
هو / لا تبچين ..
المن بعد المن تسوه دمعه أتطيح ..
هو اشباقي بينا ونحترگ كل حين ..
تعبنا القهر ممشى جزيرة وخوف ..
صار الماضي غلطه وچنه غلطانين !!
لا تبچين لو يسوه العمر يمكن بچينا اسنين ..
هي / اشلون اتگلي لاتبچين ..
هو / لا تبچين ..!!
هي / تدري انت اليحب ما يگدر اعله النار ..
- شعب تَمرَّس في الصِّعاب ولم تَنَلْ منه الصعاب
لو هَمُّه انتاب الهضاب لدُكْدِكَتْ منه الهضاب
مُتَمَرِّدٌ لم يَرْضَ يومًا أن يُقِرَّ على عذاب
وعُداته رغم الأنوف تذلُّلاً حانو الرقاب
مثلٌ حدا حادي الزمان به وناقَلَت الركاب
إِنْ تجهلَ العَجَبَ العُجاب فإننا العَجَب العُجاب - الك وحشه بدليلي جنها غيمه
تمر بعيون سهرتُ تمطر إدموع
أحس آنه بغيابك ماكو أنوار
مَطْفيّه بغيابك حتى الأشموع
أمس جانت فرحتي ماليه الدار
وهسه بسبتك هلصرت موجوع
شعر عراقي فراق ومؤثر للعشاق جميل للغايه.
- ويا نار اللي بيَّه أتفزز الميتين ..
احتاج الدمع من ما اشوفك يوم ..
لأن يصبح عليَّ اليوم خمس سنين ..!!
حبيبي لخاطري ..
لا تبتعد ارجوك ما احمل فراگك ..
تدري كلش زين ..
هو / بس ارجوچ لاتبچين ..
خوفي آنه عليچ من الدمع والله ..
مرات الدمع ياخذ حلاة العين ..
ويل كلچ ترافه ارجوچ لا تبچين
بَرِد تموز حبك من يمر صيف
وحر تشرين يانار اشتياقي
راقي ما شفت بس انته والله
والغيرك چِذب من گال راقي
وكافر بالعشگ ماعندي الايمان
بس بعدك نعم صار اعتناقي
واحساسي نبي من راد يهواك
كسّر كل هُبل قبل التلاقي!
يا شعري وقضيتي والمكاتيب
ياسهر الليالي واحتراقي
الك كل العمر ومقصِّر وياك
يا بيتي و محلتي وكل زقاقي
وعليك العين تعمه لو غبت يوم
ويحالي شلون لو طال الفراقي
لا تبعد عَلي ياسلوة الروح
وعهدي اوياك اسمعه واتفاقي
على هذه الگلب كثره اليمرّون
وعيونك فقط بس انته باقي
وصحيح انته حلو وهواي عشاگ
لكن يختلف عشگ العراقي
صدّگ يختلف عشگ العراقي - أصبّر الرّوح
أصبّر الرّوح بيش وإنت بيه الرّوح
وإذا تطلع أظلّن بس جسد خالي
لكيتك من جنت ما لاكي كل النّاس
أنت أول محبّ وأنت صرت تالي
يلكلّك محبّة وأنت أحنّ مخلوق
معقولة الحمامة تصير كتالي
صح ماكو بجمالك أني أدري بهاي
وروجه رقّتك ما كظها أي جالي
حرام عليك تزعل وأنت الصّوج
أجيك أنا أعتذر وبلا ذنب خالي
تزعل ليش
غالي وكلشي عندي وما أهدك دوم غالي
وهسّه حبّك جيف صرت غالي
أحسّك تختلف عن كلّ النّاس بعيوني أشوفك عالنّجم عالي
وأشوفن دمعتك ما جنها تنزل ماي
ذهب تنزل دمعتك تجدح أتلالي
إلك بستان عمري بكل ثمن مزروع
راضي بكلشي منك كلشي يحلالي
أجيك ومن أرد فارغ أردّ للغير
وعنب بس على مودك تارس أسلالي
يمّك أنسى روحي ومن أكون ويّاك
وعلى فنجان شفتك تركع إدلالي
الواشي بلا بخت مرني وزعلك
أموت أنا ولا يوم أجرحنّك وزعلك
حلو كلك على بعضك وزعلك
بحلاتك فدوة بس أرضى عليّا.
شعر عراقي قوى ومؤثر للعشاق.
- خربت من شفت جنحان عند الفيل .. ومن شفت النوارس صارت ذيابه
وخربت من شفت مرَّه الأسد مرعوب .. خايف ما طلع بالليل للغابه !
مجنون الزمن لو عقلي المجنون .. هذا الشفته من هو اليعرف اسبابه؟
وجبت ايدي غصب گتلهه فركي العين .. بلكي مو صدگ وينچ يا سبّابه !
تالي اتيقنت موبس حلم لا طيف .. واقع حال بس ظنوني مرتابه
شفت الناس .. بعض الناس .. غير الناس .. شفت الناس نفس الشفته بالغابه
واحد من يهد ويهد گبل بالسيف .. عاف السيف هسه وينخه بگراب
واحد مقتنع يوسف كلاه الذيب.. وتگله چذب وايگول لا يابه
واحد ما دره .. ما يعرف الي صار .. شاهد راح لمن صارت اطلابه
واحد ينسأل تعرفهه بت فلان .. جاوبهم چذب وايگول حبابه
واحد چان واحد هسه صار اثنين .. لأن وجهين عنده وغاش اصحابه
أو .. واحد ..
أو .. واحد ..
أو .. واحد ..
والاضرب بعد سألوا طفل بالعيد.. شتحب تشتري.. شنجيب لـعّابه؟
دبابه صرخ يلعب حرب وايريد ميعيّد اذا ماعنده دبابه !
وطفل ثاني شرد يرضع شوارع گام.. ويكره للأسف مدرسته وكتابه
وطفل ثالث .. وطفل رابع .. وطفل خامس ..
واخيراً
مجنون الزمن فعلاً طلع دولاب .. وبكيفه يفر لو راد دولابه ..
وبكيفه يفر لو راد دولابه
- أحبّك مو لأن انت حلو- عبد الحسين الحلفي
أحبك مو لأن انت حلو لا
لأن روحي التقت كبلي ولك بيك
اذا إنت تمُّر ع الأعمى يصيح الله
والأخرس لَّون حاچيته يحاچيك
أذب كلبي على سهمك وآنه مجروح
واكلك دير بالك أخاف أأذيك
إجرَّحني ولك بس كون عالكيف
لأن إنت ويَّه دمي وخاف أبديِّك
إجرحني ولك بس كون ما موت
حتى مِن يتهموَنك أبريّك
على المراية وكفت ما شفت وجهي
وشفت وجهك طلعلي وكمت أحاچيك
وثبت بمرايتي وجهك مرايات
وأباوع وجهها مرايتي بيك
بكذلتك شِّد ركبتي وطلع الروح
وفي نهاية المقال يجب ان تكون على علم ان لكل شئ وقت محدد فالحزن له وقت والفرح له وقت ولكل شئ وقت فيجب ان تعلم ان لاتحزن دائما ولاتفرح دائما بل يجب ان تكون حياتك وسط بين ذلك وذلك ، وياعزيزي القارئ يجب ان تفهم ان اهم وسيله لتخطى اي حزن في الحياه هي الرضا بما حدث لك وذلك لكي تفهم ان كل شئ حدث هو قضاء الله وقدره وان تكون راضيا باي شئ ، والحزن هو شئ خام من الاكتئاب تشعر بان حياتك فارغه من المشاعر ونتمنى ان تكون اعجبتكم المقاله.
ويمكنك الاطلاع على مقالات مشابهه مثل:
- شعر شعبي عن الفراق شعر حزين للغاية.
- شعر حزين فراق شعر موجع عن اهوال الفراق للعشاق والمتزوجين.
- ابيات شعر حزينه عن الفراق والوداع والبعد بين الاحبة.
