شعر

شعر عراقي شعبي متنوع اشعار حب وغزل واشعار حزينة عن فراق الاهل والاحبة

يغلب علي قصائد وابيات شعر عراقي شعبي طابع الحزن والألم، حيث يحتوي علي الكلمات الحزينة والآهات والآلم لفراق الاحبة أو البعد عنهم، ويستعمل الشعر الحزين في الكثير من الاغاني والمواويل العراقية الرائعة التي تغني باللهجة العامية العراقية، فعلي سبيل المثال تكثر المواويل الحزينة التي تتحدث عن فقدان الأهل والاحباب او الغربة، فعندما تستمع إلي قصائد شعر عراقي شعبي حزين لا تتمالك نفسك وتجهش بالبكاء وهذا هو سر جمال وروعة الشعر العراقي الحزين .. وقد جمعنا لكم في هذا الموضوع من خلال موقع احلم تشكيلة جديدة ومميزة جداً من اجمل شعر عراقي شعبي متنوعة نضعها بين أيديكم ونتمني أن تنال إعجابكم وتستمعوا بقراءتها من قسم : شعر .. وللمزيد من شعر عراقي شعبي تابعونا يومياً من خلال موضوعاتنا المتجددة حيث نهتم دائماً بتقديم اجمل قصائد الشعر العربي علي مر العصور قديماً وحديثاً لعشاق الشعر .

شعر عراقي
شعر عراقي

قصائد شعر عراقية متنوعة

راح اعرض عيوني اليوم للبيع
وابيع بنص سعر لليشتريها
بعد فرگاك ما أحتاج العيون
عين الما تشوفك شلّي بيها

احبك واعترف

احبك واعترف بس عفتك تروح
مو صوجي ولكن صوج شخصيتي
ماتقبل تذلني كبال هذا وذاك
مو شغلة تكبر هاي تربيتي

ياخذني قطار الليل ترچيه
و أطيح بسچه زلوفك
اليحرگ بابكم مو ريح
روحي متانيه تشوفك
شحلات النوم و طيوفك

اوداعتك كلّك نسيتك
اِلّا بلبل ضال من صوتك بروحي
من أسمعنّه بصفنتي
كل شي بيّه آيكَول آجيتك

اشعار عراقية قصيرة
اشعار عراقية قصيرة

مشتاگلك
تندلني ماتندلني
يا بعد ذنيچ السنين وذني
هو آني عمري امعلگ ابدربڪ خيط
وابڪيفڪ تزغرني وتڪبرني

حتى الطيف وحشه بلا ضوه عيونك
يما تدري افز مثل المسودن
من يذكرونك
يمته وياي يلگونك

صحيح بعيد بس گلبي شعر بيك
حزين وباقي بس يكتب شعربيك
عجيبه شلون ظل اسود شعر بيك
وانا بفرگاك ماظل شعر بيه

المهرة الاصيلة تريد خيال
وانتة خيالك مال وصرف
شما علت النخلة تحتاج للماي
وهاي الشغلة ما بيهه نختلف

عاهدتني الا تميل عن الهوي
عاهدتني الا تميل عن الهوي

مقتطفات رومانسية رائعة

ترس روحي الضباب وبينت وياك
كلي بروحك امشي وجرحي ما شفته
انه بالنسمة أعثر وانت قيس الحال
مو جدمي وراك خيالي ما شلته
وأجي بواهس عذر وحروفي مني تطيح
واتبده اعلى وجهك مستحى وسكته
وأنخل غير وجهك واليطيح تراب
وانكتهم واهزهم بس تظل انته
رمح فركاك إجاني مسابك ويا الريح
ماقصرت تسلم بالنفس جبته
بس المحترك يفهم حجي الدخان
ويعرف حرورته ويفهم سبب علته
مثل عاشك بغربة ومره وكت غروب
يفرفح من يمر طاري الهوا يموته

صير على جفني كحل
حليني بين السمر تعبني ذرف الدّمع
بس ما طفالي الجمر بركان في داخلي
ويا خوفي لا ينفجر شو مأخرك ما تجي
ما ظل إلك كل عذر
أهلال جرحك كمل أي كمل وأصبح بدر
صدكني حيل اتعبت حبّك عسر مو يسر
اترجيت وتوسّلت بيك شكثر وشكثر
ما فاد بيك الرجه وجبرتني لهل أمر
ما بعد أضلن شهد خلّيك منّي حذر
واحجيها لا تستحي كول أنت طبعك

عيوني من السهر مالت وسالت
وعليه احباب مانشدت وسالت
الف دمعه الجرت مني وسالت
ولا دمعه الجرت منكم عليه

اشما تمر سنين وتمر ليالي
باقي انته بالدلال الغالي غالي
حسـره إلك بالدلال ظـلـت لما أمـــــــــــــوت
ماتدري حقها الناس إصوابي بسكـــــــــــوت
كل مره اكول انساك بس مو بديه
ارجع واضل اهواك غصبن عليه

خواطر ابن الفارض
خواطر ابن الفارض

أشعار عراقية ولا اروع

اظل وياك لاخر هزه ما طيح وادور اشما درت بينه يغربيل
اطيح اشلون خلها الريح تندار اظل وياك تالي الليل لليل
لان مثل الشلب والماي والطين بعشكنه اشكد حجوا كالوا مخابيل
يبرحي ويا رطب غايص يكنطار عليك احتامت وياي الهناديل
يحذاف وكطه صافن عليك هواي اجيب منين حيل وهدني الحيل
اخاف عليك من ذوله اليعشكون لون صادوك بحلوك المحاجيل
اون عليك ونة حمد ملهوف يكل للريل صيح وياي ياريل
مثل دكات هاون كلبي اعليك يهَيل الما يمل لو شمك الهيل
خذت ولفي وكل للوين لا وين ونه العندي خيال يسابك الخيل
الاكيك بدرب ما حسبت بيه على جروف المحبه اشتل مواويل

عل كيفــــك علي من تشمر الكلمات

اذوبن لايغـــــــــــــرك مظهري وشكلي

من كبريت كلبي مو حديـــــــــــد اشبيك

بس ادكلي احبك اشتعل كلــــي

كون بلا حجي نتكابل اني وياك
بعيوني السوالف كلهن اشرحهن
واسولفلك عليك شكد اسولف بيك
كبل لا جنت اعرفك بيه اسولفهن
سواليفك حفظ ماتنكتب باقلام
على خطوط الجفن برموشي كاتبهن
كبل يومين اعرفك مو كبل سنتين
وكبل سنتين جن عيونك اعرفهن
سامع بالسوالف تنحجه وتنكال
بس بيك السوالف سكتة سامعهن

اجمل قصائد شعر عراقي شعبي روعه بجد ، ابيات شعر متنوعة بعضها عن الحب والغرام والاشتياق للحبيب، وبعضها الآخر من الشعر العراقي الحزين الذي يتحدث عن فراق الاهل والاحبة والموت والغربة عن الديار، قصائد جميلة ومتنوعة من الشعر العراقي لا تفوتكم .

ولقراءة المزيد من اجمل الاشعار العراقية : شعر عراقي حزين عن الحب .

ولقراءة قصائد شعر عراقية رومانسية : شعر شعبي عراقي عن الحب قصيراشعار عراقيه عن الحب .

ولمحبي الاشعار العراقية الحزينة : اشعار عراقية حزينة عن العتاباشعار عراقية عن الفراق .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى