معلومات طبية
جدول نسبة الصفراء عند حديثي الولادة وأسباب حدوثها
العناصر
الصفراء و حديثي الولادة… يعني ايه الصفراء و ايه اعراضها ؟ و المفروض اتصرف ازاي ؟ الصفراء يعنى مستوى مادة البيليروبين مرتفع فى الدم بسبب تكسير كرات الدم الحمراء الجنينيه. الصفراء أو اليرقان هي حالة صحية شائعة جدًا عند الأطفال حديثي الولادة ولها جدول يوضح نسبة الإصابة بها وما هو طبيعي أو مرضي. يظهر الصفار (اليرقان) عادة في الأيام أو الأسابيع القليلة الأولى من الحياة وهي ليس مرض خطير أو وتختفي عادةً دون علاج.



أعراضها: لون الجلد والعينين بيصبح أصفر, ثم جلد الصدر و البطن و الاطراف ويرفض الطفل الرضاعة ويزداد معدل النوم والكسل.
أسباب حدوث الصفراء وانواعها
-الصفراء الفسيولوجيه غير المرضيه:
تظهر فى الرضع بعد الولاده بيومين إلى 4 أيام وتختفى خلال ١٥ يوم وتحتاج فقط المتابعة مع الطبيب ونهتم جدا بالرضاعه (من ١٠ إلى ١٢ مرة يوميا على الأقل).
-الصفراء التكسيريه المرضيه:
تحدث مبكراً أول 24 ساعة من ولادة الطفل بسبب:
1-فصيلة الأم (o) والطفل فصيلته A او AB او B.
2- الام (RH) معامل الريسيس بتاعها سالب والطفل موجب.
وفى الحالتين دول بيحصل تكسير زائد لكرات الدم الحمراء. عشان كده لازم تعملى تحاليل تعرفى فصيلتك بالظبط قبل الولاده, الام اللي يكون RH بتاعها سالب ضروري تاخد حقنة RH عشان تحمى البيبي القادم.
3-أنيميا الفول او الانميا المنجليه, ودى موجوده فى بعض العائلات.
4-العدوى قبل الولادة مثل داء القطط والحصبة الألمانية.
5-العدوى بعد الولادة مثل الالتهابات الرئويه والتسمم الدموى.
بعض التصرفات الخاطئة في علاج الصفراء
1-ايقاف الرضاعة الطبيعية: اوعى توقفى الرضاعه الطبيعى لأن الرضاعة من اول ساعة بعد الولادة بتساعد ان الجسم ينزل الصفراء.
2-وضع الطفل تحت لمبه نيون: واللي طبعا ملهاش أي لازمة و لا تمت بصله للعلاج الضوئي في الحضانة بالعكس لو الأضواء زياده ممكن يؤدي الى ارتفاع الحراره.
3-اديه ميه بسكر او عسل علشان الصفراء تروح: طبعا ده ممنوع لان الميه بسكر بتعمل عسر هضم و بتزود الصفراء.
امتى هيحتاج الطفل حجز بالحضانة ؟
ممكن يحتاج حجز فى الحضانه فى الحالات الاتيه:
-نسبة الصفراء مرتفعه حسب منحنيات الصفراء حسب العمر الرحمى والوزن.
-الصفراء تزيد بمعدل سريع.
-لو فيه تاريخ مرضى وحد من اخواته اتحجز في الحضانة بسبب ارتفاع الصفراء التكسيرية او احتاج تغيير دم بسبب الصفراء.
التشخيص المبكر مهم جدا لانه هيسرع العلاج والاهم ان للاسف الحالات المتقدمة من الصفراء ممكن تصيب الطفل بمشاكل في الجهاز العصبي





جدول نسبة الصفراء عند حديثى الولادة
عمر المولود |
لا يحتاج إلى حضانة |
يحتاج إلى حضانة |
يحتاج إلى نقل الدم |
يومان |
<12 ملجم |
12 ≤ ملجم |
19 ≤ ملجم |
ثلاثة أيام |
< 15ملجم |
15 ≤ ملجم |
24 ≤ ملجم |
أكثر من أربعة أيام |
<17 ملجم |
17 ≤ ملجم |
24 ≤ ملجم |
الملخص : لو الصفراء بسبب تكسير الدم… الرضاعة الصناعية مش هتحمي منها ولا تعالجها.
ولو الصفراء بسبب قلة الرضاعة .. يبقا الحل تحسين الرضاعة الطبيعية بسرعة والتعامل مع أي صعوبة تواجه الأم.. وليس التضحية بالرضاعة الطبيعية. يا رب نعرف قيمة نعمة الرضاعة الطبيعية.. ونقدر نحافظ عليها دمتم بكل خير وصحة وسلامة 




