شعر حزين

شعر حب حزين عراقي اجمل ابيات الشعر العراقي مؤثره للعشاق

شعر حب حزين عراقي

ان الحب هو من أعظم المشاعر التي يمكن أن تقع على قلب الإنسان فالحب هو عظيم بكل معنى الكلمة الحب ليس كمثله شئ فانت لا تفهم من اين ابدأ ومن اين سينتهي انه فقط بداء وفي بعض الأحيان تكون بدايات الحب غير سريعه ورتيبه ولكن في النهاية عندما يبدأ الحب يبدأ كل شئ في الانسجام حتى روحك وعقلك وكل شئ فالحب هو مايسترو الذي يعزف الحان الانسجام والحب والجمال الحب هو ذلك الشئ المذهل والرائع الذي لا يستطيع أي شخص تفاديه فالحب هو شئ رائع بكل معاني الكلمات فعندما يدخل قلبك يبدل عالمك وحياتك كلها للاحسن واذا لاحظت ان حتى الكلمات التي تعبر عن الحب جميلة الوقع على القلب وخفيفه وجميله ولذلك سنسرد لكم مجموعه من اهم كلمات الحب  الحزينة العراقية .

شعر عراقي مؤثر وحزين للغايه .

 

  • مثل دمي ، الحزن مسجون ،
    حزن يعزف على آعصابي لحن مجنون .
    حزن روح وحزن واهس ،
    حزن شفه ودمع وعيون .
    حزن كلّي ،
    حزن وحرورته آبظلّي .
    حزن ملعون ،
    بس مامـون .
    حزن ما عافني لوحدي ،
    حزن معشر حلو ، ميخون .
    حزن من المعـزّه امدلل ومسجون ،
    والفرحه حلم مجنون .
    مهموم ، وسكر بيّه الحزن ،……..
    غنّه مواويلي وجع مزيون .
    فيّضني ضوه …………
    ايحوم آعلى موكَد نار ،
    فيّضني شعر مثل المشابك حار .
  • حزن ما خلّه شي مدفون .
    حلو حزني ،
    حزن خلّاني آشوفن زين ،
    اسولف زين ، افكر زين ،
    حزن خلّاني آحب راسي ،
    راس آبلا حزن ، مجنون .
    حلو حزني .
    حزن ، كل يوم يلجمني ويسلّيني ،
    حزن ، كل يوم برماده يحلّيني ،
    حزن مزيون ،
    حلو حزن العليّه آيدوّخ المرايه ،
    حلو حزن العليّه ايركَص المرايه .
    كل يوم المرايه تشتهي وجهي ،
    وآجيها امعطر بحزني ، وانة الممنون .
    أذوب بماي شفّتها ،
    وتْمصني بضوه مفتون .
    أغط بمايها وكَوه أجر وجهي ،
    ومثل كل يوم ،…….
    أحط خدها على الحايط ،
    واكَلها نلتقي باجر ،
    أكَلها ان شالله باجر ،…….
    أجيج امعطّر ومزيون ،
    أجيج امعطّر بحزني ، وانة الممنون
لا تغضب
لا تغضب

شعر حزن موجع ومؤثر للغايه.

 

  • دك هاونك يا حزن … واسحن بكايا الحيل
    ثلاثين عام وحمد … لا مر ولا اجه الريل
    دك هاونك يا حزن
    خليني اسمعك ترن
    مامش بعد كل رجه … يوصل قطار الليل
    دك هاونك يا حزن … واسحن بكايا الحيل
  • يا حزن دك هاونك … خلّيهم ايسمعون
    أحباب الي من الجهل … عالسجّه ينتظرون
    يمكن قطار القهر
    يوصل يصيح ابقهر
    والقهر فرّخ قهر … والريل ، ماجه الريل
    دك هاونك يا حزن … واسحن بكايا الحيل
  • وك يا حمد يا أمل … بعيون الحديثات
    شماله قطارك عطل … ما وصل لام شامات … ؟
    خانتك سجّة هلك … ؟
    لو ريل ليلك هلك … ؟
    ننشد نريدك تمر …والله نشيلك شيل
    دك هاونك يا حزن … واسحن بكايا الحيل
  • للّيل لسعة شمس … والشمس بردانه
    والروح نخله بجرح … من اسنين عريانه
    وينه الينشف الدمع … ؟
    ويسمع الماينسمع … ؟
    غص الكلب بالصبر … شنصبر بعد يا ليل … ؟
    دك هاونك يا حزن … واسحن بكايا الحيل
  • يمته تمر يا حمد … ويّاك النه عتب
    ثلاثين عام النخل … شيّص ابعثكه الرطب
    والنهر يبجي الراك
    وعراك يبجي اعراك
    لا بالمحطه رف ضوه … ولا بينه من شم هيل … ؟
    دك هاونك يا حزن … واسحن بكايا الحيل
  • وك يا حمد يا شذر … يا موكد الجمره
    جنّك كسرت الجدم … يابو زند سمره … ؟
    يا حيرة البالكلب
    مثل المنيّه وتدب
    بارواح اهلنا الكضت … سنبل واخذها السيل
    دك هاونك يا حزن … واسحن بكايا الحيل
  • حزنن تراجي الفرح … والدمعه هلهوله
    وخزّامه صار الصبر … والمستحه سوله
    شطولك يا ليل الصبر
    تشبه عذاب الكبر
    موته وبعدنه بأمل … يوصل قطار الليل
    دك هاونك يا حزن … واسحن بكايا الحيل
  • الكطا رفّ الجنح … ومثله العراقي طار
    لا سنبل ابدا بكه … ولاظل وطن لا دار
    حتى الفخاتي ارحلن
    بطوك الحزن سافرن
    وشاخ الضبع عالسبع … وجالونه بالهم جيل
    دك هاونك يا حزن … واسحن بكايا الحيل
  • آنه ارد الوك الحمد … ما الوك انا الغيره
    كالتها وتندمت … وطاحت بالف حيره
    من شافته ما أجه
    وما بيه أبد كل رجه
    صاحت عليه اشتمر … عن سجّتي يا اسهيل
    دك هاونك يا حزن … واسحن بكايا الحيل
  • زخّن ليالي الحزن … جيلات فوك الضلع
    والفجر طش حمرته … بعيون اهلنا دمع
    طلكنه والله الصبر
    ورحنه مشي للكبر
    ورفضوا دفنّا بعذر … الدفان ما بيه حيل
    دك هاونك يا حزن … واسحن بكايا الحيل
  • للصبح فزّت نهد … وكطرة ندى الحلمات
    ومورّدات ابغنج … فوك الكلب حسرات
    يا حلو يا شكرلمه
    حن اعله من السمه
    ما ظل بعد بالعمر … موشّل تره توشيل
    دك هاونك يا حزن … واسحن بكايا الحيل
  • شهكه اعله شهكه العمر … حدر الكناطر كضه
    وضلوعنه من الهظم … كلها تره مرضرضه
    بوس الألم يا جرح
    وتوالف ويالجرح
    فرسانّه اتكوطروا … وعريانه اجتنه الخيل
    دك هاونك يا حزن … واسحن بكايا الحيل
لا حزن يستمر ولا فرح يدوم ..
لا حزن يستمر ولا فرح يدوم ..ف

اقوى الابيات العراقيه الحزينه والمؤثره.

 

  • ملّينه ريلك حمد … عالسجّه منتظرين
    ورحنه باجفان الدفن … للكبر متونسين
    بس ما لكينه كبر
    وردنه نأجر كبر
    كالوا تره المكبره … ما بيها أنج ايشيل
    دك هاونك يا حزن … واسحن بكايا الحيل
  • كلما يزيد القهر … للفرح دكّت باب
    وكلما يكون العتب ، خنجر ، نظل احباب
    والقصّه قصّة حمد
    وريل انكطع للأبد
    لكن نظل ابرجه … يوصل قطار الليل
    دك هاونك يا حزن … واسحن بكايا الحيل
    ثلاثين عام وحمد … لامر ولا اجه الريل

 

  • مو حزن
    لكن حزين ..!
    مثل ماتنقطع
    جوا المطر
    شتلة ياسمين !
    مو حزن .. لكن حزين
    مثل صندوق العرس
    ينباع خردة عشق
    من تمضي السنين !
    انا قتلك
    مو حزن لكن .. حزين !!
    مثل بلبل قعد متاخر
    لقى البستان كلها بلاية تين
    مو حزن لامو حزن لامو حزن لكن
    احبك من كنت يا اسمر جنين

    خذني يابحر

    خذني خشبة
    خذني والبحارة لو نسيوك كلهم
    مانسيتك
    الخشبة عاشت عمر طيب
    عشقت كل المخاطر
    عاندت .. مشيت بوجه الريح
    لكن ماكسرها
    وصارت تسافر وحدها
    بلا اتجاه !
    وارجع احط خدي على خدك
    يابحر
    خشبه وبحر
    خشبه .. خشبه وكلش حزينه
    خشبه لكن حيل
    اهيب من سفينه
    مابكيتك
    فارقت انت السفينه
    وانا جايبلك بحر . . !
    جبتلك طوفان الحلم
    حلم منذور بغياب الشمس
    فارقت حلم الناس
    ومليت السفينه والسفر ؟
    مابكيتك
    انا بكتني السفينه !
    منين ماطش الرذاذ .. تريد تبحر !
    تدري نوبات السفن لو ضاق خاطرها بجبن قبطانها
    تسافرو حدها وبلا تجاه !
    انا مابكيتك
    انا بكتني السفينه ! !

 

وفي نهاية المقال يجب ان تعرف ان لكل شئ بدايه ونهايه وان الحب هو من اعظم الاشياء فالحياه كلها فبدون الحب لايوجد جمال ولاسلام ولاحتى امان في هذا الكوكب أن الدنيا بما فيها قائمة على الحب فقط الحب وجماله ، ان الحب هو من معجزات وروائع الكون فكيف لمثل ذلك الشعور ان يكون بهذا الجمال وهذا القدر من الدلال ان الحب هو رائع بكل معانيه وجمله الحب ذلك الشعور الذي يخلق للمحبين هائله من الطاقه لفعل اي شئ وفي النهاية نتمنى ان تكون اعجبتكم المقالة.

ويمكنكم الاطلاع على مقالات مشابهه مثل:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى