نكت

نكت سخيفة جداً ولكنها مضحكة جداً جداً جداً

نكت سخيفة جدا

ليس هناك أجمل من الابتسامة التي تداعب شفاهنا، وتلامس قلوبنا، وتنفطر لها أرواحنا سروراً لها، تلك الابتسامة تمحي من الأحزان والهموم ما تمحي بل وتنور دروباً كانت قد أغلقت بل وتفتح لنا أفاقاً جديدة؛ وربما لا تعني الابتسامة كثيراً عند بعض الناس ممن أغفل تأثير الابتسامة النفسي وانعكاساتها، فربما يكون يومنا مليء بالمشاحنات والمنغصات فتأتي النكتة ماحية على كل هذا واضعة مكانها ابتسامة كبيرة جداً ولو كانت هذه الابتسامة لوقت قصير.

وهذا هو ما سيدور عليه موضوع الليلة؛ فيسعدنا أن نقدم لكل متابعينا الكرام متابعي موقع احلم مقالة رائعة بعنوان نكت سخيفة جداً ولكنها مضحكة جداً جداً جداً، فالنكت السخيفة هي نوع من أنواع النكت المفضل عند البعض، فسنجمع باقة مختارة ومجموعة جميلة ومضحكة من أجمل النكات السخيفة، فحتى لا نطيل عليكم هيا بنا نتابع معاً.

نكتة المحشش
نكتة المحشش

نكت سخيفة ولكن مضحكة:

مسطول قابل واحد صاحبه متغاظ من امريكا، المسطول حب يهدي صاحبه، قاله شوف امريكا من غضب ربنا عليها خلاها هناك فى آخر الدنيا لكن مصر يادوبك ساعتين بالبيجو

عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد!

اتنين محششين بيتفرجو على ماتش فالمزيع بيقول ‘دربكه فى الدفاع، دربكه فى خط الوسط، دربكه فى الهجوم، أوبااااا جوة الجون’ فالمحشش قال لزميله ‘إلظاهر ان دربكه ده لعيب ميه ميه’

لغز لمحشش: قطار يمشي 60 كلم في الساعة فكم عصفور في الشجرة اذا كان الببسي ب75 قرش؟

مرة اتنين مساطيل قاعدين ومعاهم مراية فواحد مسك المراية وبص فيها وقال الشكل دة مش غريب عليا راح التانى مسكها وبص فيها وقاله إيه يا عم انت مسطول؟ ده انا

واحد مسطول اشتغل سواق تاكسي، شاورتله واحده، وقف وسألها ‘رايحه فين؟’ قالتله ‘المهندسين’ قالها ‘روحي بس ما تتأخريش

اتنين مساطيل طالعين في الأسانسير واحد بيقول للتانى ‘هو الاسانسير بطىء كده ليه؟’ قاله ‘يمكن طالع على السلم’

محشش قالو له ايه رأيك في الزواج المبكر قال يعني الساعه كام

نمله ماتت على الشط فبيسألو مسطول تعتقد ليه ماتت؟ قال ضحايا تايتنك

مسطول بيسأل واحدة اسمك إيه قالت له أسماء قالها ما فيش اسم محدد

جماعه قاعدين فى غرزه فالبوليس هجم عليهم وكان معاهم عيل صغير فدخل الظابط وحب يستظرف شويه فبيسأل الواد الصغير’و الشمام الصغير اسمه اييييييه؟’ قاله’كانتلوب’

نكت جديدة 2020:

الشاب المصري االخلوق
الشاب المصري االخلوق

واحد بيتقدم لواحدة فابوها طلب منه مهر بـ 50 ألف جنيه، قالوا ليه ياعم الحاج هو انت حسبت الكيلو بكام.

واحد نام على السرير بالمقلوب، صحي الصبح لاقي رجليه معمصه.

الحمار في فرح أسد فقال له الأسد بس انا معزمتش حمير ايه اللي جابك فرحى، قاله أنا كنت زيك أسد ولما اتجوزت بقيت حمار.

واحد إشترى فراخ علشان يربيها فى قفص صدره.

مره نمر كان بيجرى ورا عربيه عشان يعاكس النمره.

عسكرى زهق من البندقيه، إشترى حمصيه.

مره فيه واحده ست سايقه على الجي بي اس قالها إنحرفي قليلا فقلعت الطرحه.

مرة واحدة إتجوزت من ورا أبوها لف وشافها.

منوفي إتجوز موظفة إتفق معاه المصاريف عليه والايجار عليها، بعد ٢٠ سنه مات إكتشفت إن الشقة تمليك

بيقولك مره واحد نام ساعه، صحي لقى نفسه حظاظه.

مرة واحد بخيل قوى جاب تليفون جديد حطه في جيبه اللي ورا، ونسي وقعد على كرسي، راح سامع صوت حاجه بتكسر، قال يارب يبقي العمود الفقرى.

نكت بايخة:

خروف بيسأل خروف ‘مر عيدين ومذبوحكش ليه؟’ قال اصل انا متسجل في شهاده الميلاد حمار

مره صرصار طلع من الخلاط قال يخرب بيت إللى يدخل الملاهى تانى

حمار شاف حصان قال اخ لو اني مخلص الثانوية

حمار بيقول لخطيبته امتى هنتجوز ياحمارة قالت له لما تحسن الفاظك ياحيوان

واحد ركب اتوبيس.. جاله الكمسرى بيقول له تذاكر … قال له امين شرطه….. سابه وراح للى جانبه قال له: تذاكر … قال له: أبراهيم شرطه
مرة واحدة قالت لزوجها اليوم بصيت لنفسى فى المراية لقيت نفسى قمر14 تفتكر كده غرور قالها لأ غرور ايه ده كدة يبقى عمى

مدرس لغة عربية بيدى درس خصوصى لطالب والده جزار فطلب المدرس من التلميذ وضع كلمة ينابيع فى جملة من عنده فكر التلميذ طويلا وقاله لما ‘بكون واقف فى المحل مع ابويا ينابيع يا ابويا يبيع’

واحد راح مطعم في فرنسا.كان عايز يطلب شوربه قال للجرسون(جارسوه عايز واحد شوربوه) فالجرسون قاله باردون؟ قال الراجل لا سوخنوه

هزار البنات وهزار الشباب
هزار البنات وهزار الشباب

إلى هنا نكون قد وصلنا لختام موضوع الليلة وقد دار حديثنا وكلامنا في هذا الموضوع حول نكت سخيفة جداً ولكنها مضحكة جداً جداً جداً، قدمنا بين أيدي حضراتكم كم كبير جداً من أحلى وأجمل النكت الكوميدية المضحكة، كما أرفقنا مجموعة من الفقرات تحدثنا في أول فقرة عن نكت سخيفة ولكن مضحكة، وفي ثاني فقرة تكلمنا عن نكت جديدة 2020، وختمنا موضوعنا بفقرة بعنوان نكت بايخة، متمنين أن تعجبكم هذه النكت وتشاركوها مع أصدقائكم، فكما يقال بأن الضحك معدي وهذه عدوى جميلة لا بأس من مشاركتها مع الأصدقاء.

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق