شعر حزين

اشعار حب حزينة عراقية موجعه ومؤثره للعشاق

الحب هو شئ جميل ومفرح فالحب لا يدخل في شئ الا وغير بل حوله للافضل ذلك هو المعروف عن الحب بل هو الأمر المفروغ منه وهو اجمل شئ حدث على الإطلاق لأي منا في الحياة ، ولكن كلنا نعرف انه اذا انتهى الحب بشكل سئ فإنه يتحول من ذلك الشيء الجميل الذي ليس له مثيل وليس له بديل الى شئ متوحش وموحش يأكل قلبك وعقلك ومن أسوأ أنواع الحزن هو الحزن عند انتهاء الحب وعند فراق الاحبه فعند فراق الاحبه تجد ان كل شئ اظلم فجأة فلا تجد جزء بسيط من الحياة مضئ كل شئ اصبح سئ للغايه حياتك وعالمك كله تجد أن قلبك يتاكل ببطئ وحياتك تظلم وتصبح موحشه فهذه التجربة هي من اصعب الاشياء التي يمكن أن تجربها في حياتك ولذلك سنترك لكم مجموعه رائعه من اروع ابيات الحب الجميله.

اقوى ابيات الشعر العراقيه الحزينه في الحب.

 

  • مـــو لجـــروحــي …. تعـــال الخـــاطر الشـيــب
    غيـــر كــل مــــــلامـح وجهــــــي بجفـــــــــاك
    تعــال ومــن تجـــي تلـكـانـــــــي تمثــــــــــال
    واكـــف فــاتـح آيــــــدي لحضـــن ملكــــــــــاك
    خــايف كبـــل جيتـــك يوصــــــل المــــــــــــوت
    شكلــه انتظــــــر خـاطــر التقـــي ويـــــــــــاك
  • ثوب ألمآسي يخي أصبح علي لايجي
    والـفـرح ثـوبـو گـصـر لايـرهـم ولايـجـي
    مفارگ غوالي وصفى بعيني الدمع لايجي
    ومايوم شفت الوكت أسعد دليلي وراح
    خلاني عگب الولف أصفگ الراح بالراح
    مـادام ولـف الـجهـل بـاگـو الزمان وراح
    گولوا للعيد السنه بيّا زعل لايجي /
  • تدري بيه بروحتك ماراح اعيش ღ
    اشلون كلبك طاوعك خليتني ღ
    موش عميه الوادم تشوف الدموع ღ
    وانت هيج بلا ذنب بجيتني ღ
    لو صدك مكسور كلبك ما مشيت ღ
    بسكته لو بهداي جا حاجيتني ღ
    وكتلي رايح لا يظل بالك وراي ღ
    حته اعرفك من صدك مليتني ღ
    ليش خليت الدمع فايض عليك ღ
    ردتك تشوفه اشعجب نسَيتني ღ

اقوى ابيات الشعر العراقي الحزينه .

 

  • لهنا واخذ حد عشرتك وانتهة المابيناتنة
    يا وسفة امس جانت مطر
    بس كاع حبك جن صخر ما طكت ابدمعاتنة
    المن نحبك للقهر
    وصلتنة حالة محبتك
    جيلات من يمنة تمر ما فززت صفناتنة
    المن تجي لو ما تجي
    محيرنة ما جنك ندة
    تذبل وتنزل بس خبث توكع بصف ورداتنة
  • انه اكتب شعر شاعر خلقني الله
    والـماعنده ذوق يـروح مـن يـمي
    اترجم ما اشاهد واحجي واقع حال
    اعله هم ناس نوبه ومره عن همي
    انـت شـبيك تـاخذهـن عليك ثـكـال
    مـو يمـك تـرانـه شبيـك متـحـمـي
    يـمـعـود دبـطـل كافي مـا مـليـت
  • علـــى لحــــن الدمــع نــــامت عيــــوني الليـــل
    و علــــى صــــوت القهـــر فـــز الصبــح گلبــي

    لا ظــــــالم بشـــــر لا قاهــــــر أحـّــــــد يــــوم
    ليـــــــــش يصــــير هيــــچ ويـــاي يـــا ربــي
  • مخنــــــوگة الســـــوالف تطــــــلع من الـــــروح
    مـا أدري إشعجـب ؟ و شصـار ؟ و شذنبــي ؟
  • يــــــلوموني لأن ربـّيــــــت حزنــــــي ويــــــاي
    المفــــــارگ محــــــب متگلــّـــي شـــــــيربّي .؟
  • صـــح تعـّبــني كلــش .. صــح سهــرت ويـــاه
    بـــــس والله أصيــــــل و مـــا نكــــر تعـــــــبي
  • بعد بيمن تامن خربت الناس
    الضحك وياك يدعي اعليك بالشين
    كبل جانت مرؤة وصدك وحساس
    هسة الناس صارت عدهه وحهين
    الصحبة مصالح
    هذا الامر واضح
    كلشي انشوفة بالعين

شعر عراقي جميل وروعه عن الحب مؤثر وحزين.

 

  • الضحكه يم الموته كلش مالحه
    بهيجي عزرائيل كون انصالحه
    شاب بس من عنده شايب
    روحي ترجف واني تايب
    ربعي من هسه قرولي الفاتحه
  • تعبت سنين لجلك وانته ما حسيت
    وكبرتك ولك بثنين اديه
    حتئ الناس صاحت هذا جابه منين
    كتلهم اخوي من الهويه
    يا وســفه ندمت بيوم شفتك بــي
    ماشوفك بعد حد المنيه
    تعرف لــيش حالف قررت انــــساك
    جي بعت الصداقه لخاطر بنيه….

 

  • لاتعاتبنـــــــــــي وتـــزيد جرحي نار
    آنـي كـلشي لخاطـــــــــرك سويتة
    انتة امس كدام شـــــــماتي نطيت
    بية وآني الشوف عينـــــــي انطيتة
    جرحي بيدك فوك بيبان الـــــــدروب
    كبال شماتي أمس طشيـــــــــــتة
    يل تطش بجروحي خلف الله عليك
    عمي آني أنسان مـو جكــــــــليتة
  • فدوه الخاطر العافوك بيه أهتم
    نسيت ايام بعدك والجرح سلهم

    موقصدي اني ابوكك حقي من تعود
    وما قاصد بحجي وياك كلمة ذم

    العفتني ورحت الهم امس مو باعوك ؟؟
    وانه النشف دموع التصبهن دم

    خشنه وجوهم وأنته أترف من الماي
    المثلي يلوكلك من الحرير انعم
  • روح وداعـــت الله ويــــاك لارديـــت
    اريد اخلص واعيش البقة من سنيني
    عشرتك بس اذيه وكلها هم واحزان
    وكــــل ذكرى تمرني وياك تجويني
    راح انساك وانسه كلشي جان وياك
    واطلع صورتك واشمرها من عينــي
  • أدري بيك تحبني وبشوكي تذوب
    وأدري عنك لــــو غبت تشبع قهر
    وما نسيتك جنك انتة اللي نسيت
    خلصت عمري الك يـــامــا أنتظر
    كافي ارجع تدري كل لحظة اموت
    وليلي مــايكدر بعد يحمل سهر
    تدري بفراكك جهنم من تـــروح
    وابقى جم دوب انتظر فوك الجمر

 

  • كلما جلست مع نفسي معتزلا بالمحراب

    يبزغ هذا الشعر امامي كأنه السراب

    لاني اسير في طريق الاغتراب

    بعد اختفاء طريق الاحباب

    في زمن المجهول والارتياب

    جالس بصومعتي في مدينة الضباب

    وحيدا الا من عشق رب الارباب

    وقد اوصدت من دونهم الباب

    لا استقبل الاعداء او الاصحاب

    صبرا صبرا فقد اقترب المآب

    وبه نهاية العذاب!!!

 

  • قال بلسان الحبيبة البعيدة بعدما شكت له لوعة الفراق وقسوة البعاد مواسيا اياها

    آآآ يويلي آآآ يويلي     طار نومي وطال ليلي

    أشـﮕد اظل عنك بعيدة     والله مو بطلت حيلي

    وسلوتي صارت احلامك عل بعد ﮔامت تجيلي

    وصورتك بالقلب رفت….بغـربتي صارت دليلي

    ما اصدق بعد اشوفك     آآآ يويلي آآآ يويلي
  • الهمسة الثالثة

    قصة الرجل والبنات

    هناك بيت شعر شعبي مشهور طريف لا يخلو من الفكاهة الخفيفة والمداعبة مع البنات لا سيما الجميلات منهن، يقول:

    ثاري البنات اشكال مثل الـﭽفافي    لو وحدة بالالفين يمكن توافي
  • تدري البنات انواع مثل العصافير

    لتأمّن الـﭽذاب مــن عشك يطير

     

    والله البنات فنون ﭽنــهن تصاوير

    والصورة بس للعين وللـﮕلب تصبير

     

    وبالك من ام لنقوش مثل الزرازير

    والحلوة بالاخلاق باللون متصير

     

    وعند البنات فنون بالـعمر تصغير

    وحتى العجوزه اتـﮕول بسكم التكبير

     

    وكل يوم الهن راي كل يوم تدبير

    ويـﮕولن بكل حال ما عدنه تقصير

     

    والتمّن الحلوات مثـــل الزنابير

    ﮔلولي شنهو الراي علموني تعبير

     

    جيتك طبيب ﭽـلاي انشد التجبير

    يضحك عليه ويـﮕول كثر جرجير

     

    وركضن عليه غفل زبرني تزبير

    واتعاونن بالمـكر طبرني تطبير

     

    بس هي ام الصدج عرفت التقدير

    وظلت وفيه اله ومن دون تفكير

وفي النهاية يجب ان تفهم ان الحب والفراق والحزن هو ليس شئ سئ بالمطلق بل هو شئ جميل ورائع نعم حتى ولو جرح قلبك وعقلك حتى ولو جعل حياتك مظلمة لفترة ما فانه بعد ذلك يتم اصلاح كل شئ وان الحياة ليست بالشئ الهين لكي تحزن من فراقك لشخص ما نتيجة الظروف او انه تركك لأنه اصبح لا يحبك ولكن هذه هي الحياة وتلك هي قواعدها التي لاتتغير ولا تتبدل مع الزمن ان الحياة لا تعطيك كل شئ بل هي صعبة المنال تعطيك كل شئ وتاخذك على حين غرة وترميك الى اسفل السافلين تلك هي الحياة وتلك هي غرائبها وفي النهاية نتمنى ان تكون اعجبتكم المقالة.

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى