نكت مصرية

10 نكت مضحكة جداً جداً جداً تموت من الضحك مصرية روعة

نكت مضحكة جدا جدا جدا تموت من الضحك مصرية

الشعب المصري زي ما بيتقال شعب ابن نكتة، من زمان معروف عن الشعب المصري إنه بيحب النكت، حياته كلها عبارة عن نكتة، النكتة بتخرجوا من جو الكآبة والزعل والحزن لجو أجمل وأحلى جو الفرح والضحك والابتسامة، ومش الشعب المصري بس الشعوب العربية كلها بتحب النكتة واحنا انهاردة موضوعنا غير أي موضوع، فيلا جهز نفسك عشان تقرأ أحسن وأجمل نكت مصرية ممكن تقرأها في حياتك.

فيسعدنا أن نقدم لكل متابعينا الكرام 10 نكت مضحكة جداً جداً جداً تموت من الضحك مصرية روعة، هتلاقوا مجموعة كبيرة من النكت المصرية اللي بنتمنى إنها تعجبكم وتشاركوها مع صحابكم ومعارفكم وترسموا الضحكة والفرح على وشوشهم، فهل أنتم مستعدون لقراءة أجمل نكت مصرية؟ ماشي يلا بينا.

نكت مضحكة جداً:

اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا، فقلعوا الهدوم وقعدوا يزقوا فى العمارة يزقوا، جه واحد من وراهم وسرق الهدوم، فواحد منهم بص ورا ملقاش الهدوم فقال له كفاية كدة احنا بعدنا اوى

تايه بيسأل واحد ماشى فى الشارع اية اسرع طريق اروح بيه للمستشفى؟ قالوة غمض عينك وعدى الشارع

وحدة غبية يوم فرحها اهلها قالولها فى خبر مش حلو فالتلهم قولوا بسرعة ماتوقفوش قلبى قالولها العريس عمل حادثة ومات قالتلهم خضتونى كنت فاكرة الفرح اتأجل

مرة واحد غبي راح يخطب فوالد العروسة بيقولة احنا عايزين مهر عشرين الف جنية قام الغبي قاله ليه دا انا قدامي واحدة على خمس تلاف وحامل.

واحد بيقول لصاحبه هوانا لما ابوس اختك نبقى نسايب قاله لأ نبقى خالصين .

سواق ماشى ع الطريق واحد لابس احمر فى احمر شاور له فوقف السواق وقاله انت مين وعايز اية قالة انا الفرفور الاحمر وعايز توصلنى فقالة لا مبوصلش فرافير ومشى وسابة شوية لقى واحد لابس اصفر فى اصفر وبيشاورلة فوقف وقالة انت مين وعايز اية قالة انا الفرفور الاصفر وعايزك توصلنى فقالة لا مبركبش فرافير ومشى وسابة شوية وقابلة واحد لابس اخضر فى اخضر عمل معاة نفس الحكاية ف السواق سابة ومشى شو ية كمان كدة ولقى واحد لابس ابيض فى ابيض بيشاورلة ف السواق وقف وقالة يا ترى انت بقى الفرفور الابيض فقالة الراجل فرفور اية رخصك يا روح امك

نكت صعايدة:

مره واحد صعيدى سافر مصر إتسرقت المحفظه بتاعته بلغ عنها
فقال له الظابط حاضر حجيبهالك من تحت الأرض طلع الصعيدى بره
لقى الناس بتحفر لخط المترو فقال لهم الهمه يارجاله هى سوده وفيها سوسته

مرة صعيدي طلعله عفريت علاء الدين وقال له شبيك لبيك خدامك بين ايديك
قال له: عايز كوبري من الصعيد الى نيويورك
قال له: مستحيل شوف طلب غيره
قاله طيب خلي الصعايدة يفهموا
فكر شويه وقال له عايز الكوبري اتجاه واحد ولا اتجاهين؟

صعيدى أخذ شهادة دكتوراه فقال لزوجته والله ماخبرشى ليه الناس بيضحكوا على الصعايدة أدينى جبت الدكتوراه.
فقالت له زوجته: دق على الخشب عشان العين. فدق على الخشب. فقالت الزوجه مين على الباب؟ فقال الزوج: خليكي انا حاشوف مين

صعيدى دخل راسه فى قفص الاسد الحارس قاله انت بتعمل ايه يا بويا قاله يا عم ما تخافش واحنا هناكله .

نكت مصرية قصيرة:

واحد ندل بيعلم اولادة الندالة وهو بيموت قالهم الندالة ثم الندالة ثم الندالة مات رموه من الشباك

سودانية لبست فستان أحمر وقالت لزوجها دلعني . .قال لها: يا فحم يا مولع !!

عصبي ضربته شمس جمع شلته.

مره واحده أسمها همسه قابلت واحده صاحبتها بقو سته

مره واحد عداه العيب خد الي بعده هق

مرة كمسري أبوه مات ماشى في الجنازة يقول يا حضرات الجنازة فاضية آدام

مرة واحد راح يعمل عملية سطو مسلح قام صام قبلها بست ساعات

مره مذيعه عملت عمليه شالولها فقره وحطوا برنامج

واحد منحوس خبطته عربية ومات فروحه طلعت خبطتها طيارة

مرة دكتور تحليل امة ماتت قال تحاليلي ياما

لهنا احنا وصلنا لنهاية الموضوع اللي اتكلمنا فيه عن 10 نكت مضحكة جداً جداً جداً تموت من الضحك مصرية روعة، وقدمنالكم من خلال الموضوع ده مجموعة كبيرة من أحلى وأجمل النكت المصرية، على أمل إننا نكون وصلنا فيها رسالتنا اللي هيا رسم الضحكة والفرح على كل وجوه متابعينا الكرام متابعي موقع احلم، لو عايز تقرأ نكت أكتر فهتلاقي في قسم النكت على موقع احلم أحلى وأجمل نكت ممكن تقرأها في حياتك.

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق