شعر سوداني قصير مكتوب باللهجة السودانية المحبوبة ، اجمل قصائد شعر سوداني قصير مختارة بعناية لاشهر الشعراء السودانيين ، قصائد متنوعة وجميلة مكتوبة في العديد من الموضوعات والاغراض التي تهم كل الاشخاص من محبي الشعر العربي بشكل عام والشعر السوداني بشكل خاص ، خاصة ان اللهجة السودانية تتمتع بالعديد من المميزات التي تجعلها من اجمل اللهجات لكتابة الشعر ، شعر سوداني قصير ممتع ورائع نقدمه لكم الآن في هذا المقال عبر موقع احلم .
اللهجة السودانية:
خصائصها:
أقرب إلى اللهجة الحجازية: من ناحية النطق والقواعد.
نطق حرف القاف: كحرف G في اللغة الإنجليزية.
استعارة بعض الكلمات: من اللغات النوبية.
تستخدم في جميع أنحاء السودان: وتعتبر رابطًا بين الأهالي.
تُعرف بين المجموعات غير العربية في الجنوب بلهجة جوبا أو عربي جوبا.
من أكبر اللهجات العربية المتكلم بها حاليًا: ويتحدث بها في عدة دول مجاورة.
غنية بالمفردات: وتعكس ثقافة وحضارة السودان.
تتميز بالطلاقة والسلاسة: وسهولة النطق.
تتميز بالتنوع: حيث تختلف اللهجة من منطقة إلى أخرى.
تتميز بالجمال والإبداع: وتستخدم في العديد من الأعمال الأدبية والفنية.
شعر سوداني قصير
بعض الأمثلة على الشعر السوداني القصير:
1. من قصيدة “الأرض السوداء” للشاعر محمد المهدي المجذوب:
يا أرض السوداءِ يا حبيبةَ قلبي
يا أمّ أجدادي يا أمّ أحفادي
يا مهدَ حضارةٍ عريقةٍ خالدةٍ
يا رمزَ كرامةٍ وعزٍّ وشموخ
الدنيا: هي الحياة الدنيا، وهي ما نعيشه من تجارب ومواقف وأحداث. الدنيا دار فانية: أي أنها ليست دائمة، وأنها ستنتهي يومًا ما. الدنيا دار اختبار: أي أنها مكان نختبر فيه إيماننا وصبرنا وتقوانا. الدنيا دار عمل: أي أنها مكان نعمل فيه ونُجاهد من أجل تحقيق أهدافنا. الدنيا دار عبور: أي أنها مكان نمر فيه إلى الحياة الآخرة. الدنيا دار ابتلاء: أي أنها مليئة بالتجارب والمصاعب التي يجب علينا الصبر عليها.
وبراكي شايفة الدنيا كيف
يوماتي ما بتدي الأمل
عارف قسى الزمن البمر
نظرة صحااااابك والأهل
انا جد وعدتك بالسرور
لسااااااتو ما حان الأجل
خليكي داعية معاي دوام
نتلمة مهما الضيق يظل
..
آه يا ظروفي القاسية ريت
لو بس تحني وتنصفي
ما بحمل الاسى في عيون
محبوبتي ريتك تعرفي
عايزك تجاوبي فد سؤال
ضيع الأماني بتعرفي !!
قبال تجاوبي علي برااااك
ختيها نفسك موقفي
..
انا ما قنعت من الغرام
دام لسه وعدي فرح كبير
عمرا الفصول ما بتبقى صبف
بيطل غمام بعد الهجير
خليكي في طيبتك دوام
صفو الدواخل والضمير
ماني البجافي وافوت في يوم
ما دام قليبك لي سمير
..
ايدك في ايدي على الظروف
القااااااسية والهم البزيد
نحمل غناوينا .. الفرح
للوجعة نرمي اكيد بعيد
افراحنا ما افراح تزول
يوماتي نحفل ( كانو ) عيد
مبسوطة روحك بي دوام
وانا ذاتي بي عشقك سعيد
شعر سوداني غزل
الحب والغزل: الحبّ: شعورٌ عميقٌ يجمع بين شخصين، يُعبّر عن مشاعر الودّ والتعلق والارتباط. الغزل: فنٌّ من فنون الأدب، يُعبّر عن مشاعر الحبّ والعشق والجمال. الحبّ والغزل: مشاعرٌ إنسانيةٌ جميلةٌ تُعبّر عن جمالِ الحياةِ وقيمتِها.
بشوف في شخصك أحلامي
ودنيا تفيض بأنغامي
وسحر الدنيا في عيونك يبعد عني أوهامي
بشوف الكون جميل وبديع
مر أيامي يبقى ربيع
احب الدنيا لي حبك
ويسعد حبك أيامي
رياض وزهور على خديك
بديعة بتخلب الأنظار
تزيد فوق الجمال الفيك
معالم كلها اسرار
تخلي الدنيا في عيوني
جمال وكمال بيتجدد
أمل بسام بيحدوني
اغني اليك واتودد
ولحني الغالي اهدي اليك
وانبت للوجود أزهار
ياحبيبتي الدنيا ما احلاها
بديعة وحلوة بين ايديك
فهل أيامي تنساها
إذا ما غبت عن عينيك
هويتك صرت ولهانك
عشقت الدنيا دي علشانك
كتير جددت ذكراها
كتير كتير كتير
انا ذي جمالك م لقيت
ذي عيونك انتي مافي
وانتي ايات من محاسن
ولا احرف من قوافي
انا قلبي مخلص ليك ديمة
واصلو م بعرف بجافي
انا عايز اعيش واتهني بيكي
ومافي قسمة زول خلافي
نحن الدروب شقينا تيها
وجينا من ابعد مرافي
قصدنا الحنية منك
والرجوع بعد التجافي
وخلي قلبك يبقي طيب
ذي قلبي العمرو وافي
وتبقي باقي الفرحة تمت
ومن جديد يخضر جفافي
شعر سوداني راقي
جاي راجع الا خايف
اني م اقبل رجوعك
جاي لي بعذر زائف
شان تبين لي خضوعك
م بتفيدك كلمه أسف
قبل كم عاملت نوعك
جيت ترجع ريدي تاني
وقلبي من الريده صدا
جيت تفّتح لي جرحآ
اتقفل طاب ليهو مدا
عايز اقولك ي حنيين
قلبي بابك ليهو سدا
تاني م تأمل رجوعك
الغرام البينا عدا
محمد النائب
لافي زول قرانا مره
لافي زول راجع معانه ..
كنا نتعب ونشقي نحنا
*كلو شان ننجح برانا* ..!!
الفطور بي كسره بايته
ومويه حاره مع السخانه ..
وبرضو نحترم المعلم
*وليهو في الوجدان مكانه* ..!!
المعلم كان مربي
وكان بدرس بي امانه ..
كان نزوغ ساعة نشوفو
*في الفريق لويوم غشانا* ..!!
لافي مدرسه خاصه اصلا
لافي ترحيل لاإعانه ..
كنا دايمآ في الاوائل
*رغم اتعابنا وشقانا* ..!!
كان طوابير الصباح
فيها انشادنا وغنانا ..
كنا نحترم الكبير
*والصغير نديو مكانه* ..!!
ياحليلك يازمان
وياحليل ايام صبانا ..
كنا بنحش لي غنمنا
*وندي غنم الناس معانه* ..!!
ولما نلعب كنا نلعب
وكلو زول يسمع صدانا ..
الكبير في الحله والي
*واي زول تلقي احتوانا* ..!!
النهار نمشي الجناين
نمشي نخرت برتكانه ..
والعصير في الحله نلعب
*لوغريب من بره جانا* ..!!
هسه راحت كل حاجه
والنفوس صبحت ملانه ..
ياحليل تعليم زمان
*هسع التعليم اهانه* ..!!
اما تدفع ولا تمرق
والضعيف ماعندو خانه ..
غايتو ربك هسا يستر
*التقول قدر الله جانا* ..!!
إلا هسه الدنيا خربت
*وماشي راجع مستوانا* ..!!
شعر سوداني فخر
جرح النهاية
يعني يوم لو كنت شاعر
واندمجت مع القصايد
والمناحات القديمة
وبعد غيبة
جاني خاطر الحرف عايد
وقلت أكتب كم حكاية
عن الهزايم والصمود
ورحلة الطفلة الحكيمة
حتى لو من دون نهاية
ما النهايات جرح نازف
والبدايات لحن عازف
والمنتصف؟
فوبيا ومآسي
وبرضو خليك ديمة عارف
انو نحن سراب بيمشي
وانو قلم العودة ناشف
والقصايد يوم بتبكي
وتزرف الدمعات سخية
توجّع الشاعر المعاند
والمكابر
ترميهو في بحور من أذية
وتتلفت باسمة وتغادر…
أو كنت يوم رسام مبجل
وكانت اللوحات حداي
زي حبيبات في المواجع
وكنت برسم في المشاعر
كان مسرّات كان فواجع
رسمعت شكل الغصة شوكة
ورسمت من الحب منابر
رسمت من زغرودة ثورة
جيل مكابر
ورسمت أصوات الهتافات
والنشيد
رسمت كم كمين شهيد
ورسمت ضحكات زي بوادر
وقمت يوم جبت المراية
وابتديت ابكي وأعاين
والريشة تلعب في الدفاتر
وما حصدت سوى الشخابيط
في النهايات والأواخر
ما النهايات جرح نازف…
هذه مجرد أمثلة قليلة، وللشعر السوداني تاريخٌ غنيٌّ وطويلٌ ، اخبرنا الآن من خلال التعليقات عن اجمل قصائد شعر سوداني قصير نالت اعجابك في هذا الموضوع ولا تنسي ايضاً ان تشاركنا ببيت الشعر المفضل لديك من قصائد الشعر السوداني والشعر العربي بشكل عام ، سوف تجد في موقعنا مئات الموضوعات عن الشعر العربي اذا كنت من محبي قراءة وكتابة الاشعار والقصائد الجميلة في مختلف المجالات واغراض الشعر، نتمني لك دائماً قضاء وقت ممتع ومسلي برفقتنا .
