شعر حزين

شعر حزين للشاعر خضير هادي ممزوج بالألم مؤثر جدا

قصائد حزينة لخضير هادي

الشعر هو أجمل ما يعبر عن مشاعرنا، وأحلامنا، فهو مرآة لواقعنا، فاذا كان الواقع جميل نعيش فيه في عالم من الحب، والأحلام، خرجت منا أجمل أشعار الحب، والغزل، وإذا كان واقع حياتنا صعب، ومر، نعيش فيه الكثير من الألم، خرجت أشعارنا حزينة، تختلط فيها الكلمات بالدموع، ومن أشهر كتاب الشعر في عصرنا الحديث هو الشاعر العراقي الشعبي خضير هادي الذي ولد في عاصمة العراق بغداد في عام 1962 وتوفى في 24 أبريل من عام 2019 في مدينة أربيل بالعراق، وهو من الشعراء الذين اشتهروا بكتابة الأغاني، الذي تغنى بها الكثير من الفنانين العراقيون منهم هيثم يوسف، وحاتم العراقي، ومحمد عبد الجبار، وعلاء سعد، وصلاح حسين، وقد بدأت شهرة الشاعر العراقي الكبير خضير هادي عندما ألقى قصيدته الشعرية “خمسة زايد خمسة” أمام الرئيس العراقي صدام حسين، والتي كانت عن الشهداء العراقيين خلال الحرب العراقية الإيرانية

من أشهر ألبومات خضير هادي الشعرية

  • اسوار الذهب
  • عنوان إلى صديق
  • ضاكت علي
  • الوداع يا امي
  • سيارة وجوال
  • عسل
  • أولادي
  • خسرتيني
  • خمسة زايد خمسة

شعر حزين لخضير هادي

شعر حزين للشاعر خضير هادي
شعر حزين للشاعر خضير هادي
كلو حتى السعف والتمر والجمار…..وبقة بس الجذع مشتعلة بيه النار
وهنانة كعدو سيطرو عالابار…….وطبو للمتاحف وباكو الاثار…
معروف الرصافي تطوقة دبابات….والسياب باكو منة كومة اشعار
خلو بالطريق اسلاك يابو اسلاك….كونكريتية وسيامة ها
خلو بالطريق اسلاك يابو اسلاك وبغداد الحبيبة لبسوهة سوار
احتلو كربلة اويلي على كربلة وميسان والحمزة وعلى حس القنابل نامت العشار
احتلو الموصل والنجف والفاو وبركبة البصرة حدو المنشار عراقيين واسفة الزمن بينة اندار ……
شاهد انا عالجرى وشاهد انا عالصار …ياهو الي يطفي شعب مشتعلة بيه النار ……
صعدنا فوك السطح نباوع على الطيار ابو الاباتشي الطيار انعل ابو لابو الدزة علينة ….
ومنين طار من يا منطقة …….
صعدنا فوك السطح نباوع على الطيار بكلبة ماكو رحم فلش علينة الدار…
امى كتلهة القصف هنا ماتو اخوانى وصاروخ اجة من بعد فلشلي جيراني شاهد عيان الزمن ياناس خلاني ماعدنة غير الصبر وفوك الصبر دنفوت من يرضى هذا الوطن يتخلة في تابوت

ميموت هذا البلد ماطول اكو عراقي ……. ميموت هذا البلد لا لا ابد ميموت يا عالم اسمع بعد صوتي وانفاسي وطني حبيبي وهلي وكل ربعي وناسي…..

قصيدة اليحبك ما يخسرك

شعر حزين للشاعر خضير هادي
شعر حزين للشاعر خضير هادي

اليحبك ما ينكرك
واليحبك مايخسرك
واليحبك ما يغدرك
واليحبك يرهم حزام علظهرك
واليحبك ما يعبرك
واليريدك يبوس ايدك
واليحبك يبوس ثغرك
واليحبك ما يكسرك
شما نصيت يعلي سعرك
واليحبك ما يغيبك
واليحبك ما يسهرك
واليحبك يمتثل صدك لامرك
واليحبك هو بس هو اليعذرك
واليحبك مثل عطرك يغفة ويموت على صدرك
ومو خسارة لو ردت تنطيه عمرك
اليريدك يصير دم بنص وريدك
اليحبك وين ما ترحل تشوفة
اليحبك وين ما تسكن يشوفك
اليحبك مثل ظلك ما يعوفك
واليحبك مثل هذا النفس يصعد يصعد وينزل بجوفك
واليحبك وين ما ترحل تشوفة ووين ما تسكن يشوفك
واليحبك يربط زلوفة بزلوفك
واليحبك تغفة يمة وينتهي ويموت خوفك
واليحبك لما تعطش يظل يصب دموع يترسلك جفوفك
واليحبك يفهمك يقهم ظروفك
واليحبك ما يشوف الناس بس انت يشوفك
اليحبك يبيع عمرة ويشتريك
اليحبك لو عبرت بحور يعبرهة ويجيك
يعنتنيك
اليحبك يبيع عمرة ويشتريك
لا يكلبي شصار بيك
ليش تسأل عللي ما يسأل عليك
لا يكلبي لا تصدك بكلمن يكلك ابيك
ابقة مثل الورقة بيضة مو تظل ياهو اليجي وكتب بيك
وهمة يتعنون ويبوسون ايديك

قصيدة أشـتهيت الموت مثل اكله اشتهيت الموت

شعر حزين للشاعر خضير هادي
شعر حزين للشاعر خضير هادي

اشتهيت الموت مثل اكله اشتهيت الموت
مثل واحد يحبله بنيه بالبصرة وهو بيتهم بالكوت
بالغربة ويجيني الصوت
وين انت اشتهيت الموت
بنص بغداد اريد الموت
والجناز من يم الرصافة يفوت
وطلب اخر اطلبه والحجي بسكوت
لاتخلي قبغ لو باب ع التابوت
حتى اشتم هوا بغداد
خليني اشتم هوا بغداد واشهك شهكة اليركض
وماظنها قضيتي تفض
واكتل غربتي بيدي
وماظنها قضيتي تفض
ياجناز مر بيه على الكاظم ابو طلبه
حتى اشكيله بيه شسوت الغربة
وعلى الكيلاني مر بيه
وعلى ابو حنيفة مر بيه
وعلى الخلاني مر بيه
وعبرني الجسر للخضر بلكي ارتاحلي شويه
اشتهيت الموت مثل اكله اشتهيت الموت
مثل واحد يحبله بنيه بالبصرة وهو بيتهم بالكوت

يا دمعة حزينة الخد تلكَاج
بس لا ترمش العين وتطيحين
جم بسمة جميلة تفاركَ شفاج
وانتي على الجفن بهداي تدبين
الزكَي على الرمش لو مرو اعداج
ومن يرحون فيضي شما تفيضين.

لقد عاشت العراق فترة من الزمن لم ترى فيها غير الحروب، وما في الحروب من ألم، وحزن، ودمار، الأمر الذي أثر على شعرائها، فكتبوا وتغنوا بأروع كلمات الشعر الحزين، الشعر الممزوج بالألم، وكان كاتبنا الكبير خضير هادي، من رواد هذا الشعر الحزين، حيث كانت ما كتبه من شعر حزين للشاعر خضير هادي، أشعار تحرك المشاعر بما فيها من أشجان ممزوجة بالحزن والألم، وفي نهاية مقالنا هذا والذي قدمنا لكم فيه مجموعة كبيرة من شعر حزين للشاعر خضير هادي، فاننا هنا في موقع أحلم نتمنى لجميع زوارنا أن يكونوا استمتعوا مع تلك المجموعة من الأشعار الجميلة للشاعر العراقي الكبير خضير هادي.

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق