حكم

امثال عربيه مصرية قديمة و معروفة

امثال عربيه

من الثقافات الشعبيه الموروثه بين المجتمعات والشعوب هي الامثال الشعبيه المتداوله بيننا وهي عباره عن سرد بعض الكلمات العاميه شفهيا ولكنها قديمه و موروثه منذ زمن بعيد و فى بعض كلماتها حكم و مواعظ مهمه فى الحياة ورثناها من الاجيال السابقه و من أجدادنا ونقدم اليكم اليوم مجموعه من أبرز الامثال الشعبيه المتداوله بيننا والتى لا تخلو منها اى من الثقافات و تعكس افكار الشعوب وكلماتهم والعادات والتقاليد المتوارثه فنتمنى أن تنال إعجابك.

امثال شعبية
امثال شعبية

امثال وحكم شعبية معروفة

  • بوس الايادي ضحك عاللحي.
  • أن ما خربت ما بتعمر.
  • اللى يحبه ربه يحبب فيه خلقه.
  • يا مامنه للرجال يا مامنه المئة ف الغربال.
  • امشي فى جنازة ولا تمشي فى جوازة.
  • امشي على مهلك علشان توصل بسرعة.
  • الغائب حجته معاه.
  • ترتر وحرير على غطا زير.
  • حبك فى قلبي يا بهيه زى حب الاقرع للكوفيه.
  • ابنك على ما تربيه وجوزك على ما تعوديه.
  • ضرب الحبيب مثل اكل الزبيب.
  • أن كان حبيبك عسل لا تلحسوا كله.
  • علمناهم الشحاده سبقونا ع الابواب.
  • تحت السواهى دواهى.
  • الجوز رحمه ولو كان فحمه.
  • اللى معاه قرش يحيره يجيب حمام ويطيره.
  • القرش الابيض ينفع ف اليوم الاسود.
  • لو كانت الرجوله شنبات كان الصرصار سيد الرجال.
  • على قدر لحافك مد قدميك.
  • شنب ماتحته فلوس يحتاج له موس.
  • عندك عيش وعندى عيش وفراغة العين ليش.
  • دارى على شمعتك تقيد.
  • اذا بدك تحيرو خيرة.
  • اذن من طين واذن من عجين.
  • دق ع الحديد وهو حامي.
  • اول المزاح شتم واخرتو لطم.
  • اعمل الخير وارميه البحر.
  • من شابه اباه فما ظلم.
  • ما كل مايتمني المرء يدركه تجرى الرياح بما لا تشتهي السفن.
  • كل داء دواء يستطب به إلا الحماقة اعيت من يداويها.
  • الكلمه كالرصاصه اذا خرجت فات الأوان على ارجاعها .
  • من وثق بالله اغناه ومن توكل عليه كفاه ومن خافه قلت مخافته ومن عرفه تمت معرفته.
  • من قلة الخيل ربطنا على الكلاب سروج.
  • اذا طاح الجمل كثرت سكاكينه.
  • عادت حليمه لعادتها القديمه.
  • ظل راجل ولا ظل حيطه.
  • شحاد وبتشرط.
  • طب الجرة على فمها تطلع البنت لامها.
  • بتحط ف عبها وبتف من فمها.

 

امثال شعبية
امثال شعبية

اروع الامثال و المواعظ الشعبية

 

  • احفظ قديمك جديدك ما يدوم.
  • أن جاعوا زنوا وان شبعوا غنوا.
  • سيب الحلو على هواه هيرجع بعد ما ياخد على قفاه.
  • مكرش يصونك ولا ابو عضل يخونك.
  • ميبقاش تاريخك كله فضايح وتيجي عندى وتديني نصايح.
  • أن جالك الطوفان حط ابنك تحت رجليك.
  • الغربه كربه.
  • حط كلب يحمي دارك وقط ياكل فارك ولا تقول لحد اسرارك.
  • الجلوس على القمم يحتاج الى الهمم.
  • رب أخ لم تلده امك.
  • الرجوله مش كلمه بتتقال الرجوله دايما أفعال.
  • العشق بعد السنين زى المشي ف الطين.
  • الغريب لو صح احسن من ألف اخ.
  • الصاحب اللى ماينفعني ف حياتي ما ينفعني بعد مماتى.
  • السلعه البايره تقول للتاجر استنيني لحد ما ييجي الاعمي يشتريني.
  • الباب اللى يجيلك منه الريح سده واستريح.
  • كتر الدق يفك اللحام.
  • ما تعرف خيري الا أما ييجي غيري.
  • في جزمه جلد وجزمه قماش ناس رخيصه وناس ببلاش وناس زباله متلزمناش.
  • اللى استحوا ماتوا.
  • بكرا بنقعد ع الحيطه وبنسمع الزيطه.
  • اللى ما تتزوج بخدودها تتزوج بجدودها.
  • ابعد عن الشر وغنيلو.
  • ابن الوز عوام.
  • لسانك حصانك أن صونتوا صانك وان هينتوا هانك.
  • القرد ف عين امه غزال.
  • عقلك ف راسك تعرف خلاصك.
  • تبقي في بوقك وتقسم لغيرك.
  • ام البنت مسنوده بخيط وام الولد مسنوده بحيط.
  • اللى يبيع يغتني سنه واللى يشترى يفتقر سنه.
  • تحلفلي اصدقك اشوف امورك استعجب.
  • اتلم المتعوس على خايب الرجاء.
  • أن غاب القط اللعب يا فار.
  • اللى يسمع كلام الناس مينفعش واللى ياكل الحرام ميشبعش.
  • من باعك بالفول بيعه بقشره.
  • البعد عن الناس اكبر غنيمه.
  • يا مزوق من بره شن حالك من الداخل.
  • اخد ابن عمي واتنشر عليه بكمي واخد ابن خالى واتنشر عليه بشالى.
  • اللى تلقا ايدو ف جيبك عمره ما يكون حبيبك.
  • شايل طاجن ستك.
  • قليل البخت يلقا العظم في الكرشه.
  • خلخال الحماء في ساق الكنه.
  • الجمل اذا بار مايحمل قنطار.
  • تعطيهم عينيك يطمعوا فى حواجبك.
  • اللى مايعرف معنانا ما يقعد معانا.
  • زاد الطين بله.
  • لو كانت الرجولة بالصوت العالى كان الكلب سيد الرجال.
  • المال السايب يعلم السرقة.
  • بعد العيد ميتفتلش الكحك.
  • الصديق عند الضيق.
  • وراء كل رجل عظيم امرأة.
  • الهدوء الذي يسبق العاصفة.
  • وين ذانك يا جحا.

 

امثال شعبية
امثال شعبية

قدمنا لكم اليوم مجموعه متنوعه و مختاره من الامثال الشعبيه الجميله التى تعبر عن ثقافات مجتمعاتنا وهي اكثر شيء شيوعا ف المجتمعات العربيه حيث يدل على الفكر المتداول الذى يعكس طبيعة ولغة المجتمعات لسلاسة الألفاظ المتداولة به ولادراك العقل لكلماته بسهوله ويسر فنجد أنه من الأشياء المحببه للتعبير عن المواقف بالفاظ فكاهيه وبسيطه .

و يمكنكم ليضل قراءة : تفسير حلم النمل الابيض في المنام لابن سيرين و النابلسي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى