شعر حزين

شعر خليجي عن الفراق ابيات موجعه ومؤثرة جداً

ان الفراق هو من اصعب الاشياء التي يمكن ان تدخل في حياتك فالفراق ليس مثل أي شئ أنه يجعل القلب ملئ بالضعف وفجأة تجد أن حياتك تنقلب بدون مقدمات او حتى بدون سبب مقنع يمكنه أن يفعل ذلك ، فالفراق يمكنه ان يقسم قلبك نصفين يمكنه أن يجعلك غير قادر على التحرك من مكانك ان الفراق ليس بالشئ السهل الذي يمكن أن تتجاوزه ويصبح شئ من الماضي بل ان الفراق هو من اصعب الاشياء حيث انه لايضرب القلب لوحده فقط وانما يضرب القلب والعقل ويجتمع هو والحزن في آن واحد يسلبك كل ماتملك من قوه انه يترك قلبك وعقلك وجسد هالك وتكون غير قادر على الحراك إطلاقا فأنت شديد الضعف تعلم ذلك ولا يزال حزنك يلتهمك وسنسرد لكم الان مجموعه من اروع ابيات الشعر الخليجي عن الفراق

شعر خليجي معبر عن الفراق والوجع جميله للعشاق.

 

  • الصمت يكفي ويشفي صدر راعيه
    لا صار كل الحكي ماله معاني
    والقلب ما عاد تعنيه المشا ريه
    و العين ماعاد تغريها الاماني
    ياليت حزني مجرد دمع وابكيه
    ماهوب عايش معي بين المحاني
    ماهوب يظهر علي واحاول اخفيه
    و تصير نظرات حزني هي لساني
    مدري ذكرني زمان كنت ناسيه
    مدري ذكرت الزمان الي نساني
  • سهيت لحظه وقمت ابحث بجوالي
    اقرا الرسايل وامسح مابقى منها
    لقيت ذكرى رساله والرقم غالي
    مكتوب فيها اذا انا مت فامسحها
    فكرت فيك ولقيتك عايش وسالي
    وماظن ياصاحبي في يوم تذكرها
    الموت عندي يساوي غيابك الحالي
    والحين بستئذنك يازين وامسحها
  • قالوا: غريب وقلت:وين الغرابه؟
    مادام هذا المجتمع كله اغراب
  • سافر وخل أحزان عمري تخاويك..
    يمكن معك تلقى حلول لضياعي..
    حاولت أشوه صورتك..يوم أخليك..
    لقيتك أصدق من بكى في وداعي..!!
  • قلت : اصبري ، قالت : انا اقولك زين ؟
    قلت : اتمنى ماتكوني بخيله
    ضمت يديني .. قلت: توك تحنين
    قالت يدينك بس ؟ هذي قليله
    يوم احضنتني دمّعت ، قلت : تبكين
    قالت : اظن الدمع (أصدق وسيله)
    ردّت ، وقالت : وش عذاب المحبين
    قلت : الغياب ! وفي عيونك دليله

اروع ابيات الفراق الخليجيه المؤثره والجميله.

 

  • الغنى والفقر حاجه بيد رب العالمين..
    مؤمن بهذي العباره.. بس ما انتي مؤمنه
    أدري ان المال لبّى كل شيٍ ترغبين..
    إلا انا واحد من الرغبات غير الممكنه
  • لو كبر ذنبك ترى قلبي كبير
    واعترافك بالخطا يغفر خطاك
  • هم يحسبون المسأله كلها سلك
    اذا انقطع تقطع معاه المسالك
    ولا دروا اني بالاحساس ابادلك
    مو شرط اشوفك واسألك كيف حالك
    احس بك لو كنت ماني مقابلك
    وتحس بي لو كنت ماني قبالك
    دايم وفكري في حراوي منازلك
    ان جا مجالك ولا ما جا مجالك
    تدري وش الي بس يقطع تواصلك؟
    الموت بس الموت يقطع وصالك؟؟
  • معاني العشق لو تجمع وتهدى لك كما الباقة
    حبيبي ما وفت قدرك ولا لبت طموحاتي
    يا أطيب قلب قابلته أنا لك روح مشتاقة
    تبي تجمع غنايم حبك ومصدر بطولات
    أنا من يوم ما شفتك عيوني مالها طاقه
    تبي ترسم لك ألوان ألمحبه والمسراتي
    يا أجمل من سكن قلبي وضيّ العمر وإشراقه
    احبك قلتها صادق وخطتها عبارتي
  • أصبرحبيبي قبل ماترحل : تعال!
    أبيك توعدني ” تجيني تجيني “
    حتى إذا ظرفك عن الجيّات حال ..
    ” أكسر ظروفك ياغلا لجل عيني “
    وابنتظرك أنا على كل الأحوال ..
    وابحتضن وردة غلانا بيديني ..
  • أنا جريح الأمس واليوم والغد,,
    وهاذي جروح العمر احصي عددها,,
    لقيت أنا الدنيا ترى ملعنة جد,,
    فيها الكلاب السود تأكل أسدها,,
    صدقني غيرك انت ما اشوف انا احد,,
    ومن ماتلد مثلك خسارة ولدها,,
  • أبتعد وأهجر شوارعك والبيت،،
    قلة أدبكم عجلت بالنهاية
    رح في طريق في دروبه تماديت،،
    تحت الثرى شيعت نهاية عنايا
    اقسم قسم لوشفتك بيوم حنيت،،
    لأدوس قلبك بالقدم من قسايا
    آخر سؤالي كان بالحق رديت،،
    قلي بربك وش سب هالسوايا
  • كرهني بنفسك لو بذنب صغير
    ألقى به اعذاري وأعود لزماني
    المشكله انه مابدى منك تقصير
    وهذا يزود واقعك في كياني
  • محدن قدر يجيب اقصى دموعي
    الا انت لامن غبت يسري بي الدمع
  • حتى طبوعك غيرت لي طبوعي
    انت الغلا والحب والشوق والطبع
    تبي مكانك؟ قم وطالع ضلوعي
    حرام انك ماتفارق ولا ضلع!!
  • الا ياطفل..لا تكبر..كذا اجمل..كذا اطهر
    كذا لا هم يتراكم..كذا لا ضغط لا سكر
    ترى اكبر كذبه عشناها(يالله متى نكبر)
    احلم قد ماتقدر..واذا خفت خب احلامك بدفتر
    ترى الايام سراقه والا حلام تتبخر!
  • انتعاش الورد في لحظة وصال
    والذبول انواع والفرقا قهر
    والنجوم اشكال في عرض اليال
    والكواكب فوق واحلاها قمر
    مستحيل انساك حتى بالخيال
    وان نسيتك!!
    حلم من بعد السهر..
  • تسلم يمينك على”الطعنات”صحتن ي,,,
    ماكنت ابصحى واشوفك زين لولاها,,,
  • كان فيني عيب ..قلي فيك العيب الفلاني
    كان هرجي مزعلك في شي ..قلي لاتعيده
    جيت مابيك تحقرني ..جيت أبيك تعز شأني
    جيت آبي فزعة ضلوعك من مشاعرك الفقيده
    يعلم الله شفت منك ومن غيابك ماكفاني
    كان ماتقدرتخف هم قلبي..لاتزيده.
كلمات حب حزين
كلمات عن الفراق

ابيات خليجيه مؤثره وموجعه عن الفراق.

 

  • قولي تكبر قولي انسان مغرور
    قولي علي اني عديم المعاني
    قولي بعد ما عندي احساس وشعور
    واني نسيتك وانت قلبك نساني
    لا ما باعتذر منك ولو كنت معذور
    ونعم معك بالذات لي طبع ثاني
    ادري قهرتك بس انا كنت مقهور
    ياحلم الماضي وغلطة زماني
  • أمداك تنسى الزعل وتقول سامحني
    من بعد ذاك الخطأ ودك تراضيني
    أدميت قلبي بكلمة ودمعت عيني
    حاسب كلامك إذا ودك تحاكيني
    ما بي أصارح ولا ودي تصارحني
    لكن إذا طال صمتي لا تجافيني
  • < واله فقدتك >
    ياأعز الأحباب..
    عساك تسعد بالفرح والتهاني..
    يقولها قلب عن الحب ماتاب..
    والي بقلبي لك يقوله لساني..
    ماغيرتني دنيتي يا أوفى الأحباب ..
    مخلص ولا لي بالبشر وجه ثاني

 

  • عسى ماشر ياعمري؟
    وش الي طول غيابك؟!!
    نسيت اني على صبري أذوق المر
    بأسبابك
    نسيت اني على صبري أموت بلحظه
    وأحيابك
    حبيبي يابعد عمري!!
    طول غيابك وأنا مدري؟؟
    أخاف انه نقص قدري عقب ماكثروا
    أحبابك!
  • فمان الله ياحب ماكمل المشوار
    عرفنا مفرق الدربين و لايحتاج تكميله
    مالك نصيب في دنيتي ومالي نصيب في دنيتك
    خلني اعيش بحسرتي وانت تهنى بدنيتك
    ياترى الأيام تسمح والأقيك
    والايكون آخر لقانا..رسايل
  • يبقى الغلا لوفرقتنا المشاريه
    والشرهة الي بالخواطر تروحي
    كل يعاتب بعض الاحيان غاليه
    والحب يبقى فوق كل الجروحي
    الحب لوشانت علينا لياليه
    نصبر وفى سر الغلا مانبوحي
    طبع الوفا بقلوبنا مانخليه
    يسري بروحه مثل ماهو بروحي
    حبي على باله ولوكنت جافيه
    وهو على بالي وحبه طموحي
    قلبي ولو صديت وابعدت بيديه
    وبنظرتي شوق القا له وضوحي

 

وفي النهايه يجب ان تعلم ان الحزن ليس شئ سهل وانه يخترق حياتنا كلها ويجعلها حالكة السواد يجعلنا لانعلم مالذي يحدث او سبب انهيارنا ان الحزن هو شئ مقيت لانعرف ماتفسيره او حتى اسبابه لانعلم كيف نسير وهو يقطع طريقنا بصوره دائمه رغم كونه شئ طبيعي ولكن من اهم المفاتيح التي يمكن من خلالها ان تعبر اي مشكله بهدوء وبرويه هو الرضا ان الرضا هو بمثابة سحر لايمكن تخيله لاتعرف كيف يبدل حالك وكل شئ كيف يجعل منك شخص اخر وفي النهايه نتمنى ان تكون اعجبتكم المقاله.

ويمكنكم الاطلاع على مقالات مشابهه مثل:

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى