نكت

نكت كوميدية مصرية تضحك موت

نكت كوميدية

حياتنا ليست بالوردية على طول الخط؛ فهذا يوم يمر بنا ونسعد بكل تفاصيله، ويوم آخر نقضيه في بعض الضيق او الزعل، هكذا هي الحياة متقلبة يقلبها الله كيفا يشاء، وما أجمل أن يكون لك حبيب أو صجيق يكون بقربك دائما ويهتم لأمرك، حتى اذا ما وجدك حزينا في وقت ما؛ قرر أن يخرجك من ذلك الضيق الى السعادة فيحكي لك طرائف مضحكة أو نكت كوميدية حتى يجعلك تضحك وتنسى زعلك وضيقك، دائما ما نحتاج في حياتنا الى مثل هذا الشخص الذي يحبنا ويهتم أن يجدنا دائما سعداء في حياتنا، ومن خلال موقعنا احلم نقدم لكم أحلى نكت كوميدية نتمنى ان تعجبكم وتتشاركونها فيما بينكم حتى تقضون وقتا جميلا.

نكت كوميدية مضحكة جدا

نكت كوميدية
نكت كوميدية
  • واحد بيقول لصاحبه هوانا لما ابوس اختك نبقى نسايب قاله لأ نبقى خالصين.
  • واحد صعيدى بيقول لصاحبه شوف العالم الهطله يدفعوا 25 مليون علشان بن لادن أمال لو كان بن محوج كانوا عملوا إيه.
  • ندل واقف فى ميكروباص ضحك لبنت ضحكتله غمزلها غمزتله شاورلها تنزل نزلت قعد هو مكانها.
  • واحد اهبل مراته ولدت بعد شهر من الجواز سألوه ازاي؟ قال يانهار اسود على الحسد ياناس.
  • مرة واحد كسلان اتجوز واحدة كسلانة كسلوا يخلفوا.
  • واحد اتجوز واحدة اسمها نعمة باسها وش وضهر.
  • مرة واحد عداه العيب خد اللي بعده.
  • عشر صعايدة بيتعلموا ربط الكرافتة 6 ماتوا و4 في حاله حرجه.
  • واحد سنانه كلها طايرة ما عدا الانياب … قدم على وظيفة عينوه خرامة
  • مرة واحد راح الجهاديه طلع من الجهة التانيه
  • ديك كسر بيضه لاقاها فاضيه، دخل للفراخ قالهم مين اللى مركبه لولب
  • صعيدى دخل راسه فى قفص الاسد الحارس قاله انت بتعمل ايه يا بويا قاله يا عم ما تخافش واحنا هناكله.
  • واحد راح الصيدلية وقال للدكتور: عايز لبن اطفال …. الدكتور: اسمه ايه! الراجل: اسمه اشرف
  • فرختين مشيين الاولى معلقة بيضة على رقبتها. فالتانية بتسالها اية البيضة دي؟ قالت دي صورتي وانا صغيرة
  • شرطي مرور خلف واد بيتكلم بالاشارة – اكمل قراءة نكت تحفة
  • واحدة فافى راحت لمصنع من مصانع تعبئة الالبان وشافتهم وهم بيحلبوا البقر. فسالتهم طب والبقر الفاضي بتعملوا فيه ايه.
  • بخيل وقعت فلوسه من فوق السطح نزل ملقاهمش ليه؟ نزل اسرع منهم
  • فيـه عـجـوز… مـاتـقـومش إلا بـإشتـراك
  • مرة 5 دخلوا كلية الهندسة اثنين طلعوا مهندسين وثلاثة مدينة نصر
  • مره واحد اشترى لمبه مسمار دقها في الحيط
  • بخيل واقف فى البلكونة… ابنه جاى من بعيد يقول له بابا بابا بابا … قاله: يامغفل بابا واحده كفاية.
  • واحد بلدياتنا بيتخانق مع واحد فضربه على وشه فقاله ليه ما قفايا موجود
  • واحد بلدياتنا وقع من الدور العاشر. جاله صداع
  • بخيل اتزوج بخيلة جابوا بنت سموها حصالة.
  • واحدة بتلعب استغماية مع خطيبها قالت له لو لقتنى هتبوسنى لو ملقتنيش انا ورا الباااااب.
  • فيه نقطة زرقا على الحيطةايه هي؟ نملة لابسة جينز

نكت كوميدية أوي تفطس من الضحك

نكت كوميدية
نكت كوميدية
  • بلدياتنا دخل الجيش ووقف حراسة على بوابة معسكر عدى عليه الشاويش وقاله: اللواء “فريد” جه؟ قاله: ماجاش يا شاويش “محمد” وبعد ساعة رجع له الشاويش محمد وسأله اللواء “فريد” جه؟ قاله لسه ما جاش. وبعد ساعة أخرى رجع له تانى وسأله اللواء “فريد” جه؟ قال له لسه ما جاش. وبعد ساعة جه اللواء “فريد” قاله العسكري: أنت فين الشاويش”محمد” حيخرب بيتك
  • واحد صعيدي نزل في محطة الرمل رجلة غرزت
  • واحد صعيدي عاوز يقتل مراته حطيلها مسدس في الشوربة
  • واحد ماشي في الشارع بيقول الله يخربيتك يا سمير …. أمين شرطة ضربه على قفاه وقاله وكمان مش عارف اسم الريس يا ابن الكلب
  • واحد صعيدى راح يشترى لمراته جزمة فراح لمحل وقال لصاحب المحل عايز جزمه من غير كعب وخفيفه شويه ورخيصه صاحب المحل قال ماشي وجاب الجزمه فقالت مراته ده مينفعش انا عايزه بكعب ودبت خناقه فصاحب المحل قرف منهم فقال للصعيدي متخدها بكعب هو انت الى حتلبسها قال لع من غير كعب هو انت الى حتنضرب بيها
  • صعيدي بيقول لشيخ هو ينفع الصلاة من غير وضوء قاله لأ ماينفعش طبعا قاله ايه رأيك جربت امبارح ونفعت
  • عشره صعايدة محششين بيحششو البوليس كبس عليهم خمسه اتمسكو وخمسه استخبوا فى البوكس
  • مرة واحد بلدياتنا وقع فى حفرة نزلولوا حبل طلع مخنوق
  • صعيدي واقف فى ميدان التحرير بيقلع هدومه؟ سألوه: ليه بتعمل كده؟ فقال: أصل الكمسرى قال لى علشان أروح شبرا لازم أغير فى التحرير.
  • مرة واحد بلدياتنا قطع تذكرتين فى الأوتوبيس، سأله الي جنبه ليه قطعت تذكرتين؟ قاله عشان لو تذكرة ضاعت يبقى معايا واحدة تانية، قال له طب لو التانية ضاعت تعمل إيه قال له طيب ما أنا معايا الابونيه
  • بلدياتنا راح السفاره الامريكيه علشان يسافر امريكا فقلوله انتا معاك لغه فقلهم لغة اه الحكايه كلها عملية فهلوه فسفروه فعدى من قدام مكان فيه فرح كبير قوى فسال واحد خواجه فساله(هو فرح مين ده يا خواجه) فقله اي دونت نوه فعدى تانى بعدها بيوم فلئى جنازه كبيره قوي في نفس المكان فسال واحد خواجه (هو مين الي مات) فقله اي دونت نوه فقله لاحول ولا قوة الا بالله دكان لسه فرحه امبارح
  • واحد بلديتنا دخل على واحد صاحبه لقاه بيلعب دومينو مع الحمار قاله ياراجل بتلعب دومينو مع الحمار قاله الحمار الى مش عجبك ده غالبنى عشرين دور

نكت كوميدية عن الصعايدة تضحك موت

نكت كوميدية
نكت كوميدية
  • واحد صعيدي راح للدكتور بعد ما كشف عليه قاله اطلع اعمل اشاعة، الصعيدي ركب الاسانسير لقاه كله مرايات افتكر هو ده جهاز الاشاعة فقلع ملط ووقف مستني، شوية ممرضة بتفتح الأسانسير شافته راحت مصرخة، قالها: يالهوي سرطان؟
  • في خناقة دموية بين اربع بنات
    واحدة هندية – واحدة سودانية – واحدة خليجية – واحدة ايجيبشن
    اتفق التلاتة وقتلوا الهندية … وجت الشرطة وقبضوا عليهم وحكموا على السودانية بتمشيط شعرها لمدة سنة وحكموا على الخليجية انها تستحمى بالصابون لمدة سنة واحتاروا في حكمهم مع الايجيبشن قام طلع القاضي وحكم عليها انهم يربطوا اديها ورجليها ويسيبوا الموبايل يرن جنبها
  • بنت شاطرة قوي في الحساب الابلة سألتها علامة ايه دي يا امورة (=)
    ردت بكل فخر دي (11) يا ابلة بس نايمة
  • ايه وجه الشبة بين البنت والمسمار
    الاتنين ميجوش غير بالدق على دماغهم
  • المرأة: كائن (جغرافي) يحاول دائما إخفاء (تاريخه)
  • لا تقل احبها لكذا، بل قل أحبها رغم كذا وكذا وكذا
  • إذا أحبتك المرأة أعطتك الدنيا وإذا كرهتك أحرقت بك الدنيا
  • المرأة إذا أحبت كانت ملاكا كريما … فإذا دبت الغيرة في قلبها تبدلت شيطانا رجيما
  • واحده دخلت فيها الجمره الخبيثه وطلعت منها ليه؟
    عشان لقيتها اخبث منها
  • غبى شاف مقهى انترنت مكتوب عليه الساعه ب 3 جنيه …. دخل يسأل هي ضد الماية؟
  • مرة حسنين لقى شنطة فلوس وعايو يخبيها قام حافر فى الارض ودفنها وكتب مافيش فلوس هنا قام محمدين حفر وخد الفلوس وكتب محمدين مخدش حاجة.
  • حشاش سايق إسعاف في الحرب ناقل 35 قتيل، سمع في الراديو سقوط 30 قتيل، وقف وفتح الباب وقال: الخمسة اللي بيستهبلو ينزلوا حالا.
  • مرة واحد ظريف عاش في الدور. واحد أظرف منه عاش في الدور اللي فوقه
  • كمسري أبوه مات ماشى في الجنازة يقول يا حضرات الجنازة فاضية آدام

قدمنا لكم أحلى نكت كوميدية لأجمل متابعين لنا على موقعنا احلم، حيث جمعنا لكم هذه التشكيلة المتنوعة من نكت مضحكة جدا ونكت كوميدية تفطس من الضحك، حتى تخرجوا من حالة الملل أو الضيق الذي قد يمر بحياتكم، نتمنى ان تكونوا قد استمتعتم بها وحظيت على رضاكم، وتشاركونها مع كل اصدقائكم واحبتكم، وللمزيد من نكت كوميدية برجاء زيارة باقي اقسام نكت التي ستجدون فيها اجدد واحلى النكت.

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق