شعر

شعر شعبي عراقي قصير همسات من قصائد الشعراء العراقيين روعه

يغلب علي الشعر العراقي طابع الحزن والألم، حيث يحتوي علي الآهات واللوعة والكلمات الحزينة والمشاعر المؤلمة، وربما يكون السبب وراء ذلك هي كثرة المآسي التي مر بها الشعب العراقي من حروب وظلم وغيرها سواء كان ذلك في العصر القديم أو الحديث حيث جرت علي أرض العراق العديد من الويلات العظيمة التي جعلت الحزن يخيم علي طابع الشعر العراقي .. وكثيراً ما يتم استخدام الشعر العراقي الحزين في الاغاني العراقية باللهجة العامية، او المواميل الحزينة التي تتغني بفقدان الأهل والاحبة .. وسوف نتناول معكم في هذا الموضوع من خلال موقع احلم مقتطفات رائعة ومميزة جداً من ابيات شعر شعبي عراقي قصير جميل ومميز ومتنوع .. اجمل ابيات شعر شعبي عراقي قصير استمتعوا بقراءتها الآن من قسم : شعر .

شعر عراقي روعه 

وين جنتي؟
وليش متأخره علي كل هالسنين؟
وليش ماطيفج اجه او فزز صفنتي؟
وين جنتي؟
كبل تسع سنين مريتي اعله عيني وما وكفتي
ليش من دك الجرس ما صارن عيونج فرصتي؟
ليش
ليش يا اول درس يفترض كنتي؟
ليش من كف العمر هساع ضهرتي؟
وين جنتي؟

هيج چنك
گمره وعيون النجوم يغازلنك
هيج چنك
مطره وعيون السنابل ينطرنك
شحچي عنك
سالفه
گون السوالف يوسعنك
ياعطر شمه الورد وتناسه روحه
وراح ينشد ياورد إلي حونك
وماحونك
شحچي عنك
وأنت برحي وانه حنظل
وأنت جنة وانه مشعل
وأنه شايب وأنت بلعشرين سنك
غاد منك
هيچ كون الروح تسگن … غاد منك
تغفه بحضان الكلام اليطره عنك
شحچي عنك

تزعل النومه بـ يوم ازعلي انسآن
و يظل ضميري المآ غفه ايأنبني
و يجرني من ايدي الخجل نص الليل
لحد الصبح يم الـ إمزعله ايذبني
شگد حلوه من اتمر صديق اترآضيه
يظل يحچي بيك افلآن حيل ايحبني
هيچ آني جآيب عمري ويه الصدقآن
مآ هدمت عشره و جبت عمري أبني
متأكد آني و طبعي عدهم محبوب
لآ خيبت وآحد و لآ امخيبني !!
ماحآچي عـ السووني مثل النيشآن
يضوج الخطآني و يفرح الصوبني
بـ قآموسي ذول النآس مآ محسوبين
ويه الوفي الجربته و الجربني

أكتبلك شعر بس بحلات الليل
ورسم صورتك بحروفك الحلوة
تفزعلك قوافي بريحة الهيل
وفزعلك عمر ويروحلك فدوة
أحبك لا اريد بعشگك الويل
أحب حبك عواصف وبيه أتلوة
شنو يعني حب وما يهد الحيل
حب تالي وكت وكلشي مايسوة
أريد بعنفوان أحساسك أشيل
وتتحمل عذاب وبرده تتجوة
هذا الحب يستاهل ركوب الخيل
وبصحراء عمري نعشك البلوة

ماطول الدرب مگطوع ..
والوادم خذاها الليل
نعتب ليش ونتاني
اليغيب بلاعذر ، معذور
لاگيله وطن ثاني

تزعل مني و لـ وَحيدهه اتنآم
بس تسمع رعيد تطب للاحضآن
تحضني أبتسم أعرفهه من خوف
اگلهه اشـ جآبچ اتگلي انتَ زعلآن
اذا امدح غصن گدآمهه اتغآر
رقيقه و طفوليه لـ حد الإدمآن
ترآقب شفتي منين اشرب المآي
تجي تشرب ورآي بـ نفس الـ إمچآن

واحد يتقدم ع الثاني
محد من عدنة يمد ايدة
ومانعرف شنهو يخوفنة ؟
بلكت فاعل خير يجرب
واحد ع الثاني يعرفنة
كالو متكبر كلتلهم
لا حباب وخوش انسان
من ميسلم مو متكبر بس خجلان
ومن يزعلونة يصير احلة
وكمت اتمنة يضل زعلان
جي بعيونة
لو فات يسلم يومية
كمت انغث من يغطيهن
بالنضارات الشمسية
صحباني انصدمو بافعالي
كايم ما اهتم بالماضي
وماينزل دمعي اعلة غنية
سالوني شبيك وكلتلهم
احلة احساس الما يتوصف
ماريد اعرف شنهو البية
مايدرونة شكد شفاف
ومحبوب وصاحب شخصية
شفتة وجني بنص الجنة
وكمت هواي اشياء اتمنة
اتمنة يطخ جتفي بجتفة
وتوكع كل اوراقة من ايدة
ونلمهن واتاسف منة
حسيتة يحبني وحس بية
وعدت مرحلة التلميح
يفوت ويوكع كلشي من ايدي
ميحس المصدوم بروحة
ومايدري من البيدة يطيح
نضراتة يدزهن لعيوني
وعطرة يدزة بايد الريح

 مقتطفات مميزة ورائعة من اجمل ابيات شعر شعبي عراقي قصير 2018 قدمناها لكم في هذا الموضوع من خلال موقع احلم .. قصائد شعر شعبي عراقي قصير جميلة وراقية ومتنوعة ، ابيات من قصائد رومانسية وابيات شعر حزينة ومؤلمة عن الفراق والألم والخيانة نتمني أن تكون قد نالت إعجابكم .

اترك تعليقاً

زر الذهاب إلى الأعلى