نكت مضحكة

صور نكت مضحكة جداً هتموت من الضحك مع اكبر تشكيلة من قفشات اساحبي الجديدة

تشكيلة مميزة جداً من اجمل واقوي صور نكت مضحكة نقدمها لكم اليوم في هذا الموضوع من خلال موقع احلم ، حيث يسعدنا ان نقدم لكم يومياً بشكل مميز وجديد مجموعة جميلة من صور نكت مضحكة وقفشات كوميدية جداً وكوميكسات اساحبي جديدة لعام 2017 ، اضحك من قلبك مع اقوي صور نكت مضحكة وللمزيد من النكت يمكنكم زيارة قسم : نكت مضحكة .

نكت مصورة مضحكة جداً 

اتنين ماشيين في الشارع والدنيا بتمطر عدت عربية بسرعة غرقتهم ومشيت واحد قال للتاني : تعرف لو كان حصل معانا كدة في المهندسين كان السواق وقف وخدنا بيته وغيرلنا هدومنا وخلانا نبات عنده، وكان إدانا 100 دولار كمان واحنا ماشيين الصبح، التاني قاله لا يا راجل بتتكلم جد ؟ قاله : اه والله حصلت مع مراتي .

واحد مسطول شاف قطة اخدهها البيت لمراته وقالها شايفه القرد ؟ قالتله : دي قطة يا منيل، قالها : هو حد كلمك انا بكلم القطة .

محشش قاعد في الفصل كل شوية يضحك وفي الآخر ضحك ضحكة كبيرة جداً، الاستاذ قاله مالك يا ابني بتضحك علي ايه انت اتجننت ؟ قاله اصل عمال اقول لنفسي نكت بس الاخيرة دي جامدة جداً أول مرة اسمعها .

لو ده جنان اتجنن .. لو عملت حاجه وابوك طردك من البيت اخرج لف لفتين وارجع البيت تاني ولو هو اللي فتحلك اكيد هيقولك ايه اللي جابك قوله انا جاي أسالك سؤال ؟ ده بيت ابوك ولا بيت ابويا، هيقولك بيت ابوك .. قوله طيب اوعي كده لو سمحت لما يبقي بيت ابوك ابقي اطردني .

مدرسه فرنساوي بتسأل طالب فاشل نجمه يعني ايه ؟ الطالب اللي جنبه غششه وكتبله علي الديسك : ليتوال، الولد قالها نجمة يعني ليتوال، المدرسة اتصدمت جداً انه ازاى عرفها، قالتله طب حطها في جمله، قالها : ليتوال يقعدوا ورا والقصيرين قدام .

الزوج : هاتي السجادة عشان أصلي الضهر، الزوجة : الشرع بيقول صلاة الراجل في المسجد، الزوج : والشرع بردو بيقول مثني وثلاث ورباع ، الزوجة : افرش السجادة في الصالة ولا في الاوضة اخلص .

محشش كان بيحاول يولع عود كبريت، صاحبه قاله : يمكن بايظ ، قاله : بايظ ازاي يا عم ده انا لسه مولعه من شوية .

تخيلوا كدا الشرطة تبقي كلها بنات، الولد من دول يهرب منها تحط ايدها في جنبها والتانية ماسكة المايك وتقوله : اقف بقي بلاش رخامة .. ياختي كميلة .

لما كنا صغيرين واحنا بنعيط لما تنزل الدمعة ندوق طعمها، وبعدين نرجع نكمل عياط، يا اخي بحس ان موضوع الحشيش ده معانا من صغرنا .

لكل لاعبين المزرعة السعيدة والله لو مزرعة ابوك ما هتخليك فيها طول النهار كده .

لو الفيس اتقفل هنروح علي تويتر لو اتقفل بردو هنروح علي اليوتيوب لو اتقفل عادي ولا تفرق هنرجع للياهو، ولو قطعوا النت من مصر خالص هنلعب “X O ” بس بردو مش هذاكر .

انا من النوع اللي لو بحلم حلم حلو وصحيت قبل ما أكمل الحلم، بعمل نفسي نايم وبألف الباقي من دماغي .

واحد محشش سأل بياع الخضار عندك فاصوليا خصرا قاله لأ، قاله طب في ألوان ايه ؟

محشش ابوه مات وكان عمال يعيط عليه، جاله تليفون وبعد ما خلص قعد يعيط اكتر، الناس اتخضت وقالوله مالك مين كان بيكلمك، قالهم دي اختي ابوها كمان مات .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى