شعر

قصائد خلف بن هذال اكحل عدوك

خلف بن هذال شاعر سعودي من مواليد 3 يوليو 1943 م في بلدة ساجر بالمملكة العربية السعودية. يعتبر من أشهر الشعراء في الخليج العربي. اشتهر بن هذال بقصائده الوطنية. وقصائده الغزلية وقصائده الحماسية التي ألقاها خلال حرب الخليج الثانية. كما نال شهرة واسعة لمساهماته في مهرجان الجنادرية السنوي وموسم الحج في منى.

معلومات عن خلف بن هذال:

نشأته:

ولد خلف بن هذال بن سمران الحافي الروقي العتيبي في 3 يوليو 1943م في بلدة ساجر بالمملكة العربية السعودية.
توفي والده وهو في الثامنة من عمره عام 1951م، فنشأ طفلاً يتيم الأب.
كان شاعراً وهو في العاشرة من العمر، وأول قصيدة كتبها كانت وهو في الثالثة عشرة من عمره.

حياته الشخصية:

تزوج من جهيمان العتيبي. له عدد من الأبناء أكبرهم هذال الذي يحمل الدكتوراه، ومتعب، وفيصل، ونايف، ومحمد وسمران ومرزوق. وله ثلاث من البنات. أبناؤه الشعراء هم: هذال ومتعب وفيصل.

إنجازاته:

يُعد من أشهر الشعراء على المستوى الخليجي.
لُقّب بشاعر الوطن وشاعر الخليج وشاعر الملوك.
عرف بقصائده الحماسية أثناء معارك تحرير الكويت في حرب الخليج الثانية.
شارك في العديد من المناسبات الوطنية والثقافية، مثل مهرجان الجنادرية وموسم الحج في منى.
نال العديد من الجوائز خلال مسيرته المهنية، بما في ذلك وسام الملك عبد العزيز من الدرجة الأولى عام 2017.

مقتطفات من قصائده:

من قصيدة “هلي بعيد وذقت هجر وعواقيب”:
هلي بعيد وذقت هجر وعواقيب
وجيت أدور العذر من غير ما عذر

من قصيدة “تلاوعني الفرقة وأنا ما أقبل اللوعة”:
تلاوعني الفرقة وأنا ما أقبل اللوعة
ولا هِنّتْ روحي على البين والهمّ

من قصيدة “قالوا توادع قلت يا صعب الوداع”:
قالوا توادع قلت يا صعب الوداع
كيف الوداع وقلبي معكم يروح

قصيدة قالوا توادع

قالوا توادع قلت يا صعب الوداع
وشلون أوداع من معه قلبي وديع
قلبي معه والسر من فرقاه ضاع
صحيح من يفقد زمام أمره يضيع
أليا ذكرت الخد والسود الوساع
تسابقت غارات عبارتي جميع
اصبر على الهجران قدر المستطاع
احمل همومي للخلا واشري وأبيع
أبيع شي بالجواهر ما يباع
بعته رخيص وضاق أمامي كل ذيع
بين الرجا واليأس يشتد النزاع
بعده دهر ومشاهده عندي ربيع
تستدرج الأيام مفتول الذراع
من حيث لا يعلم وترميه بالسريع

قصيدة جعل السحاب

جعل السحاب اللي معه برق ورعود
يمطر على دار وليفي سكنها
يسقي وطن منتوقة العنق ياسعود
مالي وطن بالعارض الا وطنها
قلبي غدا واستيسره لين العود
محد يفك القلب ياسعود منها
ساطي وفي كفه جديحه وبارود
وادخل يده بين الضلوع ودفنها
بيني وبينه وصل واسرار وعهود
مصيونة ماتدري الناس عنها
في كل عام يزود حبه بعد زود
اقفى بروحي والتوى في رسنها
اموت بين الخد وعيونه السود
وحواجب ربي بملحه قرنها
وشعر بدهن الورد والمسك مكدود
جديلة تضمني واحتضنها
ليل جمعني به عسى ليت ويعود
يبعد عن النفس الحزينة حزنها

قصائد خلف بن هذال تويتر

يقطعك يا حب توقف على ماش
ومن حب حلوين المظاهر بلاشي
اللي يبيعون المحبين ببلاش
حلوين الألسن والقلوب الغشاشي
العرق لو قصر على المي ماعاش
والشمس لو تغرب على الكون عاشي
تفخر بزينك يوم تجفل وتنحاش
ماتدري اني منك قانع وماشي
من اول عيني ترفرف بالارماش
جفن غطا والجفن الاخر فراشي
مطوع لك قلب ابيض من الشاش
ومستدخلك بين القلوب الهشاشي
واليوم أبنقش سر حبك بمنقاش
الله ولا حب سعى فيه واشي

قصيدة الذود يا هذال

هذال يرعى بالإبل يا ضنينه
يرجى وصاتك يا وفى المقاله
الذود ياهذال يصخم حنينه
ما بين شبك وبين قصر وجماله
الفاطر العوجا عليها غبينه
إن رجعن للحوش جبن ونذاله
وأم الحوير عندي اليوم شينه
رد الحوار وفك عنها الشماله
ابلك يا بوهذال زايد حنينه
ويابس الصحرا أبد ما حلاله
ان عاش راسي يالحيا تاصلينه
وتبد لين السر قفر بداله
يا زين شوف العشب الأخضر يازينه
قبل شهر شعبان ينقز هلاله
أبي أربي ابل والحل برحال
علم صغير جاهل بالبراري
اجمع من البل عشر تصير وبال
واخبر فحلها مع جنبها يباري
البل لها في مهجة القلب منزال
منايح القصار سفن الصحاري
بشتري ناقتك مير نزلها المزاد
إن تبي فيا ذهب وفلوس خذ مردوفها
ناقتي ما تدخل السوق لو زاد المزاد
لو هل الربطات جتني تشيل ألوفها
لو يصبون الذهب صب وامهار تقاد
ما ارخص البل واختيار النفوس اشفوفها

قصائد خلف بن هذال اكحل عدوك

 

اكحل عدوِّك لين تعمى عيونه

البس له أغلى اللبس لو كنت جايع

وكان صدى البيت من الشعراء:

من يفعل المعروف ربي بِعُونه

حتى ولو فعله بجاحد صنايع

يبذل ولو في حظّ من لا يبُونه

طيب الفتى بالنّاس ماهوبِ ضَايع

لو قلّد الإنسان من يبغضونه

بالدّون صار النّقْص بالناس شايع

الطّيب سلعه عزّ من يشترونه

ما بارِ لو بارت جميع البضايع

ناصر جمعان آل عوض – وادي الدواسر

كلام بن هذال لا ترخصونه

شاعر وطنا دايم القول رايع

آمن عدوك بعد ما يدفنونه

من تحت لحدن فوقه الطين مايع

لا تامنه لو ناس جو يمدحونه

لو قيل يصنع من جميل الصنايع

لا ينظرك في هم ولا مهونه

لو كان لاغلى شي من الدار بايع

محمد عبدالله الشهري _ جبل اثرب

اوطى عليه لين تكشر سنونه

ويشوف نجوم القايله وقول رايع

دامه عدوك ماله غير المهونه

هذا جزاء اللي كان لبليس طايع

الناس تعرف الخطاء من لحونه

يبقى بهم بين شاري وبايع

صالح محمد محارب البشري

طنش عدوك لين تخلف ظنونه

مهما بقينا تدري إنا ودايع

ترى العدو كذاب لا تامنونه

كم ناس راحو للاعادي قلايع

انذار من سوق العدى لا تجونه

فى سوقهم لاتصير شاري وبايع

هذا عدو لازم تخيب ضنونه

لا تنشده لو كنت تايه وضايع

سعد صنهات السهلي – الدرعية

هذا ومثيله واجبن تقهرونه

وهذا غشيم وقلت انا اليوم سايع

وهذي نفوسن مالها الا الممهونه

من طاوع الدنيا ترى اليوم ضايع

الخير واجد يابشر تعرفونه

واللي سعى له قلت انا اليوم رائع

محمد بن عبد العزيز الخنيفر – أشيقر

اكحل عيونه لين يشكي طعونه

ويضيع حقه بين شاري وبايع

وبعد النصيحه سكر الباب دونه

ضايع ومثل شرواه الفين ضايع

وبوك راس طويق ماتقدرونه

احرار نجد اللي تهوم الرفايع

وادي الرمه سيله تعدا ركونه

وحديدة البكلين شفها قطايع

شجعان بن سعود – الرياض

ايامك الحلوة تهيا بدونه

منتاب ملزوم بشين الطبايع

ما يعرف المبدا ولا هو يصونه

لو تنصحه للنصح ما هوب طايع

والقرب من شين السجايا مهونة

من رافق الانذال سموه ضايع

علي الرشيد- رياض الخبراء

خبيث نفس وخايبات ضنونه

ويضحك بسنه والبلافيه شايع

الى اعتدى صده وردالمهونه

وخله يشوف من العناء واللوايع

مثله منافق وارماتن متونه

عساه في دنياه صايع وضايع

ويبلاه بالي ثم يظهرجنونه

ياليت جنسه تقتفيه الفجايع

حمد عبدالله الوايلي -حوطة سدير

جابه عدوك لين تعمي عيونه

ولا تبين جوع لو انت جايع

ولا تنزل نفسكم للمهونه

خلك جبل ثابت حميد الطبائع

فن التجاهل فن مامثل لونه

ولا تضيع ايامك مع كل ضايع

لقب خلف بن هذال بعدة ألقاب منها: شاعر الوطن وشاعر الخليج وشاعر الملوك. نال العديد من الجوائز خلال مسيرته المهنية ، بما في ذلك وسام الملك عبد العزيز من الدرجة الأولى عام 2017. تُوفي خلف بن هذال في 27 سبتمبر 2023 عن عمر يناهز 80 عامًا. بعد صراع طويل مع المرض. وفاته خسارة كبيرة للساحة الشعرية العربية.

اترك تعليقاً

زر الذهاب إلى الأعلى