نكت مغربية

نكت مغربية شعبية مضحكة جدا 2019

نكت مغربية شعبية

في كثير من الاحيان نبحث عن اي شيئ نفعله ليخرجنا من روتين الحياة الذي يصبح مملا جدا في كثير من الاحيان ، فعلينا استغلال اوقات الفراغ في ممارسة الهوايات المختلفة مثل ممارسة الرياضات المتنوعة او القراءة و غيرها من الاشياء التي تساعد على التخلص من الطاقة السلبية التي قد تؤثر علينا و تجعلنا نشعر بان حياتنا ما هي الا تعب و شقاء ، ومن اكثر الاشياء التي تساعدنا على الخروج عن الروتين الممل هو الضحك ومن ضمن اكثر الاشياء التي تجعلنا نضحك بدون توقف هي النكت وبالاخص اذا كانت جديدة ، فكل بلد عربي له نكاته التي يتميز بها ، ولذلك يسعدنا ان نقدم لكم من خلال موقع احلم مجموعة من اروع النكات المغربية التي تسبب لنا البكاء من الضحك فنتمنى ان تنال اعجابكم.

نكت مغربية
نكت مغربية

نكت مغربية مسلية جدا

 

  • هادي وحدة قصيرة دخلات السانسور بغات تطلع ليتاج عشرة، وما وسلاتش البوطون، ناضت وركات على خمسة جوج خطرات.
  • خضار و جزار تخاصموا على البلاصة في السوق، الجزار ضرب الخضار بكيلو وهو يسخف. جا الإسعاف دا الخضار للصبيطار،و ملي فاق لقى الفرامليا لابسين الطابليات دايرين بيه. وهو يقول ليهم: وا شهدوا عليه أمالين صيكوك، واشهدوا عليه أمالين صيكوك.
  • واحد قال لصاحبو: سلفني 500 درهم الله يرحم بيها الواليدين. قال ليه صاحبو: 200 درهم اللي عندي. قال ليه لاخور: ماشي مشكل، عطيها ليا ونبقى نسالك 300 درهم.
  • هادا واحد خينا مبوق مع راسو، وجاه البرد بزاف ملي شعل العافية ودفى مزيان، عجبو الحال، وهو يقول: الله! لهلا يحرمنا منها لا دنيا ولا آخرة.
  • سولوا واحد الفار: علاش عزيزين عليك البنات؟ ڭال ليهم: حتى واحد ما كيدير ليا اعتبار من غيرهم. غير كيشوفوني كيغوتوا، حسيت براسي بحال مهند.
  • واحد الكليان قال للسرباي: سمح ليا، ولكن راه صبعك كان مخشي ف هاد الزلافة ديال الحريرة اللي جبتي ليا. قال ليه السرباي: الدنيا هانية، ولا عليك، ما كانتش سخونة.
  • واحد الكسول سول المعلم ديال الانجليزية: أستاد، أشنو المعنى ديال why؟ قال ليه الأستاد: علاش. قال ليه الكسول: لا ، غير سولت. قال ليه الأستاد: علاش أبنادم، علاش ، قال ليه الكسول: راه غير بغيت نتعلم الانجليزية.
نكت مغربية
نكت مغربية

اجمل النكت باللهجة المغربية

 

  • المرا: أشنو وقع؟ الراجل جوابها من الحمام: والو، غير القميجة طاحت. المرا: ولكن داكشي اللي سمعت تقيل. الراجل: اه، حيت كنت ف القميجة.
  • واحد جاتو الفاكتورة ديال الما غالية بزاف عيط للشركة ديال الما قال ليهوم: أهياوينا، ياكما الشتا هاد العام على حسابي؟
  • واحد البنت كانت غادية ف الطريق، شوية وقف عليها واحد خينا عجباتو. قال ليها: عطيني التلفون ديالك. البنت يصحابها شفار، رمات ليه البورطابل ومشات تجري.
  • هادا واحد مكلخ عندو شي فلوس وبغى يخبيهم ناض حفر حفرة ف الجردة، خباهم تما، ودار فوق الحفرة بلاكة كتب فيها: هنا ما كاينينش الفلوس شوية جا خوه، بانت ليه البلاكة، جبد الفلوس خداهم، ودار بلاكة كتب فيها: راه ماشي خوك اللي خدا ليك الفلوس.
  • واحد مبوق جالس ف القسم، كل شوية كيضحك ف التالي ضحك واحد الضحكة بالجهد قال ليه المعلم: نتا مالك واش تسطيتي؟ قال ليه المبوق: راه كنت كنعاود لراسي النكت، واخر وحدة أول مرة نسمعها.
  • تابع مع نكت مغربية كتقتل بالضحك: هادا واحد الراجل طلق مرتو، وقال ليه القاضي: غادي تبقى تعطيها النص ديال المانضة. ناض السيد كيضحك. سولو القاضي: مالك؟ قال ليه: كانت كتديها كاملة.
  • واحد مبوق داز حدا باه ف الزنقة وميك عليه. مشى عندو باه قال ليه: مالك ما شفتينيش؟ قال ليه المبوق: لا شفتك، غير ما عرفتش فين.
  • هادا واحد الراجل كاري، وكان السقف ديال الخشب بالي وكيدير الصداع بزاف ملي جا مول الدار يتخلص الكرا، قال ليه الكاري: خويا صاوب لينا هادا السقف، راه كيخلعنا قال ليه مول الدار: ما تخافش، راه غير كيسبح الله قال ليه الكاري: راني خفت يجيه الخشوع ويسجد.

نكت مغربية مضحكة الى ابعد حد

 

  • قال ليك هادا واحد الاستاد رسم للتلاميد ضفدعة وقال ليهوم اش هادي وهو ينوض واحد الكسول للسبورة وهو يقول ليه هادي جرانة قال ليه الحمار هادي راه ضفدعة و هو يرجع داك الكسول لبلاصتو وقال لصاحبو العجب كاتبان من البعد بحال شي جرانة.
  • هدا واحد البركاني خدا الدكتوراة في علم الحيوان ولكن الأساتذة دياولو متيقوش أو هما يقولوليه ديرلينا شي تجربة … البركاني جاب واحد القطة منين كيصفق عليها كتجي عندو أو هو يقطعليها الرجل الأولى منين صفق عليها جات هو يقطعليها الرجل الثانية منين صفق عليها جات هو يقطعليها الرجل الثالثة منين صفق عليها جات هو يقطعليها الرجل الرابعة منين صفق عليها ما جاتش أو هو يقوليهم نستنتج أننا عندما نقطع للقطة أرجلها الأربعة تفقد حاسة السمع.
  • دكتور ديال الحماق دخل عليهم لقى ثلاثة واحد طالع فوق الآخر قاليهم اشنو تتديرو ؟ قاليه الي تحت سكت سكت… حنا عمارة ديال تروا زيطاج هي هي هي ..جمع يدو وعطاه بتصرفيقة يمكن هذه داخلة في شغلو..وهو لحمق الي تحت قال للفوقاني نزل أصاحبي شوف شكون الي تيدق في الباب يلاه.
  • هادي امريكا بغات تصنع صاروخ المهم كلشي شارك معها… ها اللي جاب البياس و ها اللي ساعد باليد العاملة ..و اللي عاون بالفلوس… و حتى سالاو و هما يشوفوا واحد المغربي جايب ورقة كبيرة مكتوب فيها( صنع في المغرب ).
نكت مغربية
نكت مغربية

و في ختام هذه النكت المسلية يجب ان نعلم ان الحياة لم توجد لنتعب فيها و نشقى بل ان هناك اوقات يجب ان نبتعد فيها عن كل ما يسبب لنا الضغط النفسي و العصبي و ان نبتعد عن كل ما يسبب لنا المشاكل في الحياة ، ويجب علينا ان ننظر الى المستقبل نظرة تفاؤل و ليست نظرة تشاؤم….. نتمنى ان تكون هذه النكت قد حازت رضاكم وانتظروا المزيد من الموضوعات المرتبطة بالنكت المسلية من خلال موقع احلم.

و يمكنكم ايضا قراءة : اجمد نكتة في العالم اروع النكت التي ممكن ان تقرأها في حياتك

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق