شعر

اشعار عراقية شعبية قصائد شعر حزين ومؤثرة باللهجة العراقية 2017

تمكن الشعراء العراقيون من التعبير عن اصدق مشاعر الألم والفقد والحزن بعد فراق الأحبة من خلال قصائد مميزة جداً من اجمل اشعار عراقية شعبية ونتناول معكم في هذا الموضوع من خلال موقع احلم مجموعة مميزة من المقتطفات الرائعة من اشعار عراقية شعبية مكتوبة باللهجة العراقية ، اجمل قصائد اشعار عراقية شعبية 2017 استمتعوا بقراءتها الآن من قسم : شعر .. من المعروف أن الاشعار العراقية تغلب عليها نبرة الحزن والألم والعتاب والفراق، وهذا النوع من الشعر قد نبغ فيه الشعراء العراقيون وتمكنوا من التعبير عن مشاعر الحزن والفقد بشكل مميز ورائع جداً، استمتعوا باقوي اشعار عراقية شعبية لا تفوتكم .

شعر عراقي شعبي مؤثر

خلص عمرنه كضه مابقى عدنه عمر
نبني احنه وانت تجي اتهد البناء ال.. عمر
تاليهه تفعل مثل فعلت العاصي عمر
جدك لمن واجه علي حامي الحميه

عله (شلونك) .. اخمّن بيك
على الله انه وعله اهمومك
دجيس الروح .. تلگاني
اقربلك من اهدومك

مرات احس روحي انطفت
من تشتعل حنيتي
واشتاك ودموعي مطر.
ومناشغ ودخان تارس ريتي

يالگصيرة
ترستي العين
غيرج ماوصل جفني
وين الله واعيش هواي
اشوف وياج يمشي ابني
يا ام بيتي
يالگصيره يتربيتي
احبج لله ولنيتي
اسد عيوني واتراهن..
من عطرج اعرفنج يلگصيره اذا جيتي

اجاوبك.
الراح الحضن غيرك يعتبر مات
والخذاه الموووت ماضن بعد يرجع.
جنازه صاحبك او عرس ولفك فات
نفس الشي على الثنين الجفن يدمع

احبج… ضاجو من اكتبها ع الحيطان
عاشگ واهلج يگولون مصخها
واگلهم سهله صار امسحها هذا اليوم
مايدرون( احبج )راح اطوخها

عليك الله أحلفك هم مثلي سهران
لو عادي نسيت وهانت العشرة
أعظ عظه يتيم من يمر طاريك
وأظن طارينه مات ومحد يذكرة
ماأعرف شكلك بس والله مشتاك
مثل شووك الأسير وخنكته العبرة

انصحك من تحب لاتحب ياهوا الجان
لان ماريد بعدي تعشك بساع
ولاتشري التبيعه الناس بالسوك
ترى السعره رخيص بساع ينباع
ولتغرك مظاهر بس بالوجوه
اكوا بين البشر مختلفه الاطباع
والتأمن بشر شايل طبع ذيب
طبع الذيب ياكل كلشي لو جاع
نصيحه من شخص رجعته مجروح
وعرف طعم الجروح وطعم الاوجاع
مو ذنب اليحب لو رجع ندمان
ترى الحب الحقيقي بهل زمن ضاع.

احتراما للجرح مااوكف اوياك
وعلى نفس الدرب ماخلي ممشاي
كتلك عالسوالف بعدك صغير
صير بكبر جرحي وسولف وياي

انا ما اكدر اكلك لا تروح
روح الله وياك انا امتاني
بنفس درب الي مشيته انطر تعود
شجره انا ايصير انسه اغصاني
جرحك بروحي اشحلاته اشما يطول
اجرح بسجيني هاك الثاني
لكن احجاية ضمير اسمعها زين
صعبه حيل انساك لو تنساني
انت من طين البشر ربك بناك
وانه هم مثلك بشر سواني
لكن المقياس بالحب والوفاء
ومو نكر للذات لو تهواني
عمي ماريدك تحبني بلا يه روح
انا ما ريدك خشب سجاني
روح ومشي وعاين دروب الحياة
ومن ترد مفتوحه لك بيباني
انا طبعي من النهر ماخذ دروس
يعني استاذ بحظرتك اني
بس اسف بالمسحه من فلاحي طاح
كامت اتبوك بزرع بستاني
وانه ايدي امكطعه وناطوري مات
وليلي باع انجومه كلها وجاني
وانت جاي تريد تمشي بلا وداع
عمي روح اشضل بعد شتاني
هيه كلها اتراكمت ضلت عليك
كافي راح اسكت وكصه للساني

قدمنا لكم في هذا الموضوع المميز من خلال موقع احلم مجموعة مميزة جداً من اقوي قصائد الشعر الشعبي المكتوب باللهجة العراقية، قصائد شعر حزينة معبرة ومؤثرة جداً استمتعوا بقراءتها الآن .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى